للمبتعثه المتزوجه فقط...(مناقشات هامه جدا جدا).

انا عززابي بس بنبرش بالموضوع



عادي انتي وزوجك واحد >> يعني مكافأتك على مكافأته وتقاسموا << اذا احتجت هو يعطيك واذا هو احتاج انتي اعطيه



ما يبيلها منااااقشه ابدن >> وبعدين كل واحد المبلغ اللي عندهـ يكفيه انششششا الله




بالتوفيق لجميع المبتعثين والمرافقين




سي يا

وانا بعد عزاااابيه وماجربت

لا وانا موظفه بعد
بس اتوقع بيكون وضعنا مشترك وعااااادي اهم شئ ماتنصرف بالخرابييييييييط

بالتوفيق

انا فتحت لاخوي حساب في نفس البنك وكل شهر ارسله فلوسه
ولوكان زوجي اتوقع راح اعامله بطريقه ماتجرح

هلا اختي
مبرووك الف مبرووك اولا
ثانيا بالنسبه لي انا ماعمري حسست بزوجي انه فيه فرق بيني وبينه عشان الفلوس لاني استحي اجرحه مو يكفي انه طالع معي فاللي سويته انه فتحتلي حساب ووهو حساب المكافأه تنزل ع حسابه وانا اخذ مصرروفي واحطه بحسابي وهو مسؤل عن باقي الاشياء اصلا احسن شي مريحه راسي من المسؤليه الزم ماعلي احتياجاتي واذا صار فيه شي متوفر نهاية الشهر اخذه عشان ادلع نفسي شوي خخخخخ اسمي مبتعثه وام يعني استاهل ع قد تعبي يعني اشوف انه اسلم حل ماخرب العلاقه بيننا عشان فلوس
مع انه فيه كثيرر جدا تفصل مكافأته عن زوجها بس والله يبقى بنفسه شي عشان كذا خليت نظامنا واحد زي بالسعوديه

السلآم عليكم .. اول شئ معليش انا داخل غلط .. لاني عزابي .. بس بصراحه شدني تفكيرك اختي ..

طيب وشرايك .. البس جنز ولا البس ثووب .. اليوم .. << اكيد راح تقولين .. وش دخلني .. فيك .. انشالله تسوي اللي تبيه ..
عشان كڈا اختي العزيزه .. هڈا شئ يعتبر من خصوصياتك .. الزوجيه .. وسر من اسرار بيتك .. ليس من المعقول اني راح اسأل احد من الشباب .. وش رايك .. اعطي زوجتي الراتب .. ولا اعطيها نص الراتب .. ولا وش اسوي ..


يعني الرجال مكلف على نفسه .. وحاب ان مستقبل زوجته .. يكون للافضل .. وتكون لها شهاده تتفتخر فيها .. وانتي الله يهديك.. جايه تقولين ..

أيش ياحلوات راح تسوون مع ازواجكم يعني منوا راح يمسك البطاقه ويصرف منها انتي ولا زوجك وكيف راح تتقسمون المكافاه وخصوصا انه مكأفتك انتي المبتعثه أكثر بكثيررررررررر؟؟؟؟؟ << يعني كيف .. مثلآ انتي عمرك .. سمعتي ان الوالده الله يخليها .. هي اللي تعطي ابوك .. المصروف ..


اختي .. الزواج .. هو حب وتعاطف وتفاهم ولايس ماده .. اتمنى منك انك تراجعين .. حساباتك في كلآمك ..

همسه .. اڈا تبين تبنين حياه اسريه ناجحه ..(( ودارو اموركم بالكتمان .. )) الله يوفقك .. ويسهل امرك اختي .. وانا جدا اسف على مابدر من واتمنى انك تاخڈين كلامي بصدر رحب

ودي ــ تركي بن عبدالله

انا مع اخوي " طموحاتي غيرت كياني " <<< الموضوع مايبيله نقااااش من البدايه



اعتبروا انكم بالسعوديه > وجمعوا المكافئتين وحطوها بحسساب واحد << وخلي زوجك يعطيك مصروف والباقي للاحتياجات الثانيه



وخصوصا انك زي مالقلتي توكـ عروووسه << الفلوس خلييييييها اااااااخر اهتمامات ولا تفكري ادنى تفكير فيها




بالتوفيق مره ثانيه

السلام عليكم

اختي العزيزة نصيحة لوجه الله لا تبني علاقتك مع زوجك في بدايه حياتكم علي امور تافه زي كدا

اجلسي مع زوجك وقررو سوا ايش الي يريحكم

انا مثلا ام لطفلتين ولي راتب ولزوجي راتب ولاطفالي راتب بس كلو في حساب واحد مشترك انا معايا بطاقة وزوجي معاه بطاقة لنفس الحساب
نخرج ايجار الشقة والحضانات والفواتير وباقي المبلغ لنا ولاطفالنا بس اهم شي انكم تصرفو بعقل عشان ماتفلسو اخر الشهر .
والله يوفقكم ويسهلكم اموركم وتقبلي مروري

السلام عليكم
احب اشكركم كلكم سؤا الي ساعدني بكلامه او الي ماساعدني
طبعا بالبدايه الاغلب قال انك مفروض ماتفكرين بالفلوس اي صح بس هذا الشي لازم نفكر فيه نبي ولا مانبي
ثاني شئ كل الاخوات طلع لهم حساب مع ازواجهم يعني يااهوا يفتح لنفسه حساب ويحط مصروفه فيه يااهي تفتح لنفسها حساب وتحط مصروفها في يعني اخر الكلام مو بس الزوج الي يكون معه كل المبلغ .
........ يتقااااااااااااسموووووه مووووووووووو!!!!!!!!!!!!!
فليش يعني يااااالشباب الي ردوا علي منصدمين من سؤالي هههههههههه يعني عادي حنا نتناقش وبعدين هذا مو سر عادي هذي امور تمر فيهاا كل متزوجه مبتعثه مثل حالتي ماتدري وش الصح من الغلط >>>امركم عجيب كاني سويت شئ حرام

بس رغم ذلك اشكركم ع الرد

واشكر خواتي لانكم فعلا نبهتوني ع حكايه اني افتح لنفسي حساب خصوصا اني توني عروس واستحي اطلب شئ من زوجي فالافضل اني افتح حساب لنفسي واحط مصروفي فيه


وجزاكم الله خير ع الرد الطيب


طموحاتي غيرت كياني .. اما انت يااخي الله يهديك ترا مو كل الناس تعيش ع نفس نمط حياتك اعرف كثير ناس يكون مصروف البيت بأيد زوجته وخصوصا بهــ الوضع الي حنا عايشين فيه يعني وش دخل الوالده بالسالفه الحين هذولي جيل وحنا جيل
وموووو كل الرجال مثلك يفكروون
وحسباتي صحيحه وتفكيري سليم ولله الحمد
انتوا الي معقدين ومكبرين السالفه .


بعدين انا فتحت الموضوع للمناقشه الوديه مو للذم والاستهزاء بطريقه تفكيري
الله يهديكم عشان كذا نبهت بالبدايه انه يكون الرد من المبتعثه المتزوجه او المبتعث المتزوج لاني مافيني اسمع كلام من عديمي الخبره مع كل الاحترام