المشاركة الأصلية كتبت بواسطة ياارب ساعدني
السلام عليكم .....
اخواني واخواتي الي في تورنتو..... انا راح اجيكم انشاء الله
بس مشكلتي ان الوقت مايكفي وباقي اشياء ماسويتها وخايفه من الغربه
ودي اسئلكم كم سؤال بس ابي المصداقيه الشديدة في الاجابه على اساس ارتب اموري عليها
1- كم ايجار الشقق والفنادق هناك بحيث تكون مجهزة بكل شيء؟
2- معهدي خاص (قلوبل) اشرايكم اكمل فيه اواحول لمعهد جامعه طبعاً بعد مااوصل ؟
3- قبول الجامعه كان عن طريق مكتب من السعوديه ولا كيف؟
4- السوال الاهم .... لما وصلتو مين استقبلكم هل مكتب معين دفعتوا له اوكيف؟
واتمنى الي يعرف شقق او فنادق قريبه من المعهد يقول لي ......
تكفون يااخواني واخواتي لاتبخلون علي بالي تعرفونه
أهلين الأخت الكريم أبجاوبك على اللي أعرف و لا أبتغي منك سوى دعوة لي و لوالدي :
1- إيجارات الشقق على حسب و تتفاوت و بقول لك أهم النقاط اللي مريت فيها عشان لا تقعي في نفس الأخطاء :
دامك في معهد قلوبل ، فـ حاولي تأخذين شقة قريب منه ، عشان توفري على نفسك أجور النقل أو الوقت من و إلى المعهد
النقطة الثانية ، حاولي تأخذين أقرب شقة لـ الـ SubWay Stations ، عشان وقت البرد صعب تمشين في الشارع في درجة حرارة ممكن تتعدى الصفر نزولا ً ، و محطات القطار أدفى على ما يقولون
النقطة الثالثة : الإيجار ،،
الإيجار مثل ماقلت لك يتفاوت ، لكن بالنسبة لي أخذت شقة ، غير مسموح للحيوانات بهالعمارة فـ إرتحت الحمدلله من هالناحية
الأمر الآخر ، العمارة جديدة و إلا لا ، حاولي تأخذي عمارة جديدة و في منطقة راقية
أنا أخذت شقة مؤقتة لمدة شهرين و للأسف كانت غير نظيفة ( من ناحية الحشرات بالذات
)
فـ صرت ما أجي لها إلا وقت النوم و خسرت عليها شوي مع إن ماطولت
الأيجارات فيه من أصدقائي لقي بـ 900 دولار ، و فيه ناس بـ 1000 و أنتي طالعة
الشقق غالبا ً يجي معها غسالة ، و غسالة مواعين ، و ثلاجة و فرن ، وكذلك يجي التكييف المركزي فيه بارد و حار فـ هالنقطة مايحتاج تشيلين همها
حاولي تشوفي لك سمسار عقاري
والمواضيع كثيرة بالمنتدى بخصوص السماسرة ( أهم شيء لا يوقعونك على ورقة إنك تكونين مقيدة بسمسار معين )
أنا تعاملت مع وحدة شغلها كان ممتاز ، و لفت بي على أكثر من شقة لحد ما إقتنعت بوحدة ,, والله كريم
أو تشوفين لك موقع يدلك على شقق معينة مثل kijiji.ca
،،،،،،،،،،،،،،،،،،،،،،،،،،،،،،
المعهد ما عندي خلفية لأن ما أدرس معاهد إنقلش
لكن تقدرين تكتبين في قوقل ( مبتعث+معهد قلوبل )
بـ يطلع لك مواضيع مبتعث عن معهد قلوبل
عن نفسي أرجح معهد تشرف عليه جامعة أفضل لك
،،،،،،،،،،،،،،،،،،،،،،،،،،،،،،،
القبول كذلك ماعندي خلفية معينة ،
،،،،،،،،،،،،،،،،،،،،،،،،،،،،،،،
الاستقبال :
بصراحة ما ودي أصدمك
لكن أنا يوم جيت ما لقيت إلا أصدقائي ماااا قصروا و للآن أقول الله يوفقنا وياهم و يجزاهم خير
أول ماتوصل المطار وتخلصي الجمارك
فيه عن طريق التاكسي أو الليموزين ( لينكولن أسود )
أو عن طريق الباصات ، متعبة شوي بس أوفر بكثيييييييييير
السؤال وين تتوجهي ؟
عندك طريقتين : إما تحجزين عن طريق البرايس لاين ،
غرفة بـ فندق بأقل سعر ممكن ، لمدة مثلا ً 10 أيام ، و خلال هالعشرة أيام ، تدورين على شقة لمدة سنة
أو تستأجري شقة وأنتي بالسعودية لمدة سنة ، بس ضريبتها إختيار على عماها مو مثل يوم تشوفين وتوقفين على الأمور بنفسك ،، طبعا ً صعب هالنقطة لأن لو استأجرتي صعب تغيرين السكن ، بسبب شروطهم الصعبة
أو تسكنين عند أحد من محارمك أو صديقاتك حتى تضبطي وضع السكن
ممكن فيه أحد من النادي السعودي أو الملحقية يقوم بالاستقبال
بس بصراحة مدري ، ممكن أحد يفيدكـ بهالشيء
الله يوفقك وأتمنى أفدتك
لكالتحية
أخوك
بدر المحيا August 20th, 2010, 12:10 PM
LinkBack URL
About LinkBacks
August 20th, 2010, 07:07 AM
السلام عليكم .....اخواني واخواتي الي في تورنتو..... انا راح اجيكم انشاء الله
بس مشكلتي ان الوقت مايكفي وباقي اشياء ماسويتها وخايفه من الغربه
ودي اسئلكم كم سؤال بس ابي المصداقيه الشديدة في الاجابه على اساس ارتب اموري عليها
1- كم ايجار الشقق والفنادق هناك بحيث تكون مجهزة بكل شيء؟
2- معهدي خاص (قلوبل) اشرايكم اكمل فيه اواحول لمعهد جامعه طبعاً بعد مااوصل ؟
3- قبول الجامعه كان عن طريق مكتب من السعوديه ولا كيف؟
4- السوال الاهم .... لما وصلتو مين استقبلكم هل مكتب معين دفعتوا له اوكيف؟
واتمنى الي يعرف شقق او فنادق قريبه من المعهد يقول لي ......
تكفون يااخواني واخواتي لاتبخلون علي بالي تعرفونه