ماهي تكاليف الدراسه في كندا حالياً خلال اربعه اشهر \ اتمنى الرد اخواني

الله يجزاك الجنه يارب


وسهل عليك في الدنيا

هلا بك عزيزي بيكهام ،، شوف وناخوك .

المعهد اللي عطيتك اسمه يقع في مقاطعة أونتاريو بالتحديد في ( تورنتو ) Toronto وهي مدينة كبيرة جدا ومن أكبر المدن في العالم من حيث تعدد الجاليات .

وبالنسبة للمعهد والله وناخوك هالسؤال صعب فأخاف انه يعجبني وتروح هناك ومايعجبك والعكس ،، فأبعطيك وجهة نظري الشخصية فيه ،،، بصراحة اشوفه متوسط يعني مو هذيك القوة ومو هذاك الضعف ، ولكنه من المعاهد المعترفة من الملحقية ،، وميزته اسعارهـ مناسبة بصراحة .

فأنت اذا تبي تستفيد صدقني راح تستفيد منه حتى لو كان المعهد ضعيف ،، فانا ملاحظ فيه مشكلة أنهم متراخين شوي مع الطلاب ، يعني تلاقي الطلاب متجمعين وقت الحصص واللي يسحب على الحصة وبعضهم يستهبلون وقت الحصص وانت تخبر أغلب المعاهد ماتقدر تقول شي لانها مستفيدهـ من فلوسهم ،،، لكن قبل كم اسبوع كنت اكلم زميل لي ويقولي ان المعهد شد مع الطلاب وخاصة السعوديين ، والله أعلم .

وبالنسبة للسعوديين فهم متواجدين بكثرة في أغلب معاهد كندا مو بس في هالمعهد ،، لكن لاتخلي هذا عائق بالنسبة لك مثل ماذكرت لك .

وبالنسبة للملحقية فهيا تقع في نفس المقاطعة يعني في مقاطعة اونتاريو وبالتحديد في مدينة ( أوتاو ) وتبعد عن تورنتو تقريبا 400 كيلو .

وأي سؤال يالغلا لاتتردد ولاتنحرج .

بالتوفيق