يهمني رايكم

يا اخواني احد يرد طيب والا ما تعرفون؟؟؟؟؟؟

انا ما ادري عن صحة الكلآم اخوي

بس لو ربي كآتب له انه يتوظف مهندس راح يتوظف لو مافي وظائف هندسه بالدنيا كلها مو بس بالسعوديه هذا اولا

والصراحه الواحد ما يقدر يصدق شيء حتى الي مكتوب في بعض الجرايد لان للاسف اغلب الجرايد تنشر كلام متداول

مافي من الصحه والادله شيء

بس انا اشوف انه يصلي صلاة استخاره اكثر من مره لين ربي يشرح صدره لشيء افضل له من الثاني


بالاخير ما اقدر اقول الا الله يوفقك ويوفق اخوك وابناء وبنات المسلمين اجمعين ..

آتمنى اني افتدك

مشكوور اخوي اللوتس ويعطيك العافية

سلام عليكم

انت طلبت الرأي وانا سوف ابدي رأي لك وللمعلومية ( رأي فقط لايشمل العمل به مجرد رأي)

يقال في احد الامثال المعروفه والمتداوله بين الناس ( عصفور باليد ولا عشرة على الشجره )
اذا اشتملت الدراسة على وظيفة فهذا فضل من الله هذا شي الكل يطمح فيه هو الوظيفة والاستقرار
لكن اذا كان الطموح شهادة عالية والعزم والمثابرة والاصرار عليها فهذا ايضا افضل بالكثير
اختصارا لما اقول ( اذا كان الطالب مجتهد او ينوي الاجتهاد الرأي السفر لكن لاينسى ان الدراسة في الخارج اصعب )
(رحم الله امرءا عرف قدر نفسة ) فاذا عرف انه لن يثابر وربما يخسر كلتا الفرصتين فالبقاء البقاء

تحياتي راعي الاوله

فيصل السبيعي
السلام عليكم ورحمة الله وبركاتة ,,
معك أخوك حمود موظف في أرامكوا الآن ..

أنا بأنصحك وبأقول اللي علي :
*في حالة أذا ظروفكم المادية تجبر أخوكم في الوظيفة فليكمل دراسته في أرامكوا.
*في حالة إن الولد يفكر بوظيفة فأنا أقول له يكمل دراسته في أرامكوا أيضا.
*في حالة أن الولد يفكر في راتب المهندس كم هل هو مرتفع هل بيصير 20 ألف فأنا أقول له يكمل دراسته في أرامكوا أيضا.
*في حالة أن الولد عنده (طمووووووووووووح , علم , دراسة , ثقافة) فأنا أنصحه يترك أرامكوا والله بيرتااااح والله نصيحة خله يكمل دراسته برااا أذا هو ناوي وجازم على الدراسة .

( ملاحظة : الناس معطية أرامكوا فوووووق حجمها بصراحه أرامكوا فازت بالسمعه ولأنها شركة كبيرة لكن كرواتب مافازت فيها عندك شركات والله العظيم محد يدري عنها تخيل مميزاتها احسن من أرامكوا بـ 3 مرات )

++اللهم بلغت اللهم فأشهد++

لم أقول هالكلام من عدم تجربة لكن نصيحة أخوية وأتمنى أنك تتقبلها لأني أبي لأخوك دامه فيبداية العمر يستغلها

تحياتي لك

مشكووورين على الردود الجميلة
راعي الأولة و 7mod

والله يكتب اللي فيه خير

طبعا وجهات النظر تختلف وحتى لو الواحد متمسك بوجهه نظره مو معناها انها صحيحه فاحسن شي انه يستخير والله سبحانه بيسيرله الي فيه الخير

مدام وظيفه ارامكو مضمونه برائيي انه يكمل فيها اذا هو مجتهد وعارف نفسه بيجيب معدلات كويسه ويطلع بعثه من بعثات ارامكو نفسها

طبعا انا ما اعرف شي عن ارامكو لكن اشوف مبتعثينها بكندا ومن كلامهم ان رواتب الابتعاث جدا قليله ومافي مميزات لكن ابتعاثهم الوظيفي جدا رائع والعهده عليهم

You and I

آآخ بس لو أرامكوا تسوي بعثات لطلاب الآي تي سي
ماتسوي تدرسك سنتين وبعدها الله لا يهينك بتعيش روتين ممل
مثل ( الفيل اللي في السرك يدور طول حياته داخل دائرة عشان يمتع عيون الناظرين ويونسهم )

ومن يقول لك أن مكافأتهم قليله معليش هذا يبي يبعد العين عن نفسه
لي أصدقاء كثيرين مبتعثين في أمريكا, بريطانيا, وكندا ...

وصدقت كل واحد وله وجهة نظر وانا عطيته نصائحي وعطيته خيارات ..
أما بخصوص ان أرامكوا تسوي بعثات
اللي يكلمك الحين جايب الأول على دفعته (قولوا ماشاء الله)

ودخلت دوامة واسطات وروتين وقلق ولا عرفت كيف أتحرك كلن يهاجمك عشان يضبط لولد عمه تخيل ماخليت ولا جامعه انتسبت فيها الا وانواع التحطيم وواصلت والله العظيم لكن حتى في أجازاتي يحاولون يتعبوني

خلها على ربك بس


أنا أعيد وأكرر اللي له طموح يروح إللي يفكر بكامري ولا جيب آخر موديل الأفضل له يمسك وظيفته وسيارته ويعيش هالدنيا على راحته


تحياتي وتقديري للجميع