استفسار هل أستطيع العيش في كندا ؟

اخوي , كندا بلد حررريه > اذا كنت تبي مساجد وناس طيبه راح تلقاهم


واذا كنت تبي العكس بعد موجود ,, يعني تقدر تكون اصحاب واماكن اللي انت تبيها


وبالنسبه تقدر تصلي وتصوم وتسوي كل شي زي ما تبي > و لا احد يقدر يقولك شي ابدن .. وكنا نصلي بالمعهد دايم و كل البنات محجبات هنا وبعضهم يلبسون العبايه العايديه


وفي مطاوعه كثير الله يحفظهم



بالتوووووفيق

الله يجزاك خير يالغالي دحمووون ويسعدك في الدنيا والاخرة بردت على قلبي
والله يوفقك في الدنيا والاخرة ومبروك بالبعثة وعقبالنا إن شاء الله

صدمت صدمه كبيرة بصراحه انا

يوم كنت في المعهد كنت اعتقد على اقل شي ان الي يخاوون بنات وتسديح ومدري وشو مراهقين

لكن نقلت لعايلة ومعي طلاب سعودييين واحد صادته ام العايلة نايمة معه بنت طول الليل

والثاني رايح العصر مع خويته يتمشون

اتفو على تربية زي ذي

على العموم وشو الي تقدر تصبر ضد الفتن وينا قاعدين فيه

الواحد حسب تربيته

اذا انت في السعودية وباليالله ماسك نفسك اجل وش بتسوي في كندا

مقدر اقول الا يا مقلب القلوب ثبت قلبي على دينك

ياخي قول الله يهديهم < انت مصدوم عشان طلع تمشى مع خويته في العصر ؟!!! البلا انك ما شفت شي وانشا الله ما تشوف < اخاف تجيك صدمه عصبيه بس





يعني انت جاي دوله اجنبيه >> المفروض هالاشياء متوقعها من قبل تخطط عالسفر , مافي وقت تجي وتتفاجأ وتسب خلق الله




الله يهدي الجميع ويهديك بعد

سعود محمد الله يسعدك يعني شخص أو شخصين قاموا بخطاء يعني هذا يعمم .ويا أخي الغالي ادعوا لهم بالهداية مهما كانوا فهم اخوانك فهم بأمس الحاجة إلى الدعاء ومن كنا نحن وأنت وغيرنا قبل الهداية لكن الله يغفر لنا ولهم . وبعدين قصدي من السؤال هل يوجد أشخاص يساعدوني على الثبات هذا هو المقصد وجاوبني الغالي دحموون ماقصر رفع الله قدره في الدارين .والله يهدينا وإياك

انا مثلك خايفة انو ربي مايثبتني لكن انا انصدمت بالحياة كثير وهاي اللي يخليني افرمل وغير اني اعشق هاي الرب العظيم اللي يداويني بجروحي ويحققلي احلامي وكل ماهو صعب فأخجل من ربي وادعو الله انو يثبتني هدفي من البعثة ليس العلم فقط بل القضاء على وحدتي اي وانا ببلدي وحيدة اتمنى من الله العظيم رب العرش العظيم انو يشغلني بالدراسه ويكون سبب رفعي درجات اعلى بالجنه ويرزقني بالصحبة الصالحه اللي تكون عايلتي وبالتوفيق

^^^

للاخوان الي فوق

انا دايم اشوف وما عندي مشاكل

لكن المشكلة ان وصلت الوقاحة انه يجيبهم للبيت وحنا فيه يعني مدري وش اقول

الله يستر على الجميع

بسم الله الرحمن الرحيم ..

اخي الفاضل .

السلام عليكم ورحمة الله وبركاته

الحقيقة لو انك ما استنصحتنا لما قدمت رايي ومشورتي

الحقيقة انا مبتعث في كندا وشخص ( يقولو عليه ملتزم ) لكن الباطن خراب والله المستعان

هناك بعض الامور يجب ان تعرفها جيدا

1- ان البلد تدعي الحرية وهي والله خرومن عبودية الله الى عبودية الشيطان.. فتجد الشبه عرايا وكما قال احدهم ( نسيت ان تلبس )
الحقيقة الانسان يستطيع ان يغض بصره وهو يجاهد .. لكن الواقع ان الانسان هنا مثل من هو يمر بيده على نار الحطب.. فانت عندما تقاوم نفسك مرة وثانية وثالثة ورابعة كانك تمرر يدك بسرعة امام نار الحطب.. والحقيقة لن تتاثر كثيرا الا اللهم ما كان من شي جديد ترفضه الفطرة..

واحيانا يستغويك الشيطان وانت وصلت الى مرماه ومبتغاه فاكيد انه ليل نهار شغال على راسك ..

فبالضبط كانك تمرر يدك على نار الحطب.. ولكن ببطء شديد .. فسوف تتاذى مما تنظر له

هذا عن النظر..

الامر الاخر والذي والله اتعبني .. هو الاختلاط وخصوصا ان هناك مدرسات تدرسك..

فانت سوف تنظر لها لا محالة .. وتتعب خصوصا ان لك فطرة سليمة .. وقلبا حي

ثالثا : انا نصيحتي لك .. ولنفسي ( مع اني اتيت ) ولغيرك .. ان كنت لم تأت فشاور نفسك مليا..مليا ..
واستشر الربانيين من اولي العلم ..

والله يثبتنا واياك..

ويرحمني برحمته ثم بضعفي ..

فان قال قائل ( اتامرون الناس ) فاقول له .. لربما صدقت.. لكن اللهم لا تجعلني ممن تشملهم الاية.. واسال الله ان يرزقني الرحمة من عنده

ختاما : الوضع صعب جدا.. وتستطيع العيش كالبقية .. لكن قلبك الحي.. سيتعبك..لانك لا ترضى لنفسك المنكر ولا ترضى ان ترى المنكر.. وخصوصا ما تشعر به وانت تعيش بين ظهرانيهم ..صلبانهم امامك حتى تعتاد عليها
فترى الكفر والجهر بالكفر والفسق ثم فوق ذلك الغربة جهارا نهارا

فان قال قائل .. حتى ببلدنا فيه منكرات

اقول له : شتان بين وبين ..

وهناك ايضا محاسن .. ولكن اكيد الاخ لا تخفى عليه ..لان الاغلب يمدح ويمجد .. فاحببت اوضح له الجانب الاخر

وفقت اخي..

والسلام عليكم ورحمة الله وبركاته

اخوك.. موجود

صفوا النيه , فقط اول اسبوع او بالكثير او شهر بعدين عاااادي حتى طريقة تفكيرك تتغير تماما



وبعدين بقولك شي ,, في ناس تجي وتجيهم صدمه حضاريه من اللي يشوفوه من انفتاح
يا يصير خرباااااااان وداشر
ولا انه يصير متشدد زياده وينعزل عالناس وينتقد المجتمع


وانا انصحك خذ اللي ينفعك واترك الباقي , وحاول تتماشى مع الوضع وما تنسى دينك بعد << وباقي تجي وتفهم قصدي



بالتوووووفيق