آوراق الفيزا كامله , بس مافهمت المقصد !!

السلام عليكم ..
يا شباب انا عندي مشكله مثل مشكله اخونا اللي رفضوا يعطوه الفيزا
قدمت مرتين ورفضوا يعطوني الفيزا
وانا جايب لهم كشف حساب فيه تقريبا نص مليون ريال
عشان دراسه لغة فقط لمدة سنة
الرفض في المرتين كان بسبب انك يمكن ما ترجع
يعني مدري وش الواحد ممكن يسوي

ويعينك يَ ررب
والله اني مثل حالتك مدري وش اسسسوي

بس مافهمت عليك
ال 200 الف كانت مبطيه يعني بال 6 شهور الماضيه
والحساب الان فاضي والا كيف ؟؟

آنت موظف اخوي ؟
والله يمكن حالتي تختلف عن حالتك
بس انا ودي اعرف
وش يبون اكثر من 200 آلف !!

الله ينتققم منهم يَ رررب

وعليكم السلآم .,
انا مثل حالتك دراسة لغه
ومدة القبول اللي عندي سنه !

يعني انت الآن تقول نص مليون !
وانا قاعد احاول اوصلها 100 آلف
آفقد الامل من الان يعني والا شلون ؟؟

اقسسم بالله قفلت معي
وشو يعني نروح ندرس سنه على حسابنا اصصرف ؟؟
مايصير كذا عجزت معهم وش اسسوي انا

وقالو تترك السسعوديه ,
يَ اوادم ابوي عنده أملاك هنا , ومعطيهم
السجل التجاري حق ابوي !!

وغير كذا المبلغ اللي معي ,
وربي سفاره تجيب المرض , انا بسوي كشف حساب
بالمية آلف وبكتب خطاب مره ثانيه
على انه شايل من راسي فكرة الهجره اساساً !!

وبششوف وش علمهم
خلهم يردوني بس , والله ان اوريهم شغلهم
< اعصابك بس

السلام عليكم ورحمة الله وبركاته

يا اخوان الموضوع اخذ اكثر من حقه المسأله واضحه جداً

اولاً : بخصوص المبلغ الكل يؤكد امكانيتهم وقدرتهم على تكاليف الدراسة والمعيشة = انتهينا من هذه المشكله

ثانياً : اثبات عدم رغبتك بالهجره او عدم العودة للمملكة (( هذا هو الطلب )) سهل جدا كل ما عليكم ارفاق
املاك لكم (( اراضي / سجل تجاري )) اي وثيقة رسمية مترجمة تثبت ان لديك املاك و سبب لعودتك
حسب نظرتهم وتقديرهم للامور ،، فقط لا غير


بالتوفيق والنجاح للجميع

أنا اول مرة أقدم عليهم وأبغى إن شاء الله تكون الأوراق الكاملة والكامل وجهه سبحانه
يعني لو ارفقت التالي :

• خطاب القبول ( الأصل أو صورة ؟؟ )
• الجواز .
• الشيك .
• النموذج .
• لو أرفقت صورة من سجل تجاري لشركة عمي هل هي كافية أو يحتاج استبيان ؟
• الضمان المالي : عندي شهادة بنكية من الراجحي بمبلغ 200 ألف ريال + راح اطلع كشف حساب 6 شهور من بنك ثاني إلي هو الرياض الي ينزل عليه راتبي ( ما ادري الحركة هذي تمشي ولا لا ؟؟ )

ياليت تفيدني أخوي ولك الأجر إن شاء الله

وعليكم السلآم ورحمة الله وبركـآته ,
انا كنت اشوفه في هالبساطه , لكن طلع الامر اكبر بكثييير !

السبب الاول اللي ذكرته , غيري يقول انه مسوي ضمان مالي
بِ مبلغ 500 آلف , يعني نص مليون ما اقنعتهم
بتقنعهم الِ 100 آلف حقتي !!

واذا على اثبات عدم الرغبه بالهجره
انا معطيهم ورقه مصدقه
من السجل التجاري حق الوالد !
يعني مايكفي يبون صك الملكيه حق البيت

الله يسسسهل بس علييينا

اخوووي العزيز لا يهمك الكلام والله هذه المقدم بنص مليووون يقولك رفضوها مو عشان المبلغ لا عشان ما في شيء يثبت انه رااااح يررجع غير كذا مبلغك صدقني يكفي ياحبيبي هم ما يهم كم عند هم بس يبون يعرفو هل تقدر تدبر مصاريفك انا مقدم لهم كشف حساب 70 الف وقبول معهد وجامعه بعد الرفض جاني مو عشان انه الفلوس ما تكفي لا عشان ما في شيء يثبت اني راااح ارجع بس لا اكثر وله اقل
عموما انا برسل رقمي لك ع الخاص تقدري تكلمن ونتفاهم

^

الله يبيض وجهك ,
اتمنى انه المقصد من كلامهم الضمان المالي !
لاني معطيهم السجل التجاري
وانه في أملاك لِ الوالد ,

يَ رررب انك تسسهل علي
ولاتردني خايب بِ الفيزا عشان افتك من هالهم
تم استلام الرساله , وصلت يالغالي

تشششرفت بك

يعطيك العافيه أخوي بدر

بالنسبة لاثبات أنك راح ترجع
وشو المفروض إن أرفق لهم ؟
وبعدين هل أرفق لهم ( مثلا السجل التجاري ) بالتقديم الأول ولا انتظر رد منهم بإرسال ما يثبت ؟؟

الله لا يهينك

لا اخوي ارفق لهم مع الأوراق اي شيء تملكه من ارض بيت اي شيء لك واكتب لهم خطاب انك راااح تخلص دراستك وترجع تعهد واكذب كثير في الخطاب وبس وان شاء الله تتيسر لي ولك