للاهميه الى اهل كندا عموما والى اهل تورونتو خصوصا

مرحبا اخوي العزيز ..

أنا حالياً بتورنتو ونصيحة أخو إذا انت تبغى تدرس وتستفيد أنصحك بتغيير المدينة

لعدة أسباب .

1_ المعاهد والاسواق والمحلات والمطاعم والشوارع والشقق كلها سعوديين كثر شعر راسك ورب الكعبة كأنك بالسعودية

2_ تورنتو جداً غاليه

3_ لن تواجه او تصادق كندي نهائياً من اجل الاستفادة لأن شعب تورنتو إغلبه شرق اسيا وفاااااااااااسدين

بالارض فساد مو طبيعي

4_ ولن تجد كندي او كندية بالمعهد نهائياً واغلب طلابهم من خارج كندا ( الصين _ اليابان _ كوريا _ المكسيك_ فنزويلا _ البرازيل والخ.....)

حتى الامريكي ما راح تحصله او بريطاني .

نصيحه لك ولأي مبتعث على حسابه الخاص او على حساب الدولة البحث عن المدن الصغيره جداً من أجل

الاستفادة ..

واي رد غير ردي ويقولك تعال والدعوة تساهيل صدقني هذا اخذ الدراسة سياااااااااااااااااااحة ..

تحيه طيبه لك ولكل مبتعث ومبتعثه واتمنى لكم التوفيق وللجميع ..

اولاً مبروك ع الفيزا , والله يسهل لنا ولك الامور
ثانياً اسئلتك ماخرجت عن الاسئلة المعتادة الي سألنها قبلك وعشنا الاجابات واقع وتجربة .
بالنسبة لتورنتو , المدينة كبيرة وحيوية وسكانها من مختلف الاجناس والثقافات والاديان , وبالمناسبة راح تلاقي مساجد كثيرة جداً ومطاعم اكل حلال في كل حي وشارع
مستوى الامان في تورنتو عالي جداً والتواجد الامني مكثف جداً وماراح ابالغ لو اقولك الدوريات اكثر من السيارات
اما بخصوص المناطق الآمنة , فأنا اكثر شي اهتميت فيه قبل لا اجي هو مسألة الامان وبالصدفه سكنت في مكان عرفت بعدين انه من المناطق المشبوهه
وسبب انه مشبوه لأنه منطقه فيها اسكان الحكومه معطيته للناس مقابل مبلغ رمزي , يعني مثل الاسكان الخيري
هذا انا سكنت في عائله فيه ومع ذلك ماشفت فيه شي ابداً , مع اني كنت ارجع متأخر وممكن اخرج من البيت متأخر..وللعلم كنت اشوف دوريات كثيرة , واكثر من مره سألوني وين ساكن وكذا
لذلك لاتشغل بالك بالمسألة لان تورنتو كلها آمنة , لكن خذ في اعتبارك اذا حاب تعرف من باب العلم انه شرق تورنتو هو من اكثر الاماكن الي المفترض انها اقل آمان من غيرها , وهو الي انا سكنت فيه.
من ناحيه نوعية السكن فالامر يرجع لك بالاول وبالاخر وحسب شخصيتك ومزاجك , انا بالنسبة لي وكثيرين مثلي ما اقتنعوا في فكرة السكن مع عائلة وعن تجربة , لان العائلة لها مشاكلها وغالباً يكون لها جوها هذا غير انه العائلات الكويسه نادره جداً
لكن وعلى العموم اذا حاب تكون مع عائلة لا تاخذ عائلة على مسؤوليتك والسبب انه مثل ماقلت لك العائلات الكويسه
صعب تلقاها وغالباً محجوزه مع ناس غيرك وتتعامل مع معاهد ,
والشي الثاني انت لما تاخذ عائلة عن طريق المعهد فأنت راح تاخذها على مسؤولية المعهد , فأنت على مسؤولية المعهد , وهذا الي يخلي العائلة تحسب الف حساب للمعهد
والشي الثاني , اذا سكنت عن طريق المعهد في اي ظرف ماعجبتك العائلة الجو ماناسبك اليوم الثاني يغيروها لك او يوفروا لك خيار ثاني , يعني شغلك مضمون وفي السليم
لكن تسكن على مسؤوليتك تدفع اليوم الفلوس واليوم الثاني يطلعوا لك الف مشكلة
صدقني انا جربت النوعين , جربت على مسؤوليتي وعلى مسؤولية المعهد , وفرق شاسع وماراح تصدق ان الفرق
الشاسع وجدته تعامل العائلة نفسها .
اما بخصوص المعاهد والسعوديين , فالسعوديين صاروا واقع مفروض ولازم تتعايش معاه , الواحد لايصير عنده فوبيا سعوديين , السعوديين ماراح يتعرضون لك او يحاولوا يتكلمون معك في الوقت الي انت فيه ماتعطي احد مجال
والشي الي لازم تحطه في اعتبارك , ان وجود السعوديين معاك في مكان له فوائده الي ممكن تكون اكبر من اضراره
السعوديين راح تحتاجهم في عنوان , في سؤال عند سكن ومعهد واسواق واكل , وراح يخدموك بشكل يحرجك
اما عن اللغة , فانت راح تكون في معهد يكون فيه اجانب , راح تطلع معاهم في رحلات ونشاطات وبالتالي انت الي راح تحدد نوعيه الناس الي راح تختلط معاهم , ومقدار ممارسة اللغة .
اما المعاهد , كل المعاهد فيها سعوديين بلا استثناء ماعدا المعاهد الي اوقفتها الملحقية الثقافيه , والمعاهد الفاشلة
ماراح تلاقي فيها سعوديين والسبب ان السعوديين اكثرهم يبحث عن المعاهد الممتازه بغض النظر عن انها غالية لكن على اعتبار ان الملحقية متكفله بالرسوم .
اما نوعيه وجودة المعاهد فأفضل معهد وبلا منازع معهد جورج براون التابع لكلية جورج براون في محطة كنج
هذا الي عرفته من مدرسيين كنديين ومن طلاب سعوديين في الوقت نفسه , وهذا غالي وله اوقات محدده تسجل فيها
واتوقع لازم يكون عندك خلفيه لو ع الاقل بسيطة في الانجليزي , يعني عندك كلمات انجليزي , تقدر تتكلم محادثات
بسيطة ..وعموماا الترم تبعه شهرين , اتوقع ممكن تلحق عليه اذا جاي بعد شهرين .
اما بخصوص المعاهد الباقيه الي يسموها المعاهد التجارية فما اشوف فيه تفاوت كبير بينها , لكن فيها معاهد ماراح اقولك افضل بشكل عام لكن راح اقول افضل الاسوء , وهي كويسه للي ماعنده اي خلفيه تماماً في الانجليزي
وهاذي تقدر تسأل فيها طلابها يعني تطرح اسم المعهد وراح يردون عليك الدارسين فيه.

بالتوفيق