امر الاركاب ؟

ألف مبروك ..
من ناحية قرار الابتعاث ما يتأخر تأخذه من يومك مثلي أنا ..
وكذلك أمر الاركاب ,, أما من ناحية الحجز ما عندي خلفية عنه ..

لكن الحمد لله بعد جاتك الفيزة والله يوفقك وييسر أمرك ..

الله يبارك بعمرك والله انك تحرجني ياخوي اخو شيخه كل ماكتب موضوع واستفسار القاك مو مقصر معي اول واحد يرد
قل امين جعلك بالجنه ووالديك والمسلمين
بس الصراحه دخلت موضوع قبل شوي يقول انه لازم تجي قبل بوقت كافي لانه الضمان المالي يتاخر !!
انا بوصل تورنتو ان شاء الله بتاريخ 18 مايو ودراستي تبدا الثلاثاء 24 مايو هل لو تاخر الضمان المالي ماقدر ادرس اول يوم
والا يتغاضون المعهد وماعندهم مشكله يصبرون لك كم يوم لين يجي الضمان المالي ؟

شوف قرار الابتعاث ما يتاخر والامر ان شاء الله كل الموضوع ساعه الى ساعه ونص

طبعا الحجز حركة ممتازة جدا انك سويتها خلاص روح الوزارة ولما يعطوك قرار الابتعاث اذا انت من حقين المرحلة السادسه روح على الاتصالات الادارية في نفس المكان في الغرفه المقابله يكتبوا لك على نفس قرار الابتعاث رقم امر الاركات تصور الكلام هذا من الكفتريا لانه هذا قرار الابتعاث

وبعدها تعطيه مكتب الطيار واعطيه حجزك وخذ تذاكرك والحمد لله اما تعويض كاش ما يعطوك انسى

اول شي مبروك ثاني شي جب معك وانت رايح لشؤن الابتعاث الي في حي الغدير شمال الرياض صوره من القرار وصوره من جواز السفر وصوره من التاشيره وصوره من بطاقة الاحوال ورح الى اوامر الاركاب في الدور الارضي يسار وعطهم وقلهم ابي امر اركاب بيعطونك نموذج واكتب خط سير الرحله الي انت تبيه وخلاص تجلس ثواني الا هم معطينك الامر وتروح جنبهم عند فايز الاردني في مكتب الطيار كانا ناخذ من حلاله وقله هذا حجزي وابي على نفس هذا الحجز ولا تفكر فيه واذا قال لا قل اجل حول اوراقي لتخصصي وخذ رقم الورقه من عنده
اما بنسبه لقرار البعث اطرف موظف يطبعه لك من الاتصالات الاداريه او الصادر والوارد وانتهى الموضوع كله وسفر سعيد.

ياخوك هذا واجبي ..
ويكفي اللي مريت به أنا قبلك .. ذاك الوقت كنت أتمنى أحد يساعدني .. والمواقف هذي ما يحس بها الا من يعايشها ..
ومن ناحية وقتك أنت فما فيه أي مشكلة شفتي انا فتحت ملف يوم الاثنين وداومت الاثنين اللي بعده ..
فإذا فيه تأخير لا سمح الله فبيكون من الملحقية ..
أهم شي اول ما توصل تفتح حساب بالبنك ..
لأن ضروري لفتح ملف بالملحقية ..
واي خدمة تحتاجها انا موجود ..