## الشرح الاوضح للفيزا الكندية الاخيرة 2011/03/01 ##

حياك الله وناخوك وهذا واجبنا ،، ومانبي منكم الا الدعاء .

شوفي دام اخوك معاه سجل تجاري فاكيد معاه ورق رسمي ،، خليه يكتب الضمان في هالورقة الرسمية ويختمها ويوقع عليها ،، وثمن وديها لاي مكتب من مكاتب الغرفة التجارية المنتشرة ويصدقونها لك بـ 25 ريال ،، وتصير الورقة رسمية واثبات قوي لك .

واذا ماعنده ورق رسمي ،، خليه بكتب الضمان بورقة عادية ويوقع عليها ،، ويكتبها بشكل منسق ومرتب ،، والنموذج اللي واضعه بالرابط انا كاتبه ،، يعني ممكن تلقين مية نموذج تختلف عنه ،، لكن اهم شي المعنى اللي يحمله .

طبعا كتابتها بالكمبيوتر افضل

بالتوفيق

طيب إستاذي أنا بحثت عن نماذج ضمان وماحصلت غير إللي من الجامعه أو من شركه عشان كذا حكتب نفس الضمان المالي الخاص فيك
بس بسأل ألحين في ورقتك : 111 أكتب إسم أخوي المتكفل
222 شنهو أكتب ؟ إسم المعهد ؟
و333 و444 أكتب إسمي //// صح كذا؟

وبرضو إستاذي كشف الحساب أرسل الأصل ؟
وبرضو الشيك عادي يكون من حساب أخوي ولا لازم حسابي ؟
والجواز الأصل والصوره لازم أوقع عليها ؟ ووين أوقع ؟

إعذرني إستاذي تعبتك معاي على كثرة أسئلتي بس عشان ماأتعب وفي الأخير تكون عندي أخطاء ومشاكل .

الله يكتبلك السعاده والتوفيق يارب

حياك الله ،، ومافيه تعب ولا شي وناخوك ،، اللي يضايقني لمن اقراء كلمات مثل تعبتك واسف على الازعاج وغيرها ،، لاني مادخلت المنتدى الا لأفيد واستفيد من معلوماتكم ودعواتكم ،، فمافيه ازعاج ابد .

بالنسبة للضمان ،، بامكانك تكتبين نفس الضمان اللي كاتبه انا ماعندك مشكلة ان شالله .

بالنسبة للنموذج :
1111= تكتبين فيه اسم المتكفل بمصاريفك ( يعني اسم اخوك ) .
2222 = اسم المؤسسة او الشركة اللي يملكها أخوك ( اللي مكتوبه في الورق الرسمي ) اذا ماعنده مؤسسة او شركة امسحي هالخانة Owner of ------- Est
3333= تكتبين فيه اسمك انتي .
4444= تكتبين فيها اسمك انتي ايضا .
-----------

بالنسبة لكشف الحساب ارسلي الاصلي او نسخ ماعندك مشكلة ،، واذا رسلتي الاصلي يفضل تضعين نسخ لك من باب الاحتياط .

بالنسبة للشيك مايهم سوا من حسابك او من حساب اخوك او حتى لا بغيتي تروحين للبنك وتدفعين كاش ،، أهم شي تأكدي انه يكتب لك الاسم اللي بالشيك بالضبط وتأكدي من الاسبلنج ،،، يعني باختصار اكتبي اسم المستفيد في ورقة واعطيه اياها وثمن راجعي الاسبلنج وراه وماتطلعين من عنده الا ونتي متاكدة من أسم المستفيد THE RECEIVER GENERAL FOR CANADA

بالنسبة للجواز والصورة مو لازم توقعين عليها ،، لكن اذا بغيتي تريحين بالك وتوقعين راح تلاقين الخانة موجودة في الصفحة الثالثة من الجواز السعودي .


