مــاهو الصح ؟؟

من الاخير اقولها ولا تعتبريها تحبيط بس هذا الواقع كندا تشيلي الطب من راسك الاولويه عندهم للكنديين والمقاعد لطلاب الدوليين محدوده جدا وعليها منافسه كبيره واعرف ناس جوا حاول ودرسوا الاربع سنين ولا قدروا ياخذوا وبالاخير راحوا دوله ثانيه

فابد ابد ماتسوا عليك ماهي شي مضمون تجي تضيعي عمرك عشانه وبعدين ماتنقبلي في حين الاربع سنين الي بتدرسي فيها عشانه ممكن تخلصي فيها اي تخصص بكالريوس ثاني او تخلصي اربع سنوات طب في دوله ثانيه

من وجهة نظري كملي طريقه الي بديتي فيه وأخذي البكلريوس وإذا تبين ابتعاث بعد ما تخلصين بكلريوس طلعي امريكا او كندا بس لا تطلعين من الكليه الي الان انتي فيها حرام سنتين تروح عليك كذا بس عشان دراسه برى هو صحيح الدراسه في كندا اقوى بكثير لاكن لا تضيعين نفسك
كملي في الكليه الي انتي فيها بعد كذا طلعي ماستر وبعدين مو معناتها جاك قبول لغه يعني جاك قبول جامعي انا سمعت بس ماني متأكد القبول في التخصصات الطبيه مو بسيط في كندا وبالتوفيق انشالله

ألف شكــر على نصائحكم .. بس أفهم من من كلامكم أنه حتى لو أبغى أدرس بكالوريوس الطب بأمريكا أوكندا مستحيل ألقى قبول .. يعني راحت فرصتي .. اللهم لك الحمد على كل شي ..

شاكرة لكـ أخوي أحمد تعاونكـ .. بس القبول صح جاني من المعهد بس انا لما اوصل هناك ابوي او اخوي يقدم لي في الجامعة .. اقصد خلال دراستي بالمعهد باحاول انتقل بعثة على حساب الملك واختار تخصص الطب او طب الاسنان .. هذا الي قصدته .. مافهمت ابدا وضحوا لي .. وجزيتم خيرا ..

اختي قبول المعهد هذا اي واحد يقدر يجيبه مو شي صعب الشي الصعب القبوال في البرنامج الجامعي بالنسبه للتخصصات الطبيه في كندا بشكل عام بس امريكا اتوقع اسهل في القبول في مجال الطب والي يخليها اسهل ان جامعاتها كثيرة مرة وفي جامعات خاصه او اهليه الفرق بين كندا وامريكا ان كندا على ما سمعت ما فيها جامعات اهليه كل جامعاتها حكوميه بمعنى الهدف المادي مو شي رئيسي لاكن في امريكا راح تحصلين قبول اسهل من كندا زي ما قلتلك بسبب كثرت الجامعات وجود جامعات خاصه او اهليه طبعا كل الأقتراحات الي قلتها لك مجرد اقتراحات بخصوص عدم الخروج من الكليه الي انتي فيها حاليا والخيار الأول والأخير يرجع لك تحياتي لك وبالتوفيق انشالله للجميع

بعدين من شروط الألحاق ان يكون فيه قبول جامعي وهذا شرط رئيسي بعدين ما راح يضمونك الين تجيبين قبول جامعي طبعا انا ما ابي احطمك ولاكن هاذي الحقيقه وتحياتي لك

مشكور أحمد ... من ناحـــــــــــية تحطــــــــــيم تحطمت من زمان .. بس مازال عندي أمــــــــل بأن أكمل دراستي في الطـــــب .. شكرا جزيلا لكـ .. ودعواتكم لي بالنجاح ..

من ناحية أمريكا فما أقدر أروح أمريكا الي رايح يسوي اوراقي بكندا يعني ياكندا يااودع هدفي في حياتي .. ربي يفرجها قريبــــــا يارب .. شكرا لكـ ..