مبتعث فعال Active Member
المملكة المتحدة
مـــــــــاجـــــــــد , ذكر. مبتعث فعال Active Member. من المملكة المتحدة
, مبتعث فى المملكة المتحدة
, تخصصى Health Managment
, بجامعة EAST LONDON UNIVERSITY
- EAST LONDON UNIVERSITY
- Health Managment
- ذكر
- london, London
- المملكة المتحدة
- Aug 2006
المزيدl April 26th, 2007, 12:30 AM
April 26th, 2007, 12:30 AM
سلالالالالالالالالالالالالالالالالالام, :90: :90: :90: الزمان: الساعه 12 ودقيقتين صباحا ,, المكان: ورا المركة في بيتنا الموقر الموضوع: طلاب كندا المساكين,,وقبولاتهم ،،وايش راح اسوي انا ,,>>>وش عنده ههههه:121: المهم بدون فلسفه وهذرة زايدة,,, انا رحت للوزارة يوم السبت اللي راح بخصوص طلاب كندا,,والقبولات,, انا راح اعطيكم الزبدة وبختصر روحتي للوزارة,, رحت الوزارة الساعه 10 الصبح ,,دخلت على مركز القبول عاد فيه موظفين يجاوبون على استفسارات المبتعثين,, انا:السلام عليكم الموظف:وعليكم السلام انا:انا من طلاب كندا وجاي استفسر عن القبولات الموظف:اول شي ياهلابك وثاني شي انتم ياطلاب كند شكلكم مطولين,, انا :ليش؟؟ الموظف:الوزارة ارسلت اوراق دفعه من الطلاب ,,وباقي دفعة ثانيه الاسبوع هذا,. انا: اوكي ماعليه بس متى القبول راح يجي,, الموظف : مطول.. انا: يعني كم.....شهر؟؟ الموظف :لا بالقليل شهرين او ثلاثه... انا: طيب اللي بيجيب قبول بنفسه راح تعتمدونه ؟؟ الموظف : انا ماراح افتيك روح لدكتور محمد الحارثي في مكتب رقم 105 >>ماني متاكد من رقم المكتب.. انا ::مشكور وماقصرت المهم درعمت مكتب الدكتور محمد الحارثي,,,دخلت وسلمت كان في المكتب تقريبا خمسه او 6 موظفين سالت اول موظف وين الدكتور محمد الحارثي.. قال مو موجود.. تعاله في الليل من الساعه 5\7 مساء .. امر بغيبت شي..؟؟ قلت: ايه ولا عليك امر انا ابي استفسر بخصوص القبولات اللي بنجيبها بانفسنا؟؟ قال: والله شوف انت جيب قبول واعرضه عالوزارة وان شاء الله يقبلونه انا: طييب اخاف ماتقبلونه.. قال : لا ان شاء الله نقبله لان قبولات جامعات كندا فيها صعوبة شوي,, انا: مشكور وماقصرت,, عاد بعد ماخلصت من الوزارة,, طلعت لمكتب عشان ابي اجيب قبول لنفسي..(بس استفسار) هالمكتب هذا رايح له انا بعد ماوصاني واحد من العيال اني اروحله.. لانه يقولي انا اعرف واحد جابوله قبول ب 4 ايام ,,والرجال سافر لكندا على حسابه الخاص,,, دخلت المكتب رحت للموظف انا : السلام عليكم الموظف: وعليكم السلام,,امر يالطيب. انا : مايامر عليك عدو,,ابد,,بس بغيت قبول من الجامعة في كندا,,وانا طالب مبتعث من الوزارة واهم شي يكون من جامعة موصى بها... الموظف.: اهلا وسهلا ..اصلا احنا مانتعامل الا مع الجامعات الموصى بها من الوزارة,, طيب انت عندك جامعة معينه..؟؟او مدينة معينه.؟ انا: لا ماعندي جامعة.بس لو تكون في بريتش كولومبيا يكون احسن الموظف : اوكي,, عاد الموظف طلعلي كم جامعة منها جامعة ملسبينا>>مدري الاسم صح.؟؟ وجامعة تامسون ريفر وجامعة سايمون فريزر وكم جامعة كذا...؟؟ انا: اوكي ,,بس كم يوم عشان القبول يجي.. الموظف: حدود 10 ايام... انا : طيب ..