## الشرح الاوضح للفيزا الكندية الاخيرة 2011/03/01 ##

والله يالغالي هذي الشروحات وهذا التعب ما نأخذ عليه ريال واحد ومحنا بملزومين نكتبه ونتعب انفسنا ونقعد نراجع في مواقع الامجريشن بالساعات وندقق عشان نعطيكم المعلومات الصحيحة .

ولكن هي خدمة نسويها لوجه الله لانريد منها سواء الدعاء فقط .

فأنا وضعت هالموضوع وحاولت ابسطه بأبسط طريقة وبطريقة حتى الطفل ممكن يفهمها ،، فالحاصل أنا ما أجبرتك تعبي الابلكيشن وماراح استفيد منك سواء عبيته بنفسك او وديته عند مكاتب فقط هي مساعدة ونصيحة اخوية لاغير .

وياليت تحسن من أسلوب حوارك شوي واعتبرها نصيحة اخوية ثانية .... وبلاش دعايات لمكاتب لانك حسستني انك شغال في مكتب عندهم .

بالتوفيق للجادين .

الله يجزآكـم الفـردوس الأعلـى آنــت والآخت ندآ والآخوآن اللي شرحوا الابلكيــشن
الله لا يهينكم

حياك الله يالغالي ،، والله يوفق الجميع ان شاء الله .

انا جددت الستدي بيرمت .. هل اعبي كل الابلكيشنز اللي موجودين بهالموضوع !! لأن الأبلكيشن الأول تحت عنوان Application for study permit made outside of canada
وأنا في كندا ومجدده الستدي بيرمت .. "بس ابغى اجدد الفيزا" ..

اللي عنده خبره بهالموضوع يفيدنا بليز ،

شكرا مقدما

هلا بك أختنا الجوري .
شوفي وناخوك ،، قبل مانجاوب على السؤال ابي اوضح لك شغلة مهمة وهي :
الاستدي بيرمت / مهمة جدا داخل الاراضي الكندية وهي دليل على أنك طالب في كندا واذا انتهت سيطلب منك مغادرة كندا مباشرة ، فأحذري من انتهائها وبأمكانك تجديدها داخل الارضي الكندية ،، لمزيد من المعلومات عن هذهـ النقطة راجعي الرد التالي رقم 12 :
http://www.mbt3th.us/vb/forum108/thr...ml#post2795583

الفيزا الدراسية / وظيفتها تكمن في السماح لك بدخول الارضي الكندية ،، يعني ماتقدر تدخل الحدود الكندية الا بوجودها فاذا دخلت كندا خلاص ضعها جانبا ، سواء أنتهت أو لم تنتهي وأنت داخل الارضي الكندية ، ان شاء الله لاتوجد هناك مشاكل دام تصريح الدراسة مازال فعال وغير منتهي ،،، مع العلم أن كندا من الدول اللتي لاتختم على جوازك عند مغادرة اراضيها ولايمكنك تجديدها داخل الاراضي الكندية .

فأنتي تريدين تجديد الفيزا تبعك وانتي موجودة داخل الاراضي الكندية لذلك عندك طريقتين :
أما انك تقعدين وتكملين دراستك لحد ماتجيك الرغبة بالعودة للسعودية ،، ساعتها تعودين ثم تقدمين على فيزا جديدة من السعودية .

وأما انك تسوين مثل ماكتبت أحد الاخوات في موضوعها التالي عن طريقة لتجديد الفيزا الكندية وانت داخل كندا ،، من خلال الرابط التالي ( لا أعلم عن هذه الطريقة شيئ ) :
http://www.mbt3th.us/vb/forum107/thread196156.html

فأنا اشوف والعلم عند الله أنك تهتمين بدراستك وبتصريح الدراسة اللي معك ،، وأتركي الفيزا لحين عودتك للسعودية وجدديها من السعودية ،، او افعلي مثل مافعلت الاخت وجربي قد تصيب وقد تخطأ ،، والله اعلم .
ولاتقلقين بالك وناخوك ،، ولو اني من الناس اللي افضل ان يكون كل شي جديد ونظامي سواء كان تصريح دراسة او فيزا .
بالتوفيق ان شاء الله

السلام عليكم ورحمه الله وبركاته
الله يعطيكم العافيه على الجهود الجبارة والله يوفقكم في حياتكم
عندي سؤال عن تجديد الفيزا من السعودية :
أنا مرافق لزوجتي وعندي ( فيزا سياحه منتهيه + ستدي بيرمت مجدد ) وان شاء الله نازل السعودية قريب - واريد تجديد الفيزا ولكن بتغييرها فيزا من سياحيه الي طالب - هل اقدم بتجديد الفيزا مع العائلة في ملف واحد ؟ او اقدم على تجديد الفيزا لوحدي ؟ وماهو الابلكيشن الصحيح

وشكرا *

وعليكم السلام ورحمة الله ،، هلا بك يالغالي .

