لمبتعثي الزمالة الطبية بكندا

وعليكم السلام ..
الموضوع هذا تسأل عنه الاطباء نفسهم تدور عن ايملاتهم وتراسلهم..بس بحكم معلوماتي من الللي حولي انه الجلدية اشبه بالمستحيل..
مادري اذا فكرت تعمل البارت 1 و 2 من USMLE وتروح US?

على العموم ممكن تراسل ممثلي الأطباء وتسأل عن زملاء من نفس التخصص..
وبالتوفيق والله يسهل لك

sweet heart
يعطيك ربي الف عافية .. بس كيف الاقي ايميلاتهم

وبالنسبة لامريكا والله زملاء لية هناك مالقو قبول

هلا أخي الكريم

ENT ؟ تعرف وش معنى يبي لك تحفر في الصخر ؟
التخصصات في كندا و أمريكا الجراحية عموما ً يبي لها عمل جبار و شغل كفاح

بداية من معدل بكالوريوس عالي ،
درجة الامتحان الكندي والامريكي تكون عالية
تكون مسوي بحث و الا بحثين وكل مازاد هالشيء
يكون عندك توصيات من دكاترة لهم مكانتهم و reference نفس الكلام يكون من أطباء كبار و يفضل بقوة أنهم تدربوا في كندا
تكون عملت فترة تدريب في كندا
يكون عندك سنوات خبرة

انا ماكتبتها كلها عشان أصعب عليك الأمر : لا والله
لكن كتبتها لك لأن لو حصلت على كل هالأمور ممكن يكون ملفك قوي ، و بتلقى قبول بإذن الله
و كل ما غابت نقطة كل ما كان فيه من هم أفضل منك وفرصة قبوله أعلى منك

الآن الناس تجيب درجات عالية و تسعى تدور فترة تدريب و بحوث وتوصيات مرجعية و سنوات خبرة و و و و إلخ عشان تلقى مكان و كثير يدوروا بأمريكا وإلا حولوا على أوروبا أو رجعوا السعودية و لا لهم إلا برنامج الهيئة السعودية

شوف إنت و قيس الأمور ، كيف نفسك طويل ؟ و إلا بتتعب و بـ تمل

ظروفي ما هي مثل ظروفك و ظروفك ما هي مثل ظروف الثاني و كل واحد و له ظروفه وقراراته

والأهم تستخير

دعواتك لنا و لك و لجميع السعوديين بقبول في أعلى الأماكن

لك التحية

تسلم اخوي بدر وماقصرت

والله يوفقك دنيا واخرة وجميع السعوديين المبتعثين

بس وربي اني محتار اروح المانيا ولا لا واتعلم لغة من جديد

ربنا يكتب الي فيه الخير