كم السعر.. الموظف : 1000 + 250 البريد.. انا اوكي مشكور وماقصرت ويعطيك العافيه... بس انا كني اتذكر انه قال نوفر لك سكن واستقبال بالمطار واجراءات الفيزا ما ادري بس كني سمعته يقولها طلعت من عندهم وانا ,,فكرة اني اجيب قبول بنفسي تراودني.>>معجبته كلمة تراودني:119: عاد انا قرقرت(قررت) اني اغامر واجيب قبول بنفسي ارحم من اننا نقعد 3 شهور وماندري عن الوزارة باي مدينة راح تحطنا.. عشان كذا اول شي نظمن الجامعة والمدينة اللي نرتاح لها وثاني شي سرعة القبول والسفر,, وبس هذا كل اللي عندي ... واتمنى اني افدتكم...وانا ان شاء الله هاليومين بروح للمكتب اجيب قبول لي احسن لي,, وسلامتكم,, وان كان فيه اخطاء املائية اعذرونا عاد ترانا كاتبين الموضوع بسرررررررعه... سي يو :90: :90: :90: يعطيك العافيه اخوووي وماقصرت
والله يوفقك ...
المكتب اللي بتتعامل معه وين مكانه واسمه ..
وهل يعطووونك قبول بدووون ضمان مالي ؟؟
وشكرا لك
نسيم الجنوب April 26th, 2007, 12:41 AM
7 " المكتب اسمه الرحلات الذهبيه
اما بالنسبة للضمان المالي ,,ترا جامعات كندا,,يعطونك قبول بدون ضمان,,
وياهلابك
مـــــــــاجـــــــــد April 26th, 2007, 01:01 AM
7 " واله ياخوي دنيا,,انا زيك ماعرف الفرق بين القبول الي يجيبه مكتب واللي اجيبه بنفسي..
اما اذا عندهم فرع ثاني والله ما ادري بس اذا رحت بسالك..؟
مـــــــــاجـــــــــد April 26th, 2007, 01:06 AM
7 " يا شيخ توقعت بتطب على الوزارة في عملية انتحارية انت وقرقراتك .. الله يخارجنا .
شف يا حبيبي الوزارة وارها الاف القبولات ياحبيبي .. خذها من قاصرها وجب قبولك واتوكل على ربك ، خففوا عن الوزارة شوي يا شباب وماهو لله لكن لانفسكم
بالتوفيق ياابو القرقرات
Abo_M7mad April 26th, 2007, 01:48 AM
7 " ياليت تحط أرقام المكتب وأشكرك .
KHALED345 April 26th, 2007, 05:57 AM
7 " هلالالالالالا بكم والله كلكم...
المشكلة اني ما اخذت رقمهم بس مو مشكلة ..
انا رايح لهم خلال هاليومين ان شاء الله...
ومن ناحية وين مكانهم...
هم يا طويلين العمر عند تقاطع شارع الثلاثين مع الشارع الضباب عند مكدونالدز,,
هو بنفس الشارع اللي عليه مكدونالدز ومقابله(يعني قدامه) امتداد الثلاثين ,,
اللي مافهم الوصف يقولي واعيده له...
مـــــــــاجـــــــــد April 26th, 2007, 10:46 AM
7 " 
LinkBack URL
About LinkBacks
April 26th, 2007, 12:30 AM
سلالالالالالالالالالالالالالالالالالام,:90: :90: :90:
الزمان: الساعه 12 ودقيقتين صباحا ,,
المكان: ورا المركة في بيتنا الموقر
الموضوع: طلاب كندا المساكين,,وقبولاتهم ،،وايش راح اسوي انا ,,>>>وش عنده ههههه:121:
المهم بدون فلسفه وهذرة زايدة,,,
انا رحت للوزارة يوم السبت اللي راح بخصوص طلاب كندا,,والقبولات,,
انا راح اعطيكم الزبدة وبختصر روحتي للوزارة,,
رحت الوزارة الساعه 10 الصبح ,,دخلت على مركز القبول عاد فيه موظفين يجاوبون على استفسارات المبتعثين,,
انا:السلام عليكم
الموظف:وعليكم السلام
انا:انا من طلاب كندا وجاي استفسر عن القبولات
الموظف:اول شي ياهلابك وثاني شي انتم ياطلاب كند شكلكم مطولين,,
انا :ليش؟؟
الموظف:الوزارة ارسلت اوراق دفعه من الطلاب ,,وباقي دفعة ثانيه الاسبوع هذا,.
