استفسار احتاج اجابة بسيطة مرررة

بعد التحيه:
على حسب شروط الملحقيه المرافق يستطيع الانضمام للبعثه اذا اكمل ٧٥٪ من دراسه الجامعه ( مو دايم يطبقون الشروط ) يعني ممكن انك تنضم قبل ما تدرس كل ٧٥٪.
اما عن شهاده الثانويه الليله والله ماعندي خلفيه ياخوك وان شاء الله الاخوان يساعدوك.

بالتوفيق

هلا...
انا حاليااا في كنداا..ومراافقي يدرس اللغة << على حسااب الملحقية..

وراح يجيب له قبول جاامعي للالتحااق بالبعثة لو أمكن...

اذا لك رغبة في الدرااسة لا تضيع الفرصة واقبل بعثة زوجتك..

ولو سمح الله وما انضميت للبعثة ماراح تكون خسران زوجتك راح تدرس

وانت راح تدرس لغة + جامعة + اي معهد او تخصص ترغب به والتكاليف مدفوعة من قبل الملحقية ..

ومكافأة المرافق محسوبة مع المبتعثة... فأنت ماراح تكون خسرااان في كل الأحوااال.. لأنك لو فكرت

يوم تدرس على حساابك الخاااص راح يكلفك مبلغ وقدره.... وعشان تشوف الفرق اسأل المبتعثين على

حسااابهم الخاااص وشوف انك في نعمة ....

موووفق.. وعذراا للاطالة..

الله يوفقكم انشاء الله


ماقصرتوا بس كان استفساري فقط اني خريج ثانوية ليلية فهل يوافقون ع انظمامي للبعثة بعد مارتب اموري واطلع على حسابي وبعد ماجيب لهم قبول الجامعة ولا راح يرفضون لاني خريج ثانوي ليلي

بما انك مرافق ماراح يتشرطون عليك الملحقية واعتقد شرط اكمال ال75% من الساعات انلغى ,, اهم حاجة انك تجيب قبول جامعي بعد دراسة اللغة و مااتوقع الجامعات بتفرق معاهم كثير اذا كنت ليلي اهم شي النسبة ونسبتك ماشالله حلوة وسنة التخرج ؟؟
نصيحتي لك سافر وهذي فرصة وحدة بالعمر واقل حاجة بتستفيدها اللغة وصدقني بتنفعك كثيييير واذا على القبول الجامعي اذا رحت هناك بتلقى مين يساعدك ,, بالتوفيق

الله يجزاك خير ويوفقك يارب


سنة التخرج تقريبا من 4 سنوات ليش اهم وش شرطهم نورني الله ينور طريقك

مقبولة أن شاء الله
لكن بعض الجامعات لهم شروط معينة

المشكله لو نتصل لك علي الملحقيه مايردون علي التلفونات بدون موعد مسبق والموعد المسبق انك تدخل ملفك وترسل لمشرفك الدرسي تقوله اتصل علي مع شرح الاسباب الخاصه بدراستك والمشرف الدراسي ماعنده علم
وحتي لو عنده علم صرنا نفسي نفسي نخاف نفزع وناكل تبن
لكن الي ابغى اقوله لك ان مر علي ناس جايبين قبولات ومبتعثين ونسبهم ستين وواحد وستين ماتلعب معهم كوره بالعصر ومتخرجين من ايام كانوا الطلاب مثل ماجد الشبل شنب مثلث وثلاث ازره بالرقبه لكن ربي وفقهم وسهل امورهم
والشي الثاني شرط الملحقيه هو قبول جامعه معك قبول جامعه توكل ع الله مامعك قبول جامعه لو متخرج بعد صلاه الفجر ونسبتك ميه وخمسين .
والشي الثالث عندي واحد من اصدقائي القدامى مبتعث بس مو بكندا ولاحظ انه ماهو مرافق .. هذا متخرج ليلي من مدرسه اهليه واكبر من جدتي بسنتين الفرق بينهم السن الذهب .. وشفه مبتعث وعايش الرجال الله يتم عليه .
والشي الرابع انت مرافق يعني امورك سهاله وتبطح تدور قبولك براحتك وتستلم بيدك راتب وانت ماوراك الا التبطح ