ارجوا الرد في اقرب وقت بليز

 المشاركة الأصلية كتبت بواسطة doudo

نسيت ما أسألكم ..اني عندي حسآب في بنك الريآض

فهل يعطوا ماستر كآرد ؟؟ ولأ لآزم يكون في الاهلي

شوفي اختي اللحين اذا عندك حساب بالاهلي او الرياض كلاهما يعطيك ماستركارد مسبوقة الدفع .. ممتازة جدا راح تفيدك بكندا ... لكن نصيحة لوجه الله لا تطلعين ماستركارد الا من الاهلي ...
بنك الرياض تطول بشكل غير طبيعي ...
انا طلبت وحده من بنك الرياض والله اني ما اكذب عليك انه قرابة ثلاثة اشهر الى ما جاتني رسالة على الجوال تقول ان البطاقة جاهزة .. ثلاثة اشهر ؟!! .

انا عندي ما ستركارد من الاهلي (لازم تفتحي حساب بالاهلي على اساس تحولي فلوس بعدين من حسابك الجاري الى الماستركارد من خلال موقعهم على الانترنت .. ما ياخذ دقايق ) ... رسوم الاصدار 100 ريال فقط وتوصلك على بريدك بعد 15 يوم تقريبا
لكن عندهم حل اسرع وهو انك تدفعي 100 ريال اضافية وتجيك عن طريق شركة DHL للتوصيل السريع خلال سبعة ايام . الميه ريال تشمل 50 ريال ارسالية البطاقة وبعد ما تفعلين البطاقة عن طريق هاتف البنك الاهلي راح يرسلو لك الرقم السري للبطاقة بعد كذا بثلاثة ايام وهذي رسمها 50 مشمول في قيمة الارسالية السابقة الي هي 100 ريال .. طبعا الرقم السري تستفيدي منه اذا تبغين تسحبين كاش من الصراف .

امر مهم اذا طلبتيهم يرسلوها عن طريق DHL لازم انتي شخصيا تستلميها ما راح يسلموها لاي احد غيرك حتى لو ابوك

فالافضل انك اذا ما كان عندك استطاعة انك تروحي تسلميها تسألي البنك على اساس انه شخص اخر يستلمها على شان يسجلو اسمه على الارسالية ويستلمها .

بالتوفيق .. لاتنسين اخوك من دعوة صادقة بالتوفيق على الافطار اليوم .. تقبل الله منا ومنك ومن جميع المسلمين