انا: اوكي ماعليه بس متى القبول راح يجي,,
الموظف : مطول..
انا: يعني كم.....شهر؟؟
الموظف :لا بالقليل شهرين او ثلاثه...
انا: طيب اللي بيجيب قبول بنفسه راح تعتمدونه ؟؟
الموظف : انا ماراح افتيك روح لدكتور محمد الحارثي في مكتب رقم 105 >>ماني متاكد من رقم المكتب..
انا ::مشكور وماقصرت
المهم درعمت مكتب الدكتور محمد الحارثي,,,دخلت وسلمت
كان في المكتب تقريبا خمسه او 6 موظفين
سالت اول موظف
وين الدكتور محمد الحارثي..
قال مو موجود.. تعاله في الليل من الساعه 5\7 مساء .. امر بغيبت شي..؟؟
قلت: ايه ولا عليك امر انا ابي استفسر بخصوص القبولات اللي بنجيبها بانفسنا؟؟
قال: والله شوف انت جيب قبول واعرضه عالوزارة وان شاء الله يقبلونه
انا: طييب اخاف ماتقبلونه..
قال : لا ان شاء الله نقبله لان قبولات جامعات كندا فيها صعوبة شوي,,
انا: مشكور وماقصرت,,
عاد بعد ماخلصت من الوزارة,,
طلعت لمكتب عشان ابي اجيب قبول لنفسي..(بس استفسار)
هالمكتب هذا رايح له انا بعد ماوصاني واحد من العيال اني اروحله..
لانه يقولي انا اعرف واحد جابوله قبول ب 4 ايام ,,والرجال سافر لكندا على حسابه الخاص,,,
دخلت المكتب رحت للموظف
انا : السلام عليكم
الموظف: وعليكم السلام,,امر يالطيب.
انا : مايامر عليك عدو,,ابد,,بس بغيت قبول من الجامعة في كندا,,وانا طالب مبتعث من الوزارة
واهم شي يكون من جامعة موصى بها...
الموظف.: اهلا وسهلا ..اصلا احنا مانتعامل الا مع الجامعات الموصى بها من الوزارة,,
طيب انت عندك جامعة معينه..؟؟او مدينة معينه.؟
انا: لا ماعندي جامعة.بس لو تكون في بريتش كولومبيا يكون احسن
الموظف : اوكي,,
عاد الموظف طلعلي كم جامعة منها جامعة ملسبينا>>مدري الاسم صح.؟؟
وجامعة تامسون ريفر وجامعة سايمون فريزر وكم جامعة كذا...؟؟
انا: اوكي ,,بس كم يوم عشان القبول يجي..
الموظف: حدود 10 ايام...
انا : طيب ..كم السعر..
الموظف : 1000 + 250 البريد..
انا اوكي مشكور وماقصرت ويعطيك العافيه...
بس انا كني اتذكر انه قال نوفر لك سكن واستقبال بالمطار واجراءات الفيزا ما ادري بس كني سمعته يقولها
طلعت من عندهم وانا ,,فكرة اني اجيب قبول بنفسي تراودني.>>معجبته كلمة تراودني:119:
عاد انا قرقرت(قررت) اني اغامر واجيب قبول بنفسي ارحم من اننا نقعد 3 شهور وماندري عن الوزارة باي مدينة راح تحطنا..
عشان كذا اول شي نظمن الجامعة والمدينة اللي نرتاح لها
وثاني شي سرعة القبول والسفر,,
وبس هذا كل اللي عندي ...
واتمنى اني افدتكم...وانا ان شاء الله هاليومين بروح للمكتب اجيب قبول لي احسن لي,,
وسلامتكم,, وان كان فيه اخطاء املائية اعذرونا عاد ترانا كاتبين الموضوع بسرررررررعه...
سي يو
:90: :90: :90: