استفسارات عن التسجيل في المدارس الابتدائية باوتاوا ا

وعليكم السلام ورحمة الله وبركاته

اسئله مهمة ياليت احد يفيدنا

انا جاي لاوتاوا في 18 اكتوبر ومعي طفلين في سن الدراسة

ارسلت ايميل لدار الارقم وقالوا لي نقبلهم حتى بعد بداية الدراسة ما عندهم مشكله

وطلبوا مني المستندات التاليه : جواز السفر - الشهادة السابقه - السجل المدني ؟؟؟

سالتهم عن المدارس الكندية قالوا ما ندري !!!

هذا اللي اعرفه فقط والباقي ننتظر الافادة


بالتوفيق

السلام عليكم

الاخ trook8 بما انكم ستذهبون الى كندا في اكتوبر فارجو بعد ان تستقر اموركم و تسجلوا اولادكم في المدارس الكندية ارجو ان تتفضلوا علينا بالاجابة عن استفساراتي واي ملاحظة من تجربتكم ان رأيتم فيها الفائدة لنا حيث اننا سنذهب بعدكم في يناير ولكم جزيل الشكر

وارجو ممن يقرأ استفساراتنا الان ان يجيب عليها ان كان يعلم الاجابة ولكم الشكر

من لديها طفله عمرها سنتين وش تسوي ؟؟؟

من جد محتاره

ان شاء الله اذا وصلت ومريت بالتجربة اقولكم

بس ابغى اي معلومات حاليا ً ؟؟ معقوله محد درس اطفاله بالابتدائية ؟؟

بالتوفيق للجميع

السلام عليكم أخوي
بالنسبة لتدريس أبنائك في المدارس الكندية فلازم
1-أول انك توصل وتستقر في كندا في عنوان دائم
2- بعدين تروح للمكتب التعليم في أوتاوا وهذا عنوانهم على الانترنت
Public Education Ottawa | Ottawa-Carleton District School Board - Home page
العنوان :
Ottawa-Carleton District School Board
133 Greenbank Rd., Ottawa, ON K2H 6L3
3- تأخذ معاك أوراقك الخاصة مع الجوازات وجوازات الأبناء مع شهادات الميلاد المترجمة من السفارة وهذه تقدر تسويها لم تسجل جوازاتك في السفارة عند الوصول. لاتنسي تجيب معاك شهادات التطعيم مترجمة ومختمة عشان راح تحتاجها في التسجيل.
4- بعد التسجيل راح يعطونك ورقة لمدرسة قريبة من مكان سكنك.
في نقطة مهمة ولازم تنتبه لها وهي انه اذا انت إقامتك طالب لازم تكون مسجل في معهد حكومي معتمد ولازم تجيب خطاب يفيد ذلك.
لأنه في بعض الشباب حاولوا يسجلوا وهم في معاهد خاصة ما قبلوا المكتب يسجل أبنائهم. لأنه التعليم العام هنا يعتبر شبه مجاني.
5- لما تروح للمدرسة للتسجيل هنا تبداء مرحلة توفر المكان من عدمه وهذا يختلف من مدرسة لأخرى ولكن أسأل الله التوفيق لك.
بالنسبة للباصات تقدر تطلب منهم ان تسجل أبنائك في الباص وهو مجاني ويختلف حسب بعدك عن المدرسة وقربك وحسب المسافة يعنى إذا كانت المسافة من بيتك إلى المدرسة أقل من 2كم ممكن انهم ما يسجلوهم وهذا كمان يعتمد على المدرسة.
6 - بعد التسجيل راح يأخذ اورقك ويقولك انه راح يرسلوا لك على البريد متى يقدروا أبنائك يداوموا في المدرسة.
وبالتوفيق.

مشكور اخوي ams_sa2005
ما قصرت على المعلومات وجزاك الله خير

كل الاشياء من 1 الى 6 موجودة وسهله
بس موضوع المعهد الحكومي هذا مشكلة
اذا كنت في معهد تجاري وش اسوي
هل فيه حلول بديلة او لازم اغير المعهد

انا جاي دراسة لغة لمدة سنه من عملي وراجع
ما احتاج معهد جامعي

هل فيه حلول ؟؟

شاكر ومقدر

طيب والي معاها بنت عمرها سنتين وش تسوي ؟؟

ما سويت شيء أخوي trook8 هذا واجبنا
بالنسبة للمعهد الخاص في حل آخر بس شوية مكلف وهو إنك تسجلهم في المدارس الإسلامية لأنها مدارس خاصة بس عيبها انه صعب تلاقي فيها مكان بسهولة وبعيدة شويه عن منطقة الساوث كيز وأيضا ماعندهم باص للتوصيل والتكلفة من 330-450 بالشهر حسب آخر مرة سألت.

هلا أختي شهد الحياء
بالنسبة للقبول لبنتك مافي غير الداي كير وهذه مشكلتها إنه التكلفة تبداء من 600 - 900 دولار في الشهر والأماكن محدودة وصعبة إنك تلاقي في داي كير ممتاز بسهولة بالإضافة إلى وجود قائمة انتظار طويلة في بعض الأماكن قد تمتد لسنة كاملة زي ما صار ليه في بنتي
وفي حل آخر بس شوة مكلف وهو إنك تشوفي لكي بيبي سيتر طبعا الساعة تبدأ من 10$ ولكن ممكن إنك تتفقي معها على مبلغ شهري أقل ولمدة طويلة
بالتوفيق.

الله يعطيك العافية اخوي ams_sa2005
ما قصرت

بس معليش عندي كم سؤال وان كنت اشغلتك بس تحملني
- المدارس الاسلامية الخاصة وش المقصود فيها ؟؟ ويتعلمون بالعربي او الانجليزي .
- اذا كان ولابد من مدارس خاصة ما فيه مدارس خاصة كندية لان ودي الاطفال يتعلمون اللغة بشكل كبير .
- اذا امكن تعطيني رابط لها المدارس الخاصة سواء كندية او اسلامية .

الله يحفظك يا رب .