## الشرح الاوضح للفيزا الكندية الاخيرة 2011/03/01 ##

العفو.. طيب مافهمت بعد تعبئه النماذج اون لاين ايش الخطوه الي بعدها ؟؟؟؟

الحين يعني من فين نقدم ممكن تحطون رابط ؟؟

؟؟؟

ممكن احد يوضح الطريقه

السلام عليكم

عفواً سؤال: صورة بطاقة الأحوال مطلوبة؟

لا مايطلبو صورة بطاقة الاحوال

العذر والسموحه على الانقاطع الطويل عن المنتدى لظروف خاصة .

بخصوص التقديم اونلاين انا والله ماجربته ،، لكن الشرح اللي واضعه لكم في هالموضوع للحين فعال .

قبل اسبوع بالضبط قدمت لاخوي بنفس هالشرح وبنفس هالنماذج والحمدلله خلال ثلاث اسابيع والفيزا عنده .

......

بخصوص البطاقة هم مايطلبونها لكن ماوراك شي وناخوك ،، ترجمها والترجمة بـ 30 ريال اتوقع ،، من باب زيادة الاوراق .


بالتوفيق

يعطيك العافية ياخوي ويجعلها في موازين حسانتك بس عندي كم استفسار انا والاهل نبي نزور اخوي بكندا وبسويلهم الفيز باذن الله
الاستفسار الاول : الابلكيشن الاول لازم جميع العايله يكتبونه هل هذا صحيح ولا لا ؟

الاستفسار الثاني : الابلكيشن الثاني جميع الاشخاص اللي فوق عمر الـ18 يسونه يعني امي تسوي ابلكيشنها لحال وابوي ابلكيشن لحال ... يعني مو كلهم بابلكيشن واحد كل واحد يسوي ابلكيشن باسمه لوحدة؟ وبالنسبة للاطفال لايجب انهم يملوه ؟ هل هذا صحيح ؟

الاستفسار الثالث : بالنسبه لعقد الزواج سالت ابوي عنه يقول اخر مره شفته فيه يوم تزوجت امك ( يعني ماعنده) هههههه اما بالنسبة لدفتر العايله هل يجب ترجمته او لا لانه بالعربي ؟

الاستفسار الرابع الابلكيشن اللي بخط اليد ( التكميلي ) هل يجب على الاطفال والزوجه كتابته او فقط الاب ؟

الاستفسار الخامس ؛ امي وابوي متقاعدين هل يجب عليهم هم الاثنين توفير اثبات من البنك والتقاعد وكشف الحساب ولا فقط الاب هو اللي يسوي هذي الامور ؟

الاستفسار السادس : جميع اهلي اصدروا جوازات جديده امس يعني ماعليها ولا ختم هل يجب عليهم ارفاق الجوازات القديمه او لا علما بانهم لا يملكونها ؟

الاستفسار السابع : اهلي يريدون زيارة كندا اقل من ستة شهور واخاف ان السفارة الكنديه تصدر فيز مدتها اسبوع او اسبوعين، هل تنصحني ان اضع مدة الزياره اكثر من ستة شهوور وهل اضع الفيزا عدة سفرات او سفره واحدة وهل يضر شي؟

يعطيك العافية اخوي والله يوفقك ويرزقك من حيث لا تحتسب ويجعلها في موازين حسناتك لك ولكل من شارك في هذا الموضوع ....

هلا فيك يالغالي ،، بما ان اهلك رايحين زيارة فان شاء الله مافيها تعقيد ،، تفضل هالرابط فيه شرح ان شاء الله لفيزة الزيارة والابلكيشنات المطلوبة( صفحة رقم 3 ) :
http://www.mbt3th.us/vb/forum108/thr...#axzz2NSel7rhC


طبعا كل شخص حتى لو كان طفل ملزوم يكون معاه جوازهـ الخاص ،، الابلكيشن الاول على الكل سواء كان صغير او كبير ،، بالنسبة للاشخاص دون سن الـ 18 سنة ،، يوقع عنهم ولي امرهم .

بالنسبة للابلكيشن الثاني ( ابلكيشن العائلة ) ،، هذا اجباري لكل شخص فوق الـ 18 سنة ،، وكل شخص يسوي ابلكيشناته لحاله ،، ويجمعها بظرف لحاله ومنفصل ،، اللهم اذا بغيت ترسلها تجمع الظروف كلها وتضعها في ظرف واحد كبير عند الارامكس ويرسلونها للسفارة .

بالنسبة لدفتر العائلة يفضل ترجمته للانجليزي .

بالنسبة للابلكيشن التكميلي يفضل الكل يكتبه .

بالنسبة للاستفسار الخامس بما ان والدك هو المتكفل بمصاريف هذه السفرية فيفضل انه يحضر كشف حساب وشهادة بنكية يثبت للسفارة قدرته المادية على تحمل تكاليف السفر .

بالنسبة للاستفسار السادس ان شاء الله مافيه مشكلة ومايحتاج ترفق الجوازات القديمة ،، اللهم اذا فيه سفريات مدونه بجوازك القديم اكتبها لهم من باب الصدق والامانه ،، واذا كانت سفريات لدول مشبوهه مثل سوريا او اليمن يفضل عدم ذكرها عشان ماتأثر على ملفك ههههه .

بالنسبة للاستفسار السابع ،، انت اطلب فيزة سياحية والغرض من الفيزا زيارة اخوك ،، واذا اخوك بيرسل لكم دعوة لزيارة كندا افضل واجمل بعد ،، ولو انك راح تذكر هالشي في النماذج ،، فاذا وصلت للمطار في كندا قولهم ابي اقعد سياحة كم شهر لكن ماراح تزيد عن الست اشهر .
وبخصوص الفيزة المفردة والمتعددة ،، انا بصراحة انصحك بالمفردة لانك راح تدخل الديرة وتزور اخوك وترجع لمره واحده ،، اما المتعددة فهي لواحد رايح جاي مثل المحرم وغيره ،، وانت وراحتك .

وايضا لمزيد من المعلومات ولمساعدتك على تعبئة النماذج بالتفصيل بامكانك زيارة الامجريشن الكندي :
Applying for Temporary Resident Visa (IMM*5256)

ودائما اقولها الفيزا الكندية انت وحظك ممكن توفر لهم جميع الاثباتات اللازمة ويردون طلبك وممكن توفر لهم اوراقك ناقصة ويقبلونه ،،

وأي سؤال ان شاء الله الاخوان وانا مانقصر

بالتوفيق

نسيت أذكرك ان الشيك راح يكون بأسم / THE RECEIVER GENERAL FOR CANADA

ونت عند الموظف تأكد من السبلنج ومن الاسم ،، اذا فيه اي خلل راح يرجع لك .

وأيضا ياليت تنتبه لمسألة الرسوم اذا كانت العائله مقدمه من نفس المكان ونفس الوقت أن لاتزيد رسومها عن 400$ وشوف هالرابط لعله يفيدك بهالمسألة :
http://www.canadainternational.gc.ca...is.aspx?view=d

بالتوفيق

يعطيك العافيه ياخوي والله انك ماقصرت والله يكثر من امثالك بس عندي استفسارين ... ادري كثرت عليك بس اعذرني ..

الاول .. هل يجب على جميع الاهل احضار الكشف الطبي من المستشفى ( لانه موجود check list )

الثاني .. تذكر نموذج العائلة ، المربع اللي تضع فيه جميع اسماء اولادك ... المربع مايكفي للجميع ... هل اسوي نموذج ثاني مثل الاول واحط فيه الاسماء الباقيه وادبسها مع بعض ولا كيف بالضبط

انا توني بديت اسوي النماذج والله يعينك ع الاساله اللي باسالك اياها هههههههه والله ياخوي يوفقك دنيا واخره ......