شوفي يالاخت بما انك على حسابك الخاص فمثل ماذكرت لك حاولي تثبتين لهم ان حالتك المادية جيدة واانك ماتفكرين بالهجرة ابد لانهم يتخوفون قليلا من الدارسين على حسابهم الخاص ،، فكثير منهم سحب على ديرته وقعد عاله على الحكومة الكندية تصرف عليهم وهي تبي تستفيد ماتبي تعيل ،، فاذا اخوك معاه مؤسسة او شركة ( صاحب المؤسسة او الشركة ) وكشف حسابها اقوى من حسابه الشخصي ،، خليه يسوي ضمان على ان الشركة متكفلة بمصاريفك وراح توظفك أول ماترجعين براتب حلو ( الوظيفية تطمنهم انك بترجعين ) ،، اما اذا كشف حسابه الشخصي اقوى فتوكلي على الله وسوي نفس ماذكرنا سابقا .

وفي الاخير الفيزا الكندية انت وحظك ،، ممكن تقدمين الاوراق كاملة مثلي وبزيادة وكشف حساب بالملايين ويرفضون طلبك كما صارت مع كثيرررر ،، وممكن تقدمين اوراق ناقصة وبكشف حساب ضعيف جدا وينقبل طلبك ،، فعلى حسب الزين اللي بيمسك اوراقك في السفارة .

الله يسهل امرك ان شاء الله ويحقق مرادك ،، واي اسئلة لا تترددين .

يعطيك العافيه أخوي على الموضوع الرائع

عندي بعض الإستفسارات أتمنى الإفادة منكم

أنا اعمل مع الوالد في شركته الخاصة وهو الله يطول بعمره راح يتكفل بجميع المصاريف
بخصوص الإعتماد البنكي هل لابد أذكر فيه أسمي وأسم زوجتي وبنتي أم بس أسمي كطالب

وبالنسبة لصيغة الخطاب الضمان المالي هل لابد يكون على ورق الشركة وموقع ومختوم ومصدق
علماً أن الوالد مسجل في السجل التجاري كمدير وليس شريك .

والسؤال الأخير هل كشف حساب بنكي لآخر 6 شهور مع ورقة الإعتماد البنكي يوضح فيها إن الوالد مسؤول عن مصاريف الدراسة وكل إحتياجاتي في كندا
وتعريف بالعمل يغني عن خطاب الضمان المالي وصورة السجل التجاري

أسف على الإطالة لكن جد وهقتني الجامعه لازم أكون هناك يوم 27 -8-2012 وخايف إنه ما راح يمديني

هلا بك يالغلا ،، اللي فهمته منك انك لست مبتعث ولا مرافق يعني راح تدرس انت وعائلتك على حساب والدك الله يحفظه لكم ،، ووالدك هو مدير الشركة وانت موظف فيها .

المطلوب منك ان شاء الله وناخوك بما ان الشركة تبع والدك :
1- تجيب ورقة انك موظف لديه في الشركة من التاريخ الفلاني وانت على رأس العمل لحد الآن وتكتب راتب حلو وجيد عشان يفهمون الكنديين انك مرتاح ماديا في السعودية ووظيفتك وراتبك جيدين.
2- تجيب كشف حساب لاخر 6 اشهر للشركة تبع الوالد ( كشف حساب الشركة وليس الوالد ) .
3- الضمان المالي اكتب نفس اللي كاتبه انا فوق بالرابط وتضيف فيه ( وعائلته ) يعني عائلتك انت .
طبعا الضمان المالي اكتبه في ورقة الشركة ووقعه وختمه واذا ماصدقوه مكاتب الغرفة التجارية ماعندك مشكلة ان شاء الله ،، علفكرة حتى لو كان والدك مدير للشركة وليس شريك اعتقد بامكانك تصدق الورقة ومافيه مشكلة اذا كان توقيعه معتمد .
4- الشهادة البنكية للشركة وهذي تطلبها من البنك اللي تتعامل معاه وتكون بالانجليزي وراح يعطونك اياها بنفس اليوم او اليوم التالي .

طبعا بهالطريقة راح تصير وكأن الشركة تبع والدك هي المتكفل بمصاريفك انت وعائلتك ،، وأتوقع كشف حساب الشركة اقوى من كشف حساب والدك الخاص .

