استفسار على الطاير اتمنى الكل يدخل ولا يبخل

تقدر تحول ماعندك مشكله

هلا اخوي للاسف ما تقدر تحول وشبه مستحيله انا اقولك من واقع تجربه
انصحك يا تدرس في ماليزيا او من البداية تروح دوله ثانيه
لانه من وقت ما يضمونك في البعثه خلاص تصير مربوط في هالجامعه وهالمكان
احسبها صح وقرر وربي يسر امورك

الاخ يقول بيدرس لغه

يقدر يجيب قبول جامعه في كندا ويبداء دراسة الجامعه بكندا النظام يسمح

اما لو انه درس جامعه بماليزيا ويبي ينقل صح انه صعب او مستحيل

انا اللي ابيه كندا
لكن خايف من تكاليفها وزي ما قلت لكم كل اللي معي 80 تقريبا والمكتب يقولي الجامعه تطلب 50 الف للقبول شامله السكن مع العائلة والوجبات وبيبقا لي 30 والخوف انهم ما يضموني للملحقيه
فا ياليت تفيدوني 80الف تكفي ولا لا
وشاكر لكم تواصلكم

وعليكم السلام ورحمة الله ، هلا بك يالغلا .

شوف وناخوك ، انا راح اكلمك كلام شخص مجرب ماليزيا ومجرب كندا والقرار الاول والاخير يرجع لك انت حبيبي .

أنا قراءت قبل فترة ليست بالبعيدة يمكن شهر او شهرين أن الابتعاث في ماليزيا وقفوهـ لانه تجاوز العدد المطلوب ،، كانو يبونه فقط 500 وتجاوز الـ 700 والله أعلم .

فاللي فهمته منك وناخوك أنك تبي تدرس اللغة في ماليزيا وثم تلتحق في جامعه وعقب مايلحقونك بالبعثة في ماليزيا تقدم تحويل لكندا ،،، لكن بصراحة هالطريقة اشوفها صعبة جدا الا اذا معك واسطة ، لانهم مقسمين الدول إلى فئات فمثلا اذا تبي تنقل من أمريكا إلى ماليزيا ممكن ينقلونك ،، لكن لو تبي العكس صعبة جدا والله أعلم .

فاذا تبي نصيحتي وتبي شوري لك وناخوك وبحكم انك خايف من الميزانية وخايف تضيع عليك ومايضمونك فانا انصحك بالتالي :

لمن تبي تنضم لكلية في كندا تحتاج تدرس في معهد تابع لها دراسة اكاديمية تؤهلك للدخول للكلية يعني أهتمامها بشكل كبير جدا على الرايتنق وهالمعاهد راح تكلفك بالشهر تقريبا 1000 $ ،،، غير السكن وغير مصروفك الشخصي ،، لان الرايتنق مهم جدا للي يبي يكمل دراسته الجامعية .

فانا لاحظت فيه معهد عالمي في ماليزيا اسمه ELS وله عدة فروع في ماليزيا ،، يهتمون بالرايتنق بشكل كبير جدا وسعرهم بالشهر 2200 ريال سعودي لست ساعات يوميا تقريبا ،، واذا تبي تدفع لهم حق اربع شهور راح يكلفك ( عشرة الالاف ريال ) مع التأمين والكتب ورسوم التسجيل .
وهذا رابطهم / ELS Language Centres, Malaysia: Learn English in Malaysia

فأنا انصحك تدرس في احد فروع هالمعهد وتضبط الرايتنق تبعك وتشد فيه وخذلك التوفل وعقب ماتأخذ التوفل قدم فيزا على كندا ،، وبكذا تكون طمرت شرط انهاء اللغة وتدخل مباشرة للكلية وانت وحضك ممكن يضمونك مباشرة للبعثة وممكن يقولون لك خلص الثلاثين ساعة للبكالريوس ،،، لكن بهالطريقة راح تكون وفرة كثير جدا بصراحة .

وحتى لو حسبناها من حيث الاسعار والسكن وغيرهـ ماليزيا لاتقارن بكندا ابد .

فهذا رأيي لك و نصيحتي لك ،، والقرار يرجع لك وأي سؤال ان شاء الله حاضرين .

بالتوفيق

بيض الله وجيهكم وما قصرتو
عز الله انكم ريحتوني والظاهر اني ابتبع طريقة اخوي قوطي فاضي والله انك مليان ما شاء الله عليك منت فاضي
الموهم انا ابشوف طريقتك
ولكن وش سالفة هالثلاثين ساعه للبكالريوس؟ وكم بتكون مدت دراستها يعني ؟

ارجو اني ما اكون طولتها عليكم ولكن تخبرون شي يعتمد عليه مستتقبلي ...

حياك الله يالغلا .

والله وناخوك الثلاثين ساعة تقريبا تاخذ عليك سمسترين والله أعلم .

بالتوفيق