استفسار بخصوص التحويل الى كندا وجامعات العلوم الصحية

مافي شي اسمو جامعة ماتطلب ايلتس ... فيه جامعة تقولك اثبتي لنا ان لغتك اوكييييييييييي .. والكل حيعطيك خيارات الاثبات ..
- تدخلي معهدهم او معهد معترف فيه من قبلهم وتخلصي ليفل التأهيل لدخول الجامعة بدرجه معينه .
- او تجيبي سكور المطلوب لواحد من الاختبارات القياسيه في اللغه زي التوفل او الايلتس.
- الخيارات الثانيه مش بحالتك .. زي انك مخلصة اخر مرحلة بالانجليزي وحاجه زي كذا

وعلى فكرة الخيار الثاني افضل بمراحل من الاول .. يعني في حال انك فحطتي في المعهد على ماتخصلي الليفل الي يأهلك حيكون عندك مشكلة بالوقت ومشاكل في محدودية الجامعات .. بس لما تحطي ببالك تدخلي الايلتس فهذا معناتو حاجتين .. الاولى .. شهادة الايلتس بدرجه 6 وفوق حتضمن لك استيفاء شرط اللغه في كل كل كل كل الجامعات الي تقدم برنامجك الاكاديمي بحكم انك بكالريوس.. الثانيه انو الايلتس لما يتحضر له من بدري فهذا يعطيك وقت اكثر علشان تحددي موقف من التقديم على جامعات معينه وانتي تفضليها .. وبالنهاية الموضوع مترابط متى ماشديتي حالك باللغه خصوصا مع اول سنه.. لأنو ليفلات المعاهد موزونه بشكل قريببببببببب جدا مع الاختبارات المعياريه زي الايلتس والتوفل ووووو .. بمعنى انو الليفل الاخير في المعاهد عادة يعادل 6 وفوق من الايلتس مثلاً.. فهي هي ياعزيزتي ..
من تجربة ... اختبار الايلتس سخيييييييييييييييف .. صحيح اني دخلتو مرتين بس علشان اجيب الدرجة الي بنفوخي و الي هي 7 وفوق .. لأن اول مره جبت ال6 ونص .. واللي يقول انو سخيف عندي ومعقد عند غيري ..اقول و بكل بساطه المووضوع تكتيييك ومفاتيح قد ماهو لغه

موضوع التحويل .. الله لايهينك مع الوزاره ... والقبول الجامعي تجيبه لك الوزاره والله اعلم .. ولكن اذا حابه تقدمي بنفسك .. كلها ابلكيشن تعبيه اونلاين والسلالالام

تتوفقي ..

طيب ابي الجامعات اللي من الخيار الاول ممكن ؟

اذا غاوية تجهزي الدوا قبل الفلعه وتجيبي قبول من كندا ولتخصص ضمن العلوم الطبيه .. الجامعات اغلبها ان ما كانت كلها حتعطيك القبول المشروط .. وتتخيري .. والاغلب حقولو لك انو لو تحبي تخلصي اللغه عندهم حيعطوك تفاصيل المعهد التابع لهم او المعتمد
يعني ... قدمي ع الجامعه ومع القبول المشروط حيجيك عرض اللغه ... واذا راكبه راسك انك تخصلي المعهد حطي ببالك حاجه انك تشتغلي عالاثنين اذا عندك وقت

بالتوفيق

يعني قصدك دراسة التخصص واللغة ؟؟