ان شاء الله الاجابات واضحة وناخوك

والله يسهل دربك وامرك ،، واي اسئلة لا تتردد .

الله يعيطيك العافيه أخوي كفيت ووفيت بس أنا كان قصدي عن أن الوالد مسجل كمدير في السجل ومكتب فيفا قالي جب ترجمة للسجل التجاري
فخت أنه ما يبين فيها أنه شريك في الشركة أما بالنسبة للتوقيع فأنا توقيعي معتمد لدى الغرفة التجارية والحمد لله خلصت أغلب الورق

شكراً لك مرة ثانية وما قصرت

حياك الله يالغلا

وناخوك صدقني ماتحتاج لا لمكتب الفيفا ولا لغيره ،، الشرح واضح والبيانات واضحة ومافيها اي تعقيد ان شاء الله ،، والشي اللي ماتعرفه اساله وماراح نقصر معك .

ضبط امورك بنفسك وهات الاوراق المطلوبة وارسلها عن طريق الارامكس بـ 100 ريال .

بالنسبة للقبول المنتدى متروس ناس تجيب قبولات لمعاهد بالمجان بعد ،، واذا تبي قبول جامعه يجيبونه لك برسوم رمزية فماله داعي لا لمكتب الفيفا ولا غيره .

بخصوص ترجمة للسجل التجاري ماشوف لها داعي ،، هم اللي يهمهم ورقة الضمان المالي للمتكفل بمصاريفك ،، فلمن تكتبه بورقة رسمية مختمة من الشركة ومصدقة من الغرفة التجارية راح تعطي الورقة رسمية اكثر وافضل من لمن تكون من ورقة عادية ( غير رسمية ) .

والدعوة سهالة وناخوك وتوفيق من الله لا مكتب الفيفا ولا غيره يقدر يضمن لك الفيزا .

بالتوفيق

يعيطيك العافيه ياخيي

الحمد لله القبول موجود عندي قبول مشروط باللغه
بس إلي خلاني أرجع لمكتب الفيفا إن توقيع الضمان المالي أنا وقعته الوالد مسافر وبيرجع متاخر جدا
فما أقدر أفوض نفسي هذه المشكلة الرئيسية
وأنا مستجعل على تقديم الأوراق عشان أعجل أموري وإلا أنا ناوي أقدم على البعثة في شهر رمضان لأني الحمد لله مطابق للشروط إلي يبونها

ويعطيك ألف عافيه

- - - مشاركة محدثة - - -

يعيطيك العافيه ياخيي

الحمد لله القبول موجود عندي قبول مشروط باللغه
بس إلي خلاني أرجع لمكتب الفيفا إن توقيع الضمان المالي أنا وقعته الوالد مسافر وبيرجع متاخر جدا
فما أقدر أفوض نفسي هذه المشكلة الرئيسية
وأنا مستجعل على تقديم الأوراق عشان أعجل أموري وإلا أنا ناوي أقدم على البعثة في شهر رمضان لأني الحمد لله مطابق للشروط إلي يبونها

ويعطيك ألف عافيه

مشكور أخوي الله يكتبلك الخير والسعاده ويبعدك عن دروب الشر ويحميك ويخليك ذخر لهلك يارب العالمين

صباح الخير

يعطيك العافية أخوي ( قوطي فاضي ) و ما قصرت
عندي عد استفسارات بخصوص الفيزا ..لأني ناوية اسويها بنفسي ما دام الشرح موجود الحمدلله .. و جزى الله كل من ساعد خير

أولا انا معايا الوالد مرافق .. غير راغب بالدراسة طبعا
فيزته تكون فيزا زائر صح ؟ .. و كيف تصير هاذي الفيزا ؟ يعني اعبي الأبلكيشنات الخمسة له اللي انت ذاكرها في الموضوع و لا كيف ؟
و كم شيك فيزا الزائر
و أيضا هل يحتاج كشف الحساب .. بما اني معايا الضمان المالي انا .. ولا الضمان المالي حق الوزارة يشملنا الاثنين؟