استفسار اللي كان موظف في مصرف الراجحي وطلع للدراسة يدخل ضرووووري

June 4th, 2011, 09:08 PM

السلام عليكم


كيف حالكم ان شالله بخير ..؟


يمكن يكون موضوعي مخالف .. لكن انا ناوي استقيل واطلع اكمل دراستي بكندا

القبول اليوم جاني .. وناوي اجمع اوراق الفيزا وأقدم عليها

لكن السفارة يطلبون خطاب من جهة العمل ( اللي هي مصرف الراجحي ) يفيد باني موظف عندهم من تاريخ تعييني لتاريخ تقديمي لطلب الفيزا

وفيه خانه بالتعريف اللي هي ( الغرض من التعريف )

لازم تكتب للموارد البشرية شي .. لو كتبت لغرض الدراسة .. يقولون لازم تجيب موافقة من شبكة الفروع ( وهالموافقة تاخذ لها شهر او اكثر )
ولو كتبت لغرض السياحة .. بيصدرون لي التعريف .. لكن بيكون مكتوب باللغة الانجليزية ( لغرض السياحة )

انا خايف احط الخطاب وفيه كلمة ( السياحة ) .. وينشبون السفارة يقولون لازم يكون الغرض منه الدراسة .. ولا السفارة مايدققون بهالشي ؟

وسؤالي الثاني .. السفارة تشترط التعريف يكون من الموارد البشرية .؟ ولا عادي يكون من نفس الفرع وبالصيغة اللي ابيها ( بيكون على ورق رسمي وختم رسمي طبعاً )


أفيدوني تكفوووون


واسف اذا كان موضوعي مخالف ولا شي .. بس مالقيت الا هالمكان اكتب استفساري فيه .. والله يجزاكم خير ان شالله

• نشر عبر تويتر
• نشر عبر فيسبوك
• نشر عبر جوجل