ياأهل السيارت طلبتكم تكفون !

يآهووو كلمه ولو جبر خآطر !!

..

هلا بالأخ محمد ، أود ان أنصحك بشراء تويوتا مثل الكامري أو الكورلا ، هذي بالنسبة للي يبي يقتصد ، وانا مجرب حالياً تويوتا كامري وماشاء الله مرتاح الحمدلله مع استخدامها .

واتمنى لك التوفيق في أختيارك ،

طيب موديل كم ؟ وكم أسعارهآ تقريبا ؟؟

وكيف تنصحوا بالألتيما أو الهوندا سيفيك ؟

..

City of Toronto cars for sale, buy used autos - Kijiji Toronto (GTA)

الموقع هذا ممكن يفيدك

السيارات في كندا مليااااانه

طبعا بالمواصفات الي ذكرتها راح تكون اغلى شويه عن سعرك هذا

شوف في مواصفاتك كلها في الكامري والكورولا والهوندا

بس هذي اغلى السيارات تقريبا لانه الطلب عليها كثير الكل يبغا ياباني في امريكا وكندا هذي هيا السيارات التوب طبعا للناس العاديه العمليه

اما الامريكي فهو تقريبا ببلاش

اشتري لك اي سيارة امريكي حتلاقيها اقل بكثيييير من الياباني رغم انها صناعه عيال عمهم بس ما يفضلها الكثير نظرا لارتفاع استهلاك البنزين والجوده


انا انصحك بالحامري او الهنودا اكورد وهذي السيارتين فيه من سيارة بدولار الى ما لا نهايه انت تختار بكيفك

طبعا مافي سيارة بدولار لكن صيغه مبالغه في سيارات من ١٠٠٠ و٢٠٠٠ دولار بس طبعا موديل ٢٠١١ ما قبل الميلاد طبعا المكيف رباني والمكينه مكينه دباب مصدي والقزاز بداله لوح من النجار مقصوص واللمبات عقد حق افراح من عند الكهربائي والبودي ماشاء الله بدون بويه والبيبان شفط لانها ما تنفك اصلا تخرج من الطاقه

الكامري ٢٠٠٧ او ٢٠٠٨ في حدود ال ١٢ ال١٣ انت وشطارتك تجيبها عن طريق واحد تعرفه او تشتريها من الاوكشن بارخص من الحراج زي عندنا مقرفونات ومين يفتح الباب

او تشتريها من الشريطيه تلاقي لك واحد كندي منكس العقال وفي يده سبحه وجالس يلف تشتري من عنده وهذول المعارض ملياااانه سيارات


لا تشيل هم السيارة ب ٧٠٠٠ تجيب لك شي طيب بس لا تستعجل على مهلك وشوف انت ايش تبغا بالزبط خذ ياباني وارتاح والموديل ممكن تاخذ ٢٠٠٥ او ٢٠٠٤ مو مشكله حتى لو كانت ماشيه السيارة ما يضرها هناك شوارع مافي حفر ولا مطبات ولا مجاري وانت بكرامه فلا تخاف لو لقيت سيارة ماشيه اهم شي تكون نضيفه شيييل والله يبارك لك

في عندك موقع auto trader canada فيه سيارات حليوة وهو تقريبا الموقع الرسمي للسيارات

وحاول تدور على برايفت لا تشتري من شريطي من صاحب السيارة احسن ولا تشتري بالسعر الي يقول لك عليه حاول تنزل وقول له هذا الي عندي وفلوسك كاش تستلمها كلها

لمن يسمعوا كاش تجيهم صدمه عاطفيه اظن من حب الفلوس ويوافقوا لا تنسى تفحص السيارة وتطلب الكار فاكس حقها وتشيك انه ما عليها حوادث يعني ماهي سالفج لازم تكون كليييير تايتل


هذا ما اعرفه والله اعلم

طيب أنا اليوم نزززلت زي المعااارض وشفت والله سيارة هوندا سيفيك كوبيه !!

طبعاً مسسستعمل وغير كدآ اللبنآني قلي لو أخدت سيارة كانت مصدومه من برآ طبعاً مو من المآكينة !

قلي أوفر ليا بكثييير !! وقلي أنا بعطيك ضمان سسسنه !!

وقلي إنتآ تدفع 100 وأنا أدفع 100 للشركه ضمآن وضمآن على المآكينة والجربوكس ودي الأشياء المهمه !!

فـ رآيييكم ؟!

اخوي فيه شركات تأمين ارخص من كذا بواجد انصحك تدور شركات تامين ارخص تلقى 80 دولار بالشهر وفيه سيارات ارخص من كذا بواجد ادخل على موقع كي جيجي بتلقى كل شي ومواصفات اللي تبي والسعر اللي تبي الله يوفقك

مصدوم يا صاحبي لا تااااخذ هذي سالفج والله العالم بحالها ٧٠٠٠ تجيب لك شي طيب لا تستعجل على مهلك دور في صيدات

اذا تبغا مصدوم ملياااان في اوكشنات مزادات على السيارات المصدمه طبعا هذي تابعه لشركات التامين وحسب الصدمه بس ما انصحك

لانك لمن تبغا تبع السيارة يقول لك هذي مصدومه وسعرها بيكون في الحضيييض

لكن لو اشتريت هوندا اكوردد او كامري او كورولا ب ٧٠٠٠ مثلا

تبيعها بعد ما تخلص من الدراسه بالسلامه بنقص بسيط في السعر تجيب لك ٥٠٠٠ بالراحه يعنتي تكرف ام السيارة ٣ ولا ٤ سنوات ب ٢٠٠٠ دولار يا بلاش

اما تاخذ مصدوم ما انصح خصوصا انه المبلغ الي معاك طيب يجيب لك شي طيب بس اصبر وتصيد الفرص

وحاول تشتري من برايفت عشان ما تدفع تاكس نقطه التاكس هذي مو متاكد منها حسب نظام امريكا لو اشتريت من برايفت مافي تاكس لكن لو اشتريت من معرض في تاكس عاد ما ادذري نفس النظام في كندا ولا لا

والتاكس لا تستهون بيه ١٠٠٠ دولار انت اولى بيها

والله من جججججد !!
والله ماأدري ربكم يجيب الخير !!
..