كم جلست على حسابك الى ان تم ضمك للبعثة من المحلقية ؟.؟

موضوع جميل والكل يستفيد منه خاصه الطلاب الجدد او الي يفكر يروح لكندا

انا ماقدر افيدك بأي شي .. لين انا قريب بمشي

واغلب الي هنا يقلون من شهر الى ثلاثه شهور

والله العالم

ان شاء الله يقبلوني في اسرع وقت

الله يوفقك ويسهل امورك ويعجل قبولك

وكل الطلاب المبتعثين

انا سالت الملحقيه قالوا لو ان الاوراق كلها كامله بحدود 2 شهرين بالكثير

جزاك الله خير على الاضافه الطيبة

والله ييسر لكل مبتعث ويعجل الحاقه

يا الربع اتمنى التفاعل من الجميع

ترى كلها ضغطت زر ما ياخذ من وقتك الثمين دقيقة

اتمنى الكل يصوت لتطمين نفسية المبتعثين

والله انا لسه وان شاءالله يجيني الانظمام بسررعه بس اكثر الاخوان والاخوات الي راحو يقولون من شهر الى 3شهور

للرفع يا الربع

السلام عليكم
انا انشاء الله طالع كندا بعد اسبوعين تحديدا فانكوفر بس خايف يكون مقفلين الالحاق بالبعثه مدري ان كان في احد يقدر يساعدني ويرد في اسرع وقت

غامدي.. خلك من هالخرابيط كلها بلا استطلاع بلا بطيخ وخذ مني الي فيه خير لك . الوضع الي انت فيها مرينا فيه قبلك اذكر اني اول ماوصلت كندا قال لي رئيس النادي السعودي مافي ابتعاث الا اقل شي بعد ست اشهر ويمكن مافيه ابدااً .. وفيه ناس قالوا لهم الملحقيه ان باب الابتعاث تقفل وانتهي الموضوع ..لكن ربك فاتح بابه للدعاء
المهم انك اذا كنت في السعودية فكل ماعليك انك تقوم تصلي ركعتين بدون الفريضه وتستخير ثلاثا وتتوكل علي الله في اجراءاتك .
اما اذا انك وصلت كندا وقدمت علي الابتعاث فكل ماعليك هو انك اذا اصبحت تقول : " حسبي الله الذي لا اله الا هو عليه توكلت وهو رب العرش العظيم" تقولها اذا اصبحت سبع مرات واذا امسيت سبع مرات ... لان الرسول عليه الصلاة والسلام قال " من قال حين يصبح وحين يمسي حسبي الله الذي لا اله الا هو عليه توكلت وهو رب العرش العظيم, سبع مرات , كفااه الله ما اهمه ولو كان كـاذبـاً .
هذا الدعاء مجرب ولايُجرب علي الله شيء .
اهم شي انك تمشي بامورك وتسوي الي عليك وتقفل اذونك عن الطلاب الي ماوراهم الي البربره الفاضية .
اذكر قالوا لي من ثلاث لست اشهر اقل شي .. وجاتني في اسبوعين هههه .
بالتوفيق