معاهد لغه لصغار السن :/

اي معلومات لو سمحتوا

وعليكم السلام ورحمة الله ..
وأنتِ ومن تحبين بخير وعافية أختي..


ماحبيت اطلع هالمرة بدون رد لأني شايف انك محتاسه بهالموضوع من زمان
فقلت ممكن الأخوان خاصة العوائل منهم أكثر خبرة منا نحن العزاب


أختي هل السفارة ردت عليكم أن سبب رفض فيزة أختك لأن ماعندها قبول؟!


بإنتظار جوابك ..لأني مااتوقع القبول هو سبب الرفض,

وعليكم السلام ورحمه اخوي ،
وانت بخير وصحه و سلامه ي رب

إيه والله ي اخوي تعبت وللأسف ماحصلت حل

أنا بقولك الي صار بالتفصيل ، قدمت فيزا لاختي وأخوي وامي ، اخوي وفرة له قبول اما اختي عشان عمرها للأسف ما حصلت قلت اقدم يمكن
تضبط ، أمي وأخوي الحمدالله أنقبلو ، بس اختي الصغيرها جاها رفض والسبب عدم توفير قبول علما انها المره الثانيه الي اقدم لها وتنرفض ، المره الاولى السبب كان انه مافي سبب مقنع لدخول كندا والمره الثانيه ان القبول غير متوفر

حياك أختي ..

هو بالعادة الصغار يكونون بنفس نموذج العائلة ومايطلبون عليهم قبولات .. لكن في حالتك لأنك في نظرهم غير "مُعِيلة" لأختك.. بحكم وجود والديها

فالحل اللي اشوفه انك تثبتين لهم إنك أنتِ المعيل الشرعي لأختك .. وهذا يلزمها شيء من المحكمة يسمى "صك إعالة" ويعتبر وثيقة رسمية -بعد ترجمته- يوضح أنك أنتِ المتكفلة بمصاريف أختك
اذا قدرتي تطلعينه بتصير أختك بمثابة الإبنة وماراح يسألونك اذا فيه سبب مقنع لذهابها معك لإنها تصبح Dependent child

اذا استعصى عليك موضوع إستخراج صك الإعالة وشفتي انه تعقّد
في حالة أن الوالد حي ..فيه نقطة مذكورة بموقعهم لسفر الأطفال مع غير والديهم تسمى ِِAuthorization "تفويض"
في حالة ان الوالد حي يكتب ورقة مضمونها:
" أنك أنتِ المتكفلة بمصاريف أختك وأنه -يعني والدك- موافق على سفرها معك, وأنها سترافقك فقط خلال فترة إقامتك في كندا"
ويكتب في النهاية رقم جوازه ورقم جواله وعنوان العمل او المنزل .. وبعد ترجمتها يرفق معها صورة من جواز سفره وصورة من شهادة ميلاد أختك مترجمة

ولو تكتبين معها ورقة برقم جوازك أنك تتعهدين بخروج أختك معك من كندا فور إنتهاء فترة دراستك


اتمنى افدتك ولو بالقليل .. ولاتنسينا من دعواتك

جزاك الله الجنه اخوي ما قصرت والله ، للأسف اخوي ما اقدر اطلع أعاله لها ، والولد متوفي الله يرحمه ي رب ، في الاوراق الي قبل سويت الاعاله
باسم اخوي وانه هو المتكفل بالمصاريفً ، بس ما سويت تفويض باسم الوالده


اخوي ارجع مره ثانيه اشكرك ما قصرت ابد

طيب أختي لو تسوون تفويض للوالدة الله يحفظها
وتكتبون لهم بالخطاب ان والدتها هي المسؤولة عنها
وتقدمون لها بنفس أبلكيشن الوالدة -لأنه هذا اللي موضحينه ان الصغار بنفس النموذج-
وان أختك Dependent child مع الوالدة

اذا كان الوكيل الشرعي أخ ثاني غير المرافق لكم .. يتبع نفس الخطوات الأولى
يرفق نسخة من الوكالة مترجمة...وخطاب عدم ممانعته لسفر أختك


عالعموم أحاول اسأل شخص كندي لعله يفيدنا أكثر .. وإذا استجد جديد راح نبلغكم


الله ييسر لكم أموركم

جزاك خير اخوي وهذا الي راح اسويه الحين عشان ادعم ملفها اكثر ومايكون فيه سبب لرفض ان شاءالله ..

الوالده راح تروح لسفاره وتعلمهم والوضع يمكن يفيدونا ..

الله يوفقك ويرزقك من فضله الكثير

بالتوفيق ان شاء الله
للاسف انا ماعندي علم بالموضوع وماقصر الاخ مرمطة قبولات ياكندا

حل اخير وان شاء الله ماتحتاجين للشي هذا
ان الوالدة واختك يقدمون فيزا سياحية ويبقون معك فترة والاهم اخوك المرافق بيستمر معك
وبالتوفيق مره اخرى

الله يجزاك خير اخوي ، يكفيني ألدعوه الطيبه

إيه والله ما قصر الله يرزقه الجنه

الوالده انقلبت فيزتها ولله الحمد بس هو الإشكالية على اختي الصغيره

الله يسهل علينا ي رب ويفرجها قريب