مساعدة من يحسب لي مكأفاتــي؟

تكفي وتزيد بس المطاعم غاليه وهذا الي يخلينا نتسلف نهايه الشهر هع ( نصير شبه هوملس )

يعني بتكفي لو بنطر اخر الشهر؟؟؟

مكافئتك ومكافئة زوجك واطفالك الاثنين هي
4922.87

مكافئتك ومكافئة زوجك واطفالك الاثنين هي
4922.87

اختي العزيزه
الامور تعتمد عليكم
مثلا السكن : ممكن تسكنين 800 دولار او 2500 دولار في الشهر يعتمد على موقع الشقه وعلى نظافتها وعلى حجمها
الجوال : حطي في بالك جوالين لك ولزوجك يعني تترواح الفاتوره من 50 دولار الى 150 دولار للجوال الواحد يعتمد على المميزات التي في الخدمات بالجوال واهم شي لا تاخذين عقد ولمده 3 سنوات
الدي كير : هذي ما اقدر اقول الا حظ ونصيبك ممكن تلاقينه 500 دولار للطفل وممكن تلاقينه 1000
التنقلات : السب واي الشخص 2 دولار تقريبا واحسبيها عاد كم عددكم وكم مره تركبينه بس ممكن تاخذين بطاقة بالشهر ارخص لكم
التاكسي : 4.25 دولار اول ما تركبين وبعدها كل نص دقيقه ربع دولار الى ما توصلين
التاثيث : لازم سراير للنوم لك وللاطفال وكنب وغيرها شوفي عاد بكم في البدايه طبعا ونصيحه دوري على الاثاث المستخدم ارخص لكم
الانتر نت والتلفزيون : اقل شي 30 دولار للانتر نت في الشهر والكيبل 35 دولار في الشهر
الاكل : على حسب المطاعم
اللبس : لازم طبعا تشترون لبس خاصة اول ما تاصلون كندا على شان الاجواء وما يناسبها من لبس
التمشيات : كل شي بحقة طبعا
بالنسبه لي طبعا : انا وزوجتي وولدين ما تكفيني المكافئه لازم ازود عليها من جيبي الخاص لاني مرفه نفسي كل شي اتمناه اجيبه عندي
تحياتي وبالتوفيق

مشكوورين ويعطيكمــ العافيه ,,,

شكلها ماراح تكفي وانا ماعندي من يعطينا شيء من جيبه الخاص بيروح زوجي ومعه كم فلس بالبدايه بس بعد ماتخلص
وشو السواتــ؟؟

ربي يسهل لك يالبي

يابنت الحلال لاتشيلين هم كل الدعوة تساهيل
ـ
ـ المكافأة كافية وزود ولا تشوفين للي يقول المكافأة متكفي او المكافأة كثيرة
ـ
ـ لان لكل شخص ضروفة اللي راعي صرف واللي راعي توفير
ـ
ـ نسوي عملية حسابيه صغيره انتم 4 طفلين وانتي وزوجك المكافأة في حدود الخمسة ألاف لكم
ـنحسب كل شيء بالمتوسط الحضانات المتوسط 800 يعني الحساب بيطلع 1600
ـ
ـ السكن 1100
ـ
ـ الموصلات 500 لانكم 4 اشخاص
ـ
ـ جوال 200
ـ الانترنت 50
ـ مقاضي البيت 800

ـ صار المجموع 4250
ـ
ـ طبعا انا حسبت تكلفة شخص مقيم في تورونتو وتورنتو اغلى من فكتوريا
ـ
ـ طبعا المبلغ قابل لنقص وقابل للزيادة وهذا المبلغ للمصاريف الاستهلاكية لان الاثاث يشترية الواحد مرة وحدة
ـ
ـ وارجع واعيد ان المصاريف تختلف من شخص لشخص وفي نظري ان المبلغ كافي وزيادة والله يكتب لكم اللي فيه الخير

^
^
^
^
ررووووووووووووح عسى ربي يرزقك الجنه مثل ماريحتني

وين الواحد يشيل هم وانا بين أهلي وناسي اعضاء مبتعث
عساني ما انحرم منكــم يارب

أنا اسفه على السؤال بس لو أنا وبابا مرافق وما حيدرس كم تصير


تقبلوا مروري