استفسار قرب موعد سفري ولدي كثير من الاستفسارات العجيبة :(

السلام عليكم

أحتاج للمساعدة لو سمحتم !!

أنا مبتعثة من المرحلة السادسة وان شاء الله مسافرة بعد أسبوع اذا جات الفيزا .. بسسس ..

عندي استفسارات كثيرة

وبنزلها كلها مرا وحدة هههههه عشان لو أي أحد يقدر يجاوب على اي شي منهم يجاوب

وبدعيله من صميم قلبي


الاستفسارات :

1- ينصحونا بالسفر قبل الدراسة بأسبوعين ولكن المكافأة ماتبدأ تنصرف الا بعد الدراسة وأكيد مافي تعويض للي تصرف قبل
طيب الي ظروفه سيئة زيي ... ينفع يسافر قبل الدراسة بيومين ولا ماتنصحوني ؟؟

2- كيف الآيفون والبلاك بيري والبرامج الي فيهم .. هل يمسحونها ويشددوا في البرامج ؟؟
يعني لازم أفرمتهم قبل السفر؟؟ (لأني سمعت انهم يحذفوا كل برنامج ما اندفع فيه فلوس الا لو دفعت عندهم)

3- أقدر أشيل (CD) أبغى أشيل كثير منهم وفيه ملفات وصور ولا غير مسموح ؟
وكذلك الـ (USB) أقدر أشيله ومخزن فيه ولا لا؟
وكمان اللاب توب لازم أمسح البرامج الي مجانا ولا ؟ وكمان بالنسبة لسي دي البرامج الي شاريتها أشيله ولا لا؟

4- هل الأجهزة الي معي وأبغى أشيلها لازم أشيل معهم فاتورة الشراء ولا مايحتاج؟
( أجهزة مثل الكاميرا والجوالات و ساعات التنبيه للآذان - الاستشوار - ماكينة حلاقة...الخ)

5- بالنسبة للطيران الداخلي في كندا : ممكن أعرف ايش تعقيداتهم لأني سمعت أن فيها تعقيدات كثيرة
(علما اني بسافر من تورنتو ل أوتاوا) ؟؟

6- أبغى أعرف أحسن مناطق للسكن في أواتاوا من حيث : المسجد (وكيف اعرف انه مهو شيعي ) - رخيص -
حوله محلات عربية - في حي مسلمين - قريب من مستشفى أو مستوصف ؟؟

7- بالنسبة للأجهزة الي هنا عندنا بفولت 220 وعرفت ان هناك الفولت 110 بس
ف كيف الواحد يتصرف ويشغلها هناك ؟؟؟ لأنه هنا صعب تلاقي أجهزة بفولت 110

8- دحين عشان أطلع شريحة أو عشان أفتح حساب في بنك يحتاجوا مني عنوان سكن وكذلك صندوق بريد وهوية ..
كيف أسوي صندوق البريد والهوية ؟؟ ولا تقدروا تفيدوني بأشياء ونصائح أحسن ؟؟

9- عندي توصيات من مكان عملي فهل تحتاج التوصيات ظرف مقفل ومختوم من مكان العمل ؟؟
والظرف لازم يكون من نفس المكان ولا الظروف البنية العادية؟

10- بالنسبة لجوال بلاك بيري الي شاريته من هنا السعودية
سمعت انه ماراح يشتغل عليه شريحة كندية وانه لازم أشتري بي بي جديد هل هذا صحيح؟


أدري بتقولوا ماخلت شي على قلبها دي ههههههه بس وربي أحسها أشياء مهم أعرفها ،،

وبعدين هذا من كثر القلق والتفكير

وشكـــرًا جزيلاً