معليش وناخوك ممكن تعلمني شلون خذيت ستدي بيرمت وفيزتك سياحية ؟؟ خبري مايعطونها الا اصحاب الفيزة الدراسية فقط .

علعموم يالغالي شوف ،، فيه ناس يقولون أنه بامكانك تجديد الفيزا من داخل كندا بطريقة خاصة ، ويقولون انها ضبطت معاهم فأذا ودك تجربها وتشوف يمكن تتحول فيزتك ، واعتقد نسبة قبولها بتكون اكبر من النسبة بالسعودية ، لانك داخل الارضي الكندية ،، وهي على الرابط التالي :
http://www.mbt3th.us/vb/forum107/thread196156.html

لكن اذا كنت ناوي اساسا ترجع السعودية وتبي تجددها من السعودية بالطريقة الرسمية المعهودة ،، فشيك على فيزة مرتك ، اذا كانت فيزتها مفردة ( يعني دخلة واحدة لكندا) فلازم انك تقدم انت وياها على طلبات جديدة على الفيزة الدراسية الكندية ،، أما اذا كانت فيزتها متعددة الدخلات ،، فعليك أنت وحدك تقدم على الفيزة بدون مرتك ( لاحظ كلامي عن الفيزة وليس عن الاستدي بيرمت ) .

واذا تبي تعرف طريقة التقديم على الفيزا الدراسية من الـ أ - ي ،، راح تلاقيها ان شاء الله في نفس هالموضوع بالصفحة الاولى .

بالتوفيق يالغالي ،، واي سؤال ان شاء الله حاضرين .

الله يعطيك العافية على ردك السريع والوافي .
بالنسبه للستدي بيرمت - اول ما دخلت كندا اعطوني تصريح سياحه وبعدين ارسلت لتغييره الى تصريح دراسه اونلاين واتصلت عليهم واعطيتهم قبولي في معهد يورك بتورونتو وقالولي انت حاله خاصه وارفق خطاب بالطلب وسنغيره الي ستدي بيرمت ودفعت ١٢٥ دولار وجانب بعد عشرين ـ الكلام هذا في ابريل ٢٠١٠ والله اعلم

اما بالنسبه لتغيير فيزتي فوجدتها متعدده الدخول فبالتالي ساقوم بالتجديد لوحدي وفهمت وضعي - سؤالي الان هل عليا ان ارسل لهم طلب فيزا دراسه جديد وارفق كل اوراقي الي ارسلتها في اول مره ( شهادتي الدراسيه السابقه وخطاب الاستقاله والخ ..... بالاضافه الى قبول الجامعه الجديد ؟ واسف لاسئلتي الكثيره لان اجازتي التي ساقضيها في السعوديه اقل من شهرين وابغى اتاكد انه الامور كلها تمام

وجزاك الله الف خير

هلا بك يالغالي :
والله وناخوك غريب موضوع الاستدي بيرمت ،، تصدق اعرف طلاب رجعوا من كندا بسببها ،، لان الامجريشن مارضى يعطيهم تصريح دراسة بالفيزة السياحية وماقدروا يقدمون اوراقهم للملحقية فرجعوا عشانها ،، فمعليش بسألك سؤال ،، أنت دخلت كندا بالفيزا السياحية واحضرت قبول معهد واعطيته للامجريشن وقلت لهم أبي احولها لفيزة دراسية واخذ ستدي بيرمت ،، هل عبيت لهم هالابلكيشن :
http://www.cic.gc.ca/English/pdf/kit...s/IMM1249E.PDF
أو سويت لهم الطريقة التالية :
Online Services - Apply for a Study Permit (in Canada)
(( اللي بالاعلى استفسار خارجي مني فقط ،، يعني اذا ماعرفت الجواب لاتشغل بالك واتركه ))

علعموم ارجو وناخوك انك فهمت مقصدي بالفيزة المفردة والفيزا المتعددة وعرفت الفرق بينهم .

فقبل ماتجدد يالغلا الفيزا شيك على جوازك اذا باقي له مدة طويلة عشان ينتهي أو جددهـ مره وحدة قبل ماتقدم على فيزا جديدة ،، وطريقة التقديم على الفيزا نفس ماسويت أول مرهـ لكن هالمره طلعت ابلكيشنات جديده راح تلاقيها في أول صفحة من هالموضوع ،، وبعدين أرسل لهم اي اوراق تشوف انها مساعدة لك ،، مثلا تصريح الدراسة المجدد ، او شهادة من المعهد اللي كنت تدرس فيه ،وقبول الجامعه الجديد اللي معك .

والله يوفقك أن شاء الله .

قوطي فاضي ماشية معك حلوة
لا تنسى بس ابو عبده تره يسلم عليك
ويقولك عن اللقافة الزايدة