استفسار استفسار مهم

يرحم والديكم ردوا علي

اخوي مشهور أولا حياك الله

ثانياً لابد تدخل موقع الوزارة والملحقية وتشوف كامل الشروط لاني ما اعرفها كلها

اما بالنسبة للقبول / يلزمك قبول لغة في احد المعاهد التابعة للجامعات المعترف فيها من الوزارة , وكل جامعة لها معهد معترف فيه , ومو شرط الالتحاق بالبعثة انه يكون معاك قبول جامعي , اهم شئ قبول اللغة من معهد تابع لجامعة , ومدة القبول سنة .
بس صعب انك تدفع حق سنة كاملة , لذلك اول ما توصل كندا ابحث عن معهد تابع لجامعة في المدينة اللي بتدرس فيها , والافضل انك تبدا البحث من الحين وتراسلهم وتطلب منهم قبول لمدة سنة , وأول ما توصل هنا تكمل باقي الاجراءات وتفتح ملف دارس على حسابك الخاص وتطلب من الملحقية انضمامك للبعثة
ولكن ما عندي علم كم ياخذ وقت ويضمونك
هالشئ راجع لعدة امور , منها اكتمال اوراقك من البداية , ومنها المتابعة سواء بالملحقية او بالوزارة , وتختلف من مره لمره , ما لهم وقت محدد .

والله يوفقك ويسهل امرك
واذا قدرت تكمل بدولة اخرى , اشوف من وجهة نظري انها افضل لك .
حط في بالك المعيشة في كندا غاليه , وغاليه جدا مقارنةً بالسعودية

بالتوفيق

اخي لازم سنة يكون قبول المعهد ؟

حسب كلام المشرفة على وحدة مقاطعة اونتاريو بكندا , تقول لابد يكون معاك قبول دراسة لمدة سنة من معهد تابع لجامعة معترف فيها
وبإمكانك الاتصال شخصياً بمشرف وحدة المقاطعة اللي بتروح لها وتكلمه وتسأله بنفسك وتاخذ منه المعلومة الصحيحة
او تراسله على الايميل
هذا موقع الملحقية ورابط التواصل مع موظفي الملحقية

Saudi Cultural Bureau in Canada-- الملحقية الثقافية السعودية في كندا



والله يوفقك

مو لازم سنه اهم شيء تطلع من السعوديه بقبول لغه 7 شهور على الاقل عشان لما تجي هنا يعطوك الستدي بيرمنت الي اهو من ضمن شروط الالتحاق