للنقاش ايش اسباب تأخر الفيزا ؟؟ لتفاديها

وعليكم السلام ورحمة الله .

والله وناخوك اذا بغيت رأيي لاترسل لهم ولا تتعب نفسك ،، كندا ماهيب معتمدة علينا ولا على غيرنا بلد ضخم وقوي وتستقبل زوار وطلاب من جميع انحاء العالم فصدقني لو حتى طلعوا جميع الطلاب السعوديين اللي عندهم ماراح يحرك بشعرهم شي .
اذا تبي ترسل راسل وزارة الداخلية او الخاريجة ماهب السفارة الكندية لانها على بلاطة راح تقولك تبي تنتظر اهلا وسهلا ماتبي دربك خضر .

وبالنسبة لموضوعك ،، انا معاك طريقتهم سيئة جدا هنا ومايلتزمون بالنظام وحالتهم حالة ومشددين بشكل كبير لدرجة انه ليومك هذا ماعرفنا وش المطلوب عشان نمشي بالطريق الصحيح اللي يقولون عنه ،، فممكن تجيب لهم كافة الاوراق ويرفضون طلبك وممكن تجيب لهم اوراقك ناقصة ويمشونها لك ،، شلون وكيف الله اعلم والسالفة تعتمد على مزاج الموظف او شنو بالضبط ماتدري .

وبنفس الوقت اقولك لاتقسو على السفارة الكندية لان اللي شفته هناك فعلا شي يخوف ويحق للكنديين يخافون من هالشي ،، فالطلاب هناك بدو يقدمون على لجو وهجرة وغيرهـ بكثرة وهذا اللي ماتحبه كندا ،، تلاقي الواحد اذا انفصل من بعثته مباشرة قدم لجو ويصرفون له راتب ويساعدونه بالسكن والعلاج مجانا ويقعد عالة على كندا ،، او اذا جاك واحد ودراهمة على قد حالة وماضموه البعثة يسوي هالطريقة والخاسر الاكبر هم الكنديين ،،، فصاروا يشددون جدا جدا بموضوع السعودي والهجرة لكندا ،، حتى لو كان متزوج وعنده املاك وعنده فلوس وعنده اثباتات كافية انه بيرجع للسعودية صارو يخافون منه ،،، يعني تخيل انا بنفسي كنت عند محامي مره من المرات واخبرني ان معاه حول الخمسين سعودي مقدمين على لجوء وهذا وهو محامي واحد فقط فما بالك بالبقية ،،،
ولاتنسى ان بلد تعتبر ضعيفة نوعا ماء بالنسبة لعدد السكان مقارنة بأمريكا وبعض الدول لذلك لاتستبعد انهم يرفضون الطلبات لحاجة في انفسهم .

فالخلاصة والزبدة اذا تبي امورك تمشي ان شاء الله سنع نفسك بمسألة العودة للسعودية واترك الباقي على الله ،، اثبت لهم وعطهم اوراق وعطهم صور وعطهم اي شي راح يقنعهم انك راح ترجع للسعودية وماراح تقعد في كندا .

بالتوفيق

^ الله المستعآن ياخوي ,
وان على الهجره والخوف الله وبلدهم ,
حمايه بريطانيا لك في الهجره ومساعدتك اقوى من كندا وامريكآ ,,
ابن امه يحركك وآنت طالب لجوء إلى بريطانيا ,
الله المسعتآن ,,

يطولون الشغلة علينآ ,,,
your application is expected to be finalized 01 August 2011
هذآ اخر رساله رسلوها لي ,,

يعني كمان شهر طيب انتا كم لك مقدم

مقدم
6/15 وصلت عند السفاره بالضبط 6/18
والحين يقولون لي انتظر إلى يوم 8/1
اهى اهى
من مقدم انا لي 10 ايام لكن مبعدينها شهرين ليش؟
ماني برايح لوتجي الفيزا في رمضان , بصفطها وبحطها في الدرج إلى ان اخلص رمضان في السعودية وبعد العيد دايركت بمشي !
حتى حجز المعهد بلغيه وباخذ لي معهد ثاني

مراحب بالجميع

يسعد صباحكم

انا موضوعي مو تأخير الا رفض مرتين

ابيكم تساعدوني في موضوعي

http://www.mbt3th.us/vb/forum108/thread287826.html

^إن شاء الله ماراح يقصرون معك الاخوان ,!

استغفر الله العظيم من كل ذنب عظيم
يا اخوان وسعوا صدوركم شفيكم؟
ترى الامور ما تؤخذ بهذا الشكل... اللي يقول يرسل اميلات بكثره عشان يطفشهم واللي يقول يشتكي عن الامير سعود الفيصل!!! كل كلامكم يدل على انكم منغلقين على انفسكم ولا تعرفوا كيف الدنيا برى كيف ماشيه!!!
مشكلتنا ما تعلمنا على النظام من الصغر عشان كذا نعاني كثير مع البلدان المتطورة مثل كندا والسبب الاساس نبي نتعامل معاهم ويعاملونا مثل في السعودية..
وبعدين اللي يقول بيسافر بعد رمضان حتى لو جت الفيزا وهم كاتبين لك بتخلص الفيزا تاريخ واحد اوغست طيب ليش انت زعلاني ا عزيزي؟؟ ترى الصبر يصنع الرجال.
وصدقوني اللي خلاهم يتشددون مع السعودين بالذات هو التفكير بهذه الطريقة ( نشتكي , نرسل ايميلان نطفشهم ,, وهالكلام اللي مايقرى اي عاقل)
اخيرا سامحوني اذا كنت قاسي شوي في كلامي لكن يعلم الله اني ما قصدت ازعل احد قد ما بغيت ابين لكم حقيقه وواقع وهو النظام النظام النظام ثم النظام هو اللي يمشي في كندا وبس.

السلام عليكم
اخوي scorpionz السالفه ماهي عن النظام لو على النظام تهون بس كندا فيه تعقيد اول شي قبول الجامعه بعد شق الانفس يجي وبعدين انت رااح تجيب قبولات بسبب تأخيرهم تاجيل الدراسه والحجوزات واللي مبتعث لازم يروح للوزاره تعرف الضمان وقرار الابتعاث صلاحيته 3 شهور ........ اللخ
لو فيه مقابله افضل مثلا السفاره الامريكيه واحد من اصحابي رااح وسوى المقابله واعطوه ورقه فيه كلمة مرور قالوا له بعد اسبوعين تشيك على الموقع ولما شيك لقى مكتوب ارسل جوازك راح صاحبي لفديكس وارسل جوازه لسفاره الامريكيه
اقسم بالله بس 4 ايام الا وفديكس يدق عليه رااح ولقى الجواز وفيه الفيزا 5 سنين
السفاره الكنديه مع طول المده يمكن تجيك الفيزا يمكن رفض و لا بعضهم يدونه سنه والمشكله الاكبر الواحد يكون متحمس للبعثه والمعنويات مرتفعه مع التاخير يقل الحماس ويكرهونك في البعثه .
اخوي حبيت ابين لك علشان ماتلوم الاعضاء وتحياتي لك
اسال الله العلي القدير ان يوفقنا وياكم ويسهل علينا لاتنسى الدعاء لنا ولكم قولوا للاباء والامهات الدعاء ان شاء الله كل تاخيره فيها خيره

لاتوجد اسباب لتفاديها
السبب : تحجج مايبون يشتغلون مايعرفون يستخدمو النظام
انا انتظرت 3 شهور بعدين يجيني الرفض لانه توجد معاهد لغة انجليزية في السعودية ، طيب انا بروح ادرس ماستر يعني اكيد ماعندي الا قبول لغة قبول الجامعه ما اقدر احصل عليه الا لما روح واقابل الدكاتره هناك


لو نروح الامارات مثلا او قطر نقدر نحصل على الفيزا ، مالي خلق اكلم وترد علي هالبنانيه الي شايفة حالها

هلا بك يالغلا ،، وياليت تركز على كلامنا زين

اذا كنت عايش بكندا لفترة وشاهدت نظامهم وتقيدهم فيه ودقتهم داخل اراضيها راح تعرف ليه علامة الاستفهام الكبيرة في عقولنا .
يعني مثلا انت انسان يقولك اذا تبي وظيفة عندي لازم تكون عندك خبرة خمس سنين وأبشر بالوظيفة ،، وتجيب له خبرة عشر سنين ومع ذلك يرفض طلبك لأسباب غبية ،، فهالشي يجيب الغبنه حقيقة ،، خاصة لمن الواحد واثق من نفسه ومقدم لهم جميع الاوراق المطلوبة وفوق هذا وتقعد ثلاث شهور او اربع وبعدين يقولون له والله رفضنا طلبك لان فيه معاهد بالسعودية تدرس انجليزي ،، أو يقولك فيزتك راح تخلص اليوم الفلاني وتقعد شهرين عقب هالتاريخ وأنتظار وفي الاخير رفض ،، عجيب والله .

أنا معاهم بالنظام ومن حق اي بلد تتشرط ومن حق اي بلد ترفض فيزتك لكن مو بهالشكل وبهالاهمال ،، اذا عندهم عجز بالموظفين او بطئ بالشبكة او اي علة ثانية ياخوي نبيهم يكتبون في موقعهم الاجراءات راح تاخذ اربع شهور ثلاث شهور عشان الواحد يسنع امورهـ ويرتب نفسه ماهب كاتبين لي خمسة اسابيع ولعب على خلق الله .

البعض يقدم لهم الاعذار ويقول ليتك تشوف اجراءت الفيز للسعودية وانا راح اقوله نعم اجراءتنا زفت ولله الحمد لكن معقولة كندا الدوله العظمى العالمية الحلم اللي يعشقه الامريكان انفسهم فما بالكم بباقي الجنسيات تنحدر هالانحدار وتصير مثل السعودية في اصدار الفيزا ؟

علعموم يالاخوان قلناها وراح نقولها ،، من يقدم على الفيزا الكندية عليه ان لا يحجز تذكرة ولا يرتب شنطته ولا يسوي شي ابد لحد ماتجيه الفيزا ويمسكها بيدهـ .

علفكرة نحن نتحمل جزاء من المشكلة ايضا بسبب تصرفات عدة مئات من طلابنا في كندا والذي يتحمل عاقبته الالاف المقدمين للفيزا ،، ولكن هذا ليس بعذر كافي .

بالتوفيق والعذر والسموحة على الاطالة .