ياطالبات وطلاب كندا ماستر بليز هنا تكفووووووون

الله يفتح عليك فييييييين ماوجهت.. ويكتب لك اجرنا ..
آميييييين يارب ..

زحلطن الف الف شكر لهذا الرد ..

والله يبلغكـ اضعاف آضعاف آضعاف ماتتمني يارب ياحي ياقيووم ..
انا متوتره لاني ماعندي آي خلفيه ابدن

واول وحده تطلع بعثه من قرايبنا ..
بس بعد فرفره بحث بالنت اسبووووع واستخاره ميه مره

امريكا صارت اول خيار ..
والكول يقول انو احسن بكثير من كندا ..

انا كندا بعد الاستخاره ماره ما ارتحت لها ..الرسول عليه الصلاه واللسلام كان ااذ احتار بامرين اختار اسهلهما .. مالم يكن محرمآ ..
بصراحه كثر عليها اللغط واسال مجرب ولاتسال طبيب
ودايم اشوف انو في ناس تحول من كندا لامريكا ..
بس ماشوفت احد راح من امريكا الى كندا ..
واحنا البنات وضعنا غييييييييييير .. نقاب وهالكلام يعني همنا اكبر .. ..
صوح بكندا ممن يكون احسن بس بامريكا كثثثثثثثثير سار اوك ماعندك موشكله مثل كندا .. وربي ييسر ها ان شاء الله

بجد الف الف شكر والله يفتحها عليك فين ماوجهت يارب وماتزحلط ههههههههههههههههههههههههههآي ..

زحلطططططططططططن ,, انا ابغا اسالكـ انتا لمن كونت بامريكا واجهت مشاكل بالمطار .. باي مكان مو شرط
معامله غير وماهي حلوه لانك سعودي ..

يعني مثل ما احنا فاهمين .. ولا عادي كلو كلام جرايد .. ونظره غلط عن امريكا
مثل ماهم ماخذيييييين عنا فكره غلط ..
لانك واقعي جدن حبيت تقول لي بالضبط هوا في مشاكل ولا بس النظره والمفاهيم هي اللي غلط ..!!

رد زحلططططن>> القبول دام المعدل طيب الحمد لله بس يبقى عليكي تكتبي السيرة حقتك وتزبطي امورك وتكتبي الغرض من الدراسه ووو الخ وتتوكلي على الله كل ما كان المعدل احفضل السيرة الذاتيه افضل الخطاب افضل كل ما كانت فرصك بالقبول اكثر

بالتوفيق

رد hanooo2009>>بالنسبة لقبول الماستر اخوانا وخواتنا الطلبة بعضهم يجي معدله اسمحولي على هالكلمة ((( زي وجهه)))

ولا cv كويس ولا خطاب من الغرض من الدراسة زي الناس ولا الاوادم وفوق ذلك يقول ليش ما يقبلوني


اعزائي لازم تشغل مخك شوي وتحاول وانت تكتب في cv تحسس الجامعه انك انت بطل وصاحب فكر عالي

وبالنسبة لخطاب الغرض من الدراسة كمان توضح اهدافك وانتمائك وايش تبغى من بحوثات وتحسس العالم انك عبقري

يعني لازم تصير وحش اسد هههههههههههه عشان تمشي امورك وتكتب اشياء ان قادر تحققها

اول شي الف الف شكررررررررررررررررررررررررر اخ هانو وجزاك الله كل خير وبلغكـ اضعاف اضعاف اضعاف ماتتمنى يارب ..

يعني من كلامكم اول ..

تقصدوون اللي يشتكون من القبول معدلاتهم نازله .. وماهم قد .. !!

وانو الهرجه بالـ cv والغرض من الدراسه .. ..

طيب يعني شايفين معدلي ينفع هناك ..>> انو عالي عندهم .. ؟؟

والله احترت .. بهالكنديين ..

وكمان انا اخويا .. نسبتو نازله اتخرج هالسنه عشان كذا ابغا يستفيد ياخذ لغه وامكن يلتحق .. والكنديين والله لايقرشعوه بالشباشب حقتهم هههههههههههههههههه...


بس والله كثثثثثثثثثثثثير يقولو صعب القبول صعععععععععععععععب والاجراءات معقده << يعني هذوول داجين ماهم حقون دراسه !!

هذا اللي فهمتو .. !!
صوح كذا ولا لا !!

اسمح لي يا اخوي زحلطن، انا باجاوب عنك.

شوفي اغلب مطارات امريكا ما فيها مشكلة وبالعكس متعاونين ما عدا (أكرر) ما عدا نيو يورك واحسن مطار في أمريكا من حيث المعاملة واشنطن دي سي.

اللي تسمعينه كلام جرايد ما عدا مطار نيويورك.

أمريكا لا يوجد بها مشاكل أختي فتوكلي على الله واتركي كندا وأمريكا أفضل لك بكثير.

ربي ييسر امورك

الف شكررر طالب مغترب .. ونااسه اقدر اختار المطار انا >> شي شي

والله معلووووووووووووووومتكـ شي طمنتني بشكل ..

الله يفرجهــــــــــآ عليكـ يارب ويسعدكـ ياحي ياقيوم ..
بجد شكرآ ..

شوفي اختيار الدوله مهم نعم اكريكا مميزاتها كثير والله انا كنت فيها واعرفها جيدا

بس تعرفي عاد في اشياء يعني كده وكده نص كم على قولتهم

يعني كل بلد لها مميزات ولها عيوب مافي بلد خاليه من العيوب بشكل عام امريكا وكندا عينين في راس


وعشان اوضح لك فرق بسيط بين امريكا وكندا

امريكا كانك في السعوديه عالم بيعتها ومنتهيه اما كندا عالم هاي كلاس يعني متطورين عن امريكا حبتين


يعني كيف اقرب لك

امريكا كانها حي شعبي مثلا وكندا حي راقي

طبعا بالنسبه لنا الشعبي افضل لاننا شعبيين هنا هههههههههه

ما ادري كيف اوصل لك المعلومه

لكن كندا ارقى لهذا السبب الناس تشتكي من قمه الدجه الى عالم كلاس وتبغا كل شي بنظام والنظام ما فيه تعاطف

اما امريكا فيها عاطفه الصراحه من ناحيه الانظمه ممكن يكون فيه انظمه مرنه اكثر من كندا

عموما القاعده الذهبيه فين ما تختاري

اي بلد لها قوانين وانظمه

سواء امريكا او كندا او اي مكان في العالم

طالما انك احترمتي النظام الكل بيحترمك ومافي احد راح يكون له طريق عليكي فهمتي يا اختي

يعني في امريكا طالما تعرفي حقوقك ونظامك بالزبط وتمشي عليه من كل النواحي والله ما تتعبي ابدا وكذلك كندا

مثلا امريكا الحضوووووووووووووووووووووووووووووور مهههههههههههههههههمم

لانك لو ما حضرتي راح يباغوا عنك وما تلاقي غير العالم طابه عندك البيت

طبعا مو من غياب يوم ولا يومين

بس النظام في امريكا الان اختلف عن عهد الدجه

اول كان السعودي ياخذ التاشيرة وهو واقف ويخش امريكا يدرس اسبوع ويغيب سنه الحين لا

تغيبي لكي غياب محدد بعدها مكتب الطلاب الاجانب راح يرسل انوا ما يدري عنك متغيبه لفترة مثلا شهر او شهرين او او او

بعدها عاد ما ندري ايش يصير ممكن يطبوا عليكي ممكن يشيكوا يلاقوكي خرجتي من البلد ما تدري

لكن امشي بالنظام لا امريكا ولا اي بلد راح تواجهك فيها مشكله



بالنسبه لكندا هم متشديدن في موضوع الفيزا وتصريح الدراسه وووو الخ يعني لازم هذي كلها تكون جاهزة طبعا الميزة في كندا امكانيه تجديد الفيزا من داخل كندا عكس امريكا




بالتوفيق

المطار وما ادراكي ما المطار زي ما قال لك الاخ نيويورك لا تقربيه ابدا ابدا ابدا ابدا مهما كلف الامر ترا بتكرهي امريكا والساعه الي ركبتي فيها طيارة اصلا راح تنتظري انتظار وراح تشوفي معامله ولا ازفت


احسن مطار واشنطن صح الكلام وانا انصحك نصيحه لو تبغي تدخلي امريكا كانك داخله البحرين ولا اي دوله من دول الخليج ما راح تاخذي اكثر من 5 دقايق بس وانتي داخله زي الحلاوة

اختاري خطوط امريكيه او اجنبيه غير سعوديه او عربيه

يعني اطلعي من هنا مثلا على لندن وخذي من لندن الطيران الامريكي

راح تشوفي انواع التفتيشات في لندن بس بترتاحي في امريكا

تنزلي من الطيارة العالم كلهم امريكان ولهم سرا خاص في الجوازات
واحنا العربوش والاجانب عموما بيكون لنا كاونتر خاص وموظفين خاصين
طبعا بتلاقي معاكي عدد ينعد على الاصابع بحكم ان الاغلب امريكان وانتي والكم واحد اجانب راح تخلصي بسرعه عجيبه

انا دخلت امريكا والله والله والله كنت احسب ان هذي خطوة من خطوات الدخول الا امشي الاقي نفسي خلاص برة والله استغربت من السهاله والسرعه كلها كم سؤال وقال توكل على الله انطلق

بصمه وصورة وسالني وين راح واسم المعهد ووو ومع السلامه انطلق يا قلنديزر انت في امريكا

يعني المساله ان شاء الله سهاله

اما من ناحيه العنصريه بشكل عام مافي لكن في اماكن فيها بزياده مثلا تكسيس اهالها متعصبين جدا

يعني تكسس الامريكان نفسهم ما سلموا منهم فما بالك بنا احنا السعوديين او العرب

بس الشعب فرندلي وحبايب بس مو في كل مكان وزمان لما تجلسي مع عالم كلاس راقيين مثلا في جامعه او في مكان محترم الكل يحترمك ويقدرك ووو اما تمشي لحالك اخر اليل مثلا في مكان فيه سكارى او او او راح تلاقيهم يعبروا عن ما في داخلهم

وتراهم دلووووووووووووووووووووووووووووووووووووووووووووووخ

اكثر من ما تتخيلي طبعا 99% ما عنده ولا عند ابوة ولا عند قبيلتهم كلها جواز سفر

يعني لو تقولي انك من السعوديه يقول لك هذي شمال ولا جنوب امريكا

ما يدرون وين الله حاطهم

طبعا راح تقولي لهم في الشرق الاوسط

طبعا ما يعرفوا في الشرق كله ومن دول العالم ذي كلها الا العراق والكويت والمثقف فيهم يعرف دبي ويحسبها دوله


بس هم طيبين بشكل عام ولازم تلاقي منهم ناس مش ولا بد تسمعي كلام ولا سب او شي ولا كانه لك ولا كانك سمعتي شي




يعني امريكا بشكل عام اختيار لا باس به ان شاء الله انه يكون موفق بس اتمنى انك تروحي مكان مناسب لحالتك ترا امريكا قاااااااااااااااااااااااااااااارة كبييييييييييييييييييييييييييييييييرة

بالطيارة من واشنطن الين اريزونا يعني من الشمال الشرقي الين الجنوب الغربي تعرفي كم ؟؟؟؟؟؟؟؟؟


5 ساعات ونص بالطيار



تخيلي المسافه

ترا في ولايات في امريكا اكبر من السعوديه كلها تخيلي ولايه بس وحدة


طبعا في الولايه ذي في الزين وفي الشين


من ناحيه الامان بشكل عام يا اختي ترا امان ان شاء الله في امريكا



شوفي اختاري منطقه كويسه وامورك بتكون في السليم ان شاء الله


طبعا حتى في الرياض او جدة الي يسكن في حي شعبي غير الي يسكن في حي متطور

الاحياء الشعبيه ما تقدري تخشيها في الليل حتى وانتي في السعوديه فما بالك هناك

امريكا بشكل عام اختاري سكن كويس مامن وكدا ومنطقه كويسه واحضري الحضور مهم جدا وانبسطي في امريكا ما عندك مشاكل ان شاء الله


اضافه بسيطه بالنسبه للسكن والحياه بشكل عام

امريكا زي ما قلت لك كانك في السعوديه ومن الاشياء الي تثبت لك لازم يكون معاكي سيارة لاااااااااااااااااااااااازم لااااااااااااااااااااااااااازم لااااااااااااااااااااااااااااازم

السيارة هي كل شي في امريكا

ترا ما عندهم لا باصات ولا بطيخ الباصات بالاسم بس حرام ما اظلمهم يعني الباصات مواعيدها مضروبه يوم يجي ويوم ينزلك في مكان غير المكان ويوم ويوم ويوم يجي كل 5 دقايق ويوم يجي كل 10 دقايق وكل يوم موال بصراحه انا اتكلم عن اريزونا الباصات كانت الله بالخير


طبعا السيارة راح تساعدك على الحضور في المعهد والدراسه بشكل افضل
وكمان لها ميزة جوهريه الي هي اختيار السكن المناسب اوقات تلاقي سكن يعجبك ومناسب وسعرة ممتاز بس يكون مو قريب من الجامعه يعني لازم سيارة ابو 20 دقيقه او شي تعتبر المسافه جدا قريبه لكن عشان السيارة تظطري تاخذي شي قريب من الجامعه لو كان اغلى

عموما السكن جنب الجامعات يعني مو ذاك الزود


بالتوفيق لو عند اي سؤال انا بالخدمه اتمنى اني اخدمك هذي كل العلوم الامريكيه

أختي،
انا مع كلام اخوي زحلطن من تجربة 6 سنوات فيها، أمريكا أحسن بكثير من أي دولة ثانية.

توكلي على الله ولا يردك إلا بلاد العم سام ومطار واشنطن دي سي

ربي يوفقك

الله يهيء اللي فيه الخير والله الواحد محتتتتتار