LinkBack URL
About LinkBacksمرحبا للكل
كيفكم ؟؟ لكم وحشة والله
زماااااان ما دخلت المنتدى وكتبت رد
يمكن انا قصتي وردي غير اللي فوق
برايي دول مثل كندا وامريكا و غيرهم من اللي بنفس الحجم و المساحة والتنوع
ما نقدر نقول كندا بشكل عام و نسكت
ولا نقدر نقول امريكا ونسكت
اللي بالشرق غير اللي بالغرب
الجو غير و هذا اخواننا العاصم و فاهد قدامكم واحد حر وواحد برد
غير كدا نفس الجاليات اللي عايشة بكل منطقة مختلفة فما نقدر نقول كندا احسن مدينة ولا احسن دولة و نسكت
انا كانت بعثتي على كندا بالتحديد مقاطعة بريتش كولومبيا و مدينة كاملوبس
على فكرة هي قرية
عشان اكون عادلة راح اقول الايجابيات والسلبيات
===========================
الايجابيات :
1_ الناس لطيفين بالتعامل في البنوك الفنادق التكاسي والجامعة ( شيلوا من الناس الهنود و الباكستانيين )
2_ الجامعة متعاونة و مرحبين جدااااا بالطلاب الدوليين و يعاملوك بحب ولباقة شديدة
3_ رخيصة نوعا ما مقارنة بالمدن الثانية وهذي الميزة اللي محببة الناس فيها
خاصة اذا شاب وما يفرق معاه المستوى او عائلة ومقتصرين على راتب البعثة فراح يعيشوا بوضع كويس هناك لكن لا احد يقول ان الجامعة قوية ولا المدينة تجنن ولا شي
4_ من ناحية الاكل و غيره متوفرة فيها سوبرماركتات و كل شي رغم انها بحجم قرية
=========================
السلبيات :
1_ جدا بعيدة لأنك بتروح كالعادة لندن او مدينة اخرى وبعدين على مطار دولي اما فانكوفر او كالجري الى هنا عادي .. بس راح تنتظر فيه انت وحظك كم الوقت وبعدين تروح لها والرحلة الاخيرة لها الله لا يوريكم
2_ مطارها داخلي فقط .. و هو عبارة عن غرفة صغيرة ( وربي صادقة )
المطار فيه مدرجين و حاسة اني شفت مدرج واحد
الطيارات اللي ممكن توصل له جداً رديئة ممكن تكون بحجم الهليوكوبتر
اسمها اير كندا جاااز ( غير اير كندا اللي للرحلات الدولية تماما )
هذي جدا رديئة فوق ما تتصوروا
و الطيارة بحد اقصى 48 فرد اعتقد او 50
وفيه طيارات 16 الى 20 فرد
لما تركبها لازم يجيك المضيف لو كنت قريب من الباب ويعلمك كيف تقدر تمسكه وتقفله لوانفتح وهذي عندهم زي تعليمات السلامة و التنفس اللي تنقال باي خطوط جوية <== والله العظيم بجد لأني ركبتها مرتين بالروحة والرجعة
غير كدا الرحلات منه تقريبا اخر موعد لها 7 المساء .. و احنا صح رايحين ندرس ونقيم فترة طويلة
لكن اكيد لنا اهل .. لنا ناس هنا الواحد ما يضمن ظروفه
يمكن الله لا يكتبها احد من اهلك يصير له شي و تضطر ترجع ما راح تطلع من هالمدينة لخارج الدولة على طول ابدا .. وهذا اصلا اذا قدرت تنتظر لموعد الرحلة القادمة اللي راح تطلع لأنها رحلات معدودة باليوم و تنتهي زي ما قلت تقريبا 7 المسا <== اغلبها
3_ غير آمنة ..
و يمكن يجي احد ويقول ما صار لنا شي وقاعدين وعادي
بس المدينة فيها ناس كثير من الناس البيئة زي اللي يجوا في العصابات بالافلام الامريكية او اللي هما الطبقة المنحدرة حقتهم
وفيها عصابات كمان
اول شي نبهونا عليه في الجامعة بالنسبة للمدينة انك تقفل الشبابيك والابواب
ما تمشي ابدا بعد غروب الشمس
ولو خرجت من البيت ابدااا لا تترك رسالة على الانسر مشين انك غير موجود
و عندهم خدمة كمان حاطينها واكيد مو لله حاطينها واكيد لها اسباب
انه تليفونات الطواريء بالجامعة لو رفعتها تقدر تطلب احد يمشي معاك لو كنت ماشي لحالك عشان يوصلك سيارتك او المكان اللي تبغاه لأنه خطر تمشي لوحدك خاصة لو اجنبي والوقت اتأخر
4_ الجامعة لسى مبتدئة ومافي احد تخرج منها لا بكالوريوس ولا دراسات عليا فلا احد يحكم ويقول قوية
وصارت جامعة اصلا بس من 2005
راح تلقوا كاتبين انها مدري من عام كم لكنها كانت فقط كلية ولا كانت معتمدة ولا احد سامع عنها
و من 2005 صارت جامعة يعني لسى ولا دفعة طلعت منها فما ادري كيف اعتمدوها هنا وبالملحقية
مع العلم نظام الاعتماد مثلا في بريطانيا او امريكا لازم يمر وقت معين و يصدر التقييم الخاص بالجامعات و التخصصات حتى تعتمد
=====================
والله على ما اقول شهيد انا هذا اللي شفته وهذا رايي
وكلمت الملحقية بس زي ما تعرفوا قبول الماجستير في كندا صعب و الملحقية تخلت عن هذي المسؤولية فالمفروض اجيبه بنفسي
انا كنت ابغى اروح لمدينة رئيسية مثل فانكوفر او كالجري و تكون جامعتها احسن وامان اكثر و غير كذا مطارها دولي
بناء على كذا رجعت لبريطانيا وجبت قبول هنا وبجامعة قوية و قاعدة احاول احول بعثتي .. ومافتحت اصلا ملف في الملحقية بكندا حسب ما قال لي دكتور يحيى الخزرج عشان يعتبروني ما رحت اصلا
==================
رغم كل هذا ترى كندا كتعليم فرصة من ذهب و اعترف بكدا
و احتمال ارجعلها بيوم عشان الدكتوراه او حتى للسياحة لأن لقيت رقي بالتعامل لا يوصف
لكن هي تعتبر قارة مو دولة ولا مدينة فلازم تحدد وجهتك فيها بعناية شديدة
وبالتوفيييق للجميع اللي راحوا واللي لسى 
)