مهم جدا : مشكلة قد يواجهها طلاب كندا , لكن حلها بإذن الله بسيط

السلام عليكم ورحمه الله وبركاتة

اخواني واخواتي طلاب كندا , كيف حالكم ؟؟؟؟؟

يمكن بعضكم يوم شاف الموضوع خاف وقال وش السالفة , وش المصيبة الجديدة اللي حلت على طلاب كندا .

لكن احب اطمنكم انه ما فية اي مشاكل بإذن الله .

لكن حبيت اقول لكم شئ حدث لي عن واقع تجربة .

اخواني طلاب كندا يمكن اكثركم قرأ موضوعي اللي كتبت فية انه صدر قرار ابتعاثي , واكيد انكم قريتم ما حدث لي مع مركز القبول من مشكلة .

الان اي طالب يحصل على قبول وفيزا طبعا كلكم تعرفون انه لازم يروح لمركز القبول علشان يعتمدونة علشان يصدر قرار الابتعاث , طبعا مركز القبول كيف يعتمدونة؟؟؟؟؟؟؟؟؟؟؟

هم يا اخوان اذا رحت لهم يطلبون منك رقم الطلب ثم اذا اعطيتهم رقم الطلب يفتحون الاستمارة اللي عبينها يوم جينا نسجل اول مرة وكلكم يتذكرها , طبعا

كلكم تذكرون انه كان فية سؤال بنفس الاستمارة يوم جينا نسجل كان السؤال يقول هل لديك قبول , وفية سؤال ثاني هل لديك فيزا .

نرجع الان لمركز القبول , مركز القبول اذا عطيتة رقم الطلب يدخل على نفس الإستمارة اللي عبيتها ويروح الى السؤال (هل لديك قبول ) ويغير من (لا ) الى

(نعم ) طبعا اذا غيرها راح تطلع عنده خانة جديدة اللي هي اختيار الجامعات , طبعا الشخص هذا راح يضغط على خانة الجامعات وراح يدور اسم الجامعه اللي

جبت منها قبول علشان يعتمد قبولك , وهنا المشكلة.

انا يوم جبت قبول الدكتور محمد الله يذكرة بالخير ضغط على خانة الجامعات وتصوروا انه ما حصل الا اربع جامعات بس , تخيلوا كندا بكبر جامعاتها ما فيه

بالجهاز الا اربع جامعات , حتى جامعة تورنتو مهي موجودة, طبعا الدكتور محمد قال لي اول شئ هذا يعني ان قبول غير معترف فية ,قلت مستحيل انا متأكد

انه معترف فية,يمكن بعضكم يقول الوزارة هي اللي جابت لي قبول كيف ما احصلها بالقائمة , اقول يمكن يصير لك الشئ هذا حتى لو الوزارة هي اللي جابت

القبول لك ,لانه انا جاني قبول من الوزارة وما حصلت اسم الجامعة مدرجة بالقائمة ,طبعا انا ما ابي اتكلم عن نفسي ,لكن خلوني اعطيكم الحل .

(طبعا بعضكم يمكن يحصل اسم جامعتة فهذا اقول له الف مبروك , لكن اللي ما يحصل اسم الجامعة يتابع معي كيف الحل )

طبعا انا راح اعطيكم الحل اللي انا سويتة .

طبعا الدكتور اللي بمركز القبول اذا ما حصل الجامعة على طول راح يقول لك جامعتك مهي معترف فيها , طبعا انت لا تخاف ولا تعطية وجه .

اول خطوة انك تروح للدور الثالث عند شخص اسمة محمد ابا الخيل هو المسؤول عن معادلة الشهادات , تروح له وتقول ابي توقع على القبول انه معترف فية ,


طبعا هو راح يقول لك روح لشخص اسمة يزيد هو اللي راح يكتب عليها انه معترف فية , تروح ليزيد وخلة يكتب ان قبولك معترف فية ثم ترجع محمد ابا الخيل

ويقع عليها .

اذا وقع عليها ابا الخيل تروح على طول للحاسب آلي الدور الارضي, فية مكتب على ما اعتقد اسمة نظم المعلومات ومكتوب علية ممنوع دخول غير العاملين ,


طبعا انت لا يهمك شئ ادخل عليهم وروح لشخص مصري اسمة محمد (او احمد) الاخضر واذا ما حصلتة روح لشخص ثاني اسمة فهد المطيري .

طبعا اذا رحت لمحمد قول له ان مركز القبول قالوا لي لازم تدرج اسم الجامعة بالقائمة , وتعطية القبول اللي وقع علية ابا الخيل , وكلها دقايق الا والجامعة

مدرجة في القائمة .

بعدها ترجع لمركز القبول وتعطهم القبول وتقول لهم انة تم ادراج اسم الجامعة بالقائمة عندكم .

اخوكم

شد بلد