مساعدة قشطة للقطايف

هلا أخت دانيا أتمنى يكون رمضانك حلووووووو في فانكوفر
بخصوص القشطة اللي زي قشطة بلادي مااعرف احس ماحتلاقي زيها هنا في فانكوفر
يعني عادي أختي مشي حالك بأي قشطة من هنا مدام نفسك في القطايف
وأتمنى من الأعضاء إنهم يساعدوكي .
تقبلي مروري ولكي ودي

فيه قشطه زي قشطه التاج

في البقاله الايرانيه على شارع روبسون بعد تقاطع كرديرو تقريبا

وفيه البقاله الايرانيه الثانيه الي وانتي جايه من شارع روبسون متجهه على شارع قرانفل تاخذين يسار مع قرانفل لغايه ما يجيك شارع سمايث تلفين معاه يسار يجيك محل كباب على يسارك التقاطع الي بعده تاخذي يمين فيه مكتبه ومحل كمبيوترات على يمينك بعده مباشره فيه بقاله ايرانيه عنده قشطه وعنده فيمتو وعنده تانج وعنده حليب نيدو وعنده رز وعنده جبن بوك وكرافت وفي حاجات كثيره

وفيه عندك بقاله الياسمين الي على شارع Main st

بالتوفيق ورمضان كريم

سوبرماركت سوبر ستور ... فيه نوع قشطة في الثلاجة وفيه نوع ثاني علبة زرقاء مكتوب عليها بالعربي في قسم المأكولات الآسيوية

اختي و جارتي رزة ..
تكلميني برسمية تحسبيني ماعرفتك مثلا ً... < افهميها ..المشكلة بيننا دور واحد ..

الا حألاقي القشطة هنا ان شالله زي ما جبت اللبنية ..
وها الأولاد ماقصرو شرحولي.. المكان ,

حساوي شكرا ع الوصف .. بس قشطة زي التاج لقيتها في البقالة الأيرانية في الربسون لكن انا ابغا القشطة الي طعمها زي القشطة الي تشتريها بالكيلو .. البيضا ...




اخي الأنيق ..
ان شالله اروح سوبرستور و أعمل دسكفر ع القشطة .. وان شالله الاقيها ..
ناس قالولي عند مطعم الحرمين فيه لكن لسة مارحت شفت بس اتوقع مو لزيزة ..

كيف اتوقعتي وانتي ماجربتي <<< برا برا

لأنه دايما الجاهز مو زي شغل البيت

هلا والله بجارتي حركااااااات عرفتيني بلاش بكش انا قلتلك إني رديت ع الموضوع
ياقلبي أنا يارب تلاقي القشطة اللي تبيها
وبعدين مو رحنا سوا مطعم الحرمين وماكان فيه قطايف
ولو سمحتي بدي من اللبنية اللي عندك إنتي عارفة إنه نفسي في لبنية

باقي لك حرف اي

rose