حوار أقدم استــقالتي وأخرج للدراسة ؟؟ ( احتآج رأيكم )

يا الله انت نفس حكاية زوجي استقال من شركته وسحب على الجامعه انتساب في جامعة عبدالعزيز
- الدولة الأفضل في الدراسه امريكا ام كنــدا ؟؟ من حيث تعاون الملحقيه .. ومن حيث المعيشه ؟؟
انا رايحه يوم الجمعه ان شاءالله كندا واقولك كيف الحياه هناك بس ترا امريكا الدراسه فيها اسهل والقبول في الجامعات اسهل لان فيها 4000 جامعه على ما اعتقد بس كندا صعبه الدراسه فيها والمعيشه في كنداغاليه
- تؤيدني على الإستــقالة والدراسه الخارجيه علماُ بأن عمري 28 سنه ؟؟
اكيد أأيدددددددددددك وبعدك صغير روح تعلم وشوف العالم
- كم المبلغ الي يعطى للطالب ..ولعائلته ؟؟
نفس السؤال الي ابي اعرف اجابته

هلا بك اختي mmkk

اممم مدري وش اقول غير الله يوفقكم ويطمنكم يارب

والله طمنتيني .. اخاف تكون خطوه غلط ..

المشكله الي تخليني ماختار امريكا .. ان بعض الولايات تعاني من العنصريه ..

وفوق ذا سمعت ان فيه تأخير في الإلتحاق مو مثل كنــدا ..

امممممم .. انتظر عودتك واشكر لك ردك وتأييدك ..

بإنتظار المزيد من الاخوان ..

SpideR

انت طبعا لاتسوي اي خطوه في حياتك الا بعد ماتستخير ربي واذا ربي يسر امر بعثتك راح تكون خطوه جريئه ونقطة تحول في حياتك وان شاءالله ماراح تندم عليها..فعلا امريكا فيها عنصريه شوي والفيز تتأخر ولاتنسى التفتيش في المطار يفشل
المهم زي ماقلت لك استخير ربي واستشير اهل الخبره

السلام عليكم

بصراحة الموضوع جداً معقد ولا تتوقع انه سهل .. ما اخوفك او انزل معنوياتك .. لكن كمان ما اغشك
اولاً : انت انسان مسؤول عن عائلة ولما تغامر ما راح تغامر بحياتك لكن بحياة اسرة كاملة
لازم تحسبها وتسأل ثم تسأل وتسأل
اولا انا بكندا والدراسة صعبة يعني يبغى لها مجهود في معهد اللغة والبيت
بالنسبة للي يصرف لكم ممكن تطلع من خلال الرابط التالي
Saudi Cultural Bureau in Canada-- الملحقية الثقافية السعودية في كندا

انت طالع مرافق مع زوجتك مثلاً .. او على حسابك .. لانها تفرق كثير

بمعنى لو زوجتك تدرس فتكون العملية اهون
في حالة لا قدر الله ما مشيت ان في الدراسة ممكن هي تمشي
الحياة هنا غالية والمخصص يالله يوفي لاخر الشهر
ولا يحتمل اي ظرف طارئ قوي

لو في بالك اسئلة .. اسأل

ربي يوفقكم

اكيد الأستخاره اهم شي ..

لكن حبيت استــشير في البداية واحدد وجهتي ..

ان شاء الله بستخير اليوم والله يسهل اموري لما فيه خير لي ..

اشكر لك عودتك .. وردك ..

لك اطيب الامنيات
SpideR

هلا بك عزيزي M&S

كلامك صحيح .. والــكل قال لي كذا ..

ياخوك اخاف لا كبـرت بالعمر وراحت علي هالفرصه ..

اقول ليتني رحت .. وتعـلمت .. ووسعت مداركي ..

وان شاء الله اذا خرجت بَ تكمل زوجتي تعليمها معي ..

حالياُ افكر بجديه

بتخصص الادارة الماليه .. في مدينه هليفاكس !!

اشكر لك مرورك وردك ..

وان شاء الله الله ييــسرها ..

دمتـ بود ـ
SpideR

اخوي اذا فكرت بجدية على الدراسة امريكا قبولاتها اسهل وفيها جامعات اكثر انا مااعرف عن امريكا كثير بس اللي اعرفو كندا ملحقيتهم كويسة ولو انو عليها شوية كلام بس الحسنات مغطية عالسيئات الى الان
بالنسبة للمعيشة اذا انت مبتعث ومعاك زوجتك وولدك 4500$ حلوة ياخوي وبيزيد معاك لأخر الشهر اذا عرفت تصرف زي الناس وتدير حساباتك
المهم لا تنسى انو تخصص الادارة المالية فيها اختبار جيمات وهاذا اللي بيشرد طلاب الادارة من كندا واكثرهم بيحولو على امريكا او استراليا
وبالنسبة للعنصرية ابدا مافي بالعكس الناس حبوبين وكل واحد في حالو
بالتوفيق انشاء الله

هلا بك اخوي مصطفى ..

مانتبهت للاختبارات .. وكلامك صحيح بحثت وطلعت كندا معقده بالشي ذا

شكلي بحول لامريكا وامري لله ..

المبلغ ممتاز .. واكيد الله بيسهلها اذا كانت النيه صادقه

اشكرك عزيزي على هالرد المميز

دمتـ برضا ـ
SpideR

الله يوفقك أخوي
الأخوان أفادوك بس حبيت أضيف نقطة مهمة وأنا أخوك
بعد الاستخارة لا تستقيل حاول تأخذ اجازة استثنائية 6 شهور وتطلع تجرب حالك وبعد كذا فكر بالاستقالة