رفض الفيزا للمره الثانية..هل باقي امل

والله ياوخيتي ليالي عمري شوفي :

أنا أوقات أنقهر مثلكم بسبب رفض السفارة الكندية لطلباتنا وعذرها وتصريفتها هي الهجرة ،، لكن يوم عشت هناك وتعرفت عليهم بشكل أقوى عذرتهم وفهمت سبب تخوفهم ،، فتخيلي مرهـ من المرات تعرفت على محامي كندي يقولي ان عندهـ حول الخمسين طلب هجرة ولجوء من شباب سعوديين ،، عند محامي واحد فقط فما بالك بالالاف المحاميين غيرهـ ،، فكثير من الطلاب الله يهديهم يخرب على اللي بعدهـ ويفكر بنفسه فقط .
يعني فيه طلاب يرفقون صكوك بيتهم ويرفقون ورقة ضمان عودة وكفالة ويرفقون اثباتات قوية انهم بيرجعون للسعودية وثمن يسحبون هناك ويقدمون لجوء على كندا واللي ياكلها المسكين اللي ناوي يقدم لكندا ،،لان السفارة راح تتحرص وتتعلم من الخانات والمخارج اللي سواها عليهم ونجح في اخذ الفيزا ،، ان شاء الله فهمتي مقصدي .

فما باليد حيلة سوى انكم تقدمون مره ثالثه وامركم على الله وان شاء الله تتيسر ،، لكن سبحان الله قولي في نفسك ما أبي الفيزا وراح تجيك ، السالفة عناد لووول .

بالنسبة لصك البيت اكيد لازم يكون مترجم ومختم من قبل المكتب .

وبالنسبة لضمان عودته وانك تبين تكتبين له ما اعتقد انه راح يفيد لانك بتكونين موجوده معه اساسا ،، فهم يبون شي قوي يضمن عودته وموجود بالسعودية ،،، يعني مثلا اذا الوالد الله يطول بعمرهـ معاه كشف حساب قوي ارسلوا لهم كشف حساب الوالد مع ورقة ضمان بعودته وان الوالد يتكفل بكامل مصاريفه الشخصية ويضمن عودته وانه يحتاجه بجانبه ليرعاهـ ويدير اعماله .
او اذا كنتم تعرفون صاحب الشركة خلوه يكتب في الورقة نفس الكلام اللي كاتبينه قبل بزيادة ان الشركة تضمن عودته حين انتهائه من الدراسة ،، ومايمنع انك تكتبين خطاب ايضا انك راح تتكفلين بمصاريفه وأنك تحتاجينه كمحرم لك وكمعين لانك اول مره تطلعين للخارج ،، وحطيها في مقدمة الظرف .

والله يوفقك ان شاء الله ويعينكم ولاتستسلمين ارسلو اي اوراق تثبت انه مو محتاج للهجرة هناك وانتظرو القدر .

بالتوفيق

امكن مو خير لك كل مره تقدمين وتخسرين وقت وفلوس وجهد
استخيري وحولي لامريكا

وعسى الله يوفقك ويفرج عليه

يعني امريكا حا تكون اسهل
وابدا من الصفر
التعقيد بكل مكان

الله المسهل

الله يعطيك العافيه اخوي
ويجزيك كل خير
ما قصرت والله كفيت ووفيت
ترجمت الصك الحين وارفقت خطاب تعهد من اخوي الكبيربضمان رجعة المرافق
الوالد الله يرحمه
وجبت خطاب من مؤسسه بتوظيفه وقت عودته ومزايا مغريه
وترجمت استماره سيارته
وورقه من العمده
مع افاده من عمله بوضعه الحالي
وكلها حا اوقعها من الغرفه التجاريه
مع برنت من الجوازات بالسفرات كلها

هل فيه مشكله ان ارسلت صور فقط وليس اصول؟؟

الحين لما يكون موشر بخطاب السفاره
purpose of visit
مع اني مرفقه خطاب المعهد بالقبول والفتره المسجله فيه
والفيزا من عنوانها فيزا طالب دراسه

طيب ليش يكون سبب من اسباب الرفض