أريد نصائح من ذوي الخبره

السلام عليكم ورحمة الله وبركاته ..

اتمنى من اخواني اللي مبتعثين الى كندا انهم يفيدوني باسئلتي ويجاوبوا عليها :

- وقت وصولي لسكني وش تنصحوني اسويه ؟ يعني من اعمال اقدر استغل فيها الوقت ؟
ان شاء الله توصل بالسلامه ,, اول شي أكيد ترتاح لان السفر بكون طويل مره وإذا بتسكن مع عائله خلهم يعلمونك طريق المعهد وطريقه استخدام المواصلات
- هل من المضمون اني اترك اوراقي الرسمية مثلا جواز او بطاقة و غيرها من العايلة اللي بسكن معها ؟؟ ولا في طريقة اضمن ؟
انا برأيي انك تحطها في مكان آمن في الغرفه تحت السرير او شي من هذا القبيل ..,, طبعا لاتنسى تسجل جوازك لدى السفاره السعوديه في حاله حدوث اي شئ لا سمح الله

- متى احتاج اني افتح الملف البعثه في الملحقيه ؟ وكل كم اراجعهم اذا احتاج الامر ؟
بالنسبه لفتح الملف احسن شئ يكون الايام الأولى يعني بعد ما ترتاح يومين ثلاثه
- اذا اراد الوالد تحويل مبلغ لي قبل القبول في الملحقيه .. وش البنك اللي تنصحوني فيه ؟ ووش متطلبات فتح الحساب ؟ وهل يفضل اني استخدم حسابي السعودي هناك ؟ .. لاني سمعت نصايح تقول انو اسهل لي اني اسحب المبلغ المحول مثلا ( من بنك الاهلي السعودي ) اسحبها من هناك كاملة عشان ماتحسب علي خدمة التحويل ,وافتح حساب كندي واحط المبلغ فيه . هل هذي طريفة جيدة ؟
بالنسبه للحسابات يب أكيد راح تحتاج تفتح حساب وطريقتك حلوه انك تاخذ الفلوس معك عشان ما ياخذون مبلغ مالي للسحب الدولي // بالنسبه للتحويل البنك الأهلي متعاقد مع بنك في كندا بس ما يحظرني اسمه الآن تقدر تروح للبنك وتسألهم
- كم احتاج مصروف شهري , يعني تكون للاكل والشرب و اللبس عند الحاجة وغيرها من مواصلات ... ؟ ( ياليت تكون بالريال مو بالدولار )
على حسب شخصك

- بالنسبة للمواصلات , كيف طريقة التنقل هناك والاسهل والاوفر , وهل يفضل السفر بين المدن الكندية بالقطار ولا الطيارة ؟ ( من جانب الراحه النفسيه والمادية )
اذا انت بتسافر تورنتو في عندك ثلاث وسائل نقل اللي
1- السب وي ( قطارات الانفاق )
2- الباصات وهي 24 ساعه
3- الستريت كار
بالنسبه للسفر انا ما قد سافرت يعني ما عندي معلومات عن هذه النقطه
- الملابس , تنصحوني اشتريها من السعودية ؟ ولا اخذها من كندا ؟ لاني سمعت انو الجو متقلب فـ قلت اشتريها من هناك على حسب الجو ؟ ( تفكيري سليم ولا تخالفوني ؟ )
انا انصحك تشتري من السعوديه ملابس تكفيك مده معينه لما تستقر وتطلع وتعرف الاماكن

اتمنى من اللي يقدر يساعدني انه يفيدني وبكون له شاكر

والله يوفقنا جميع يآآرب


انتظر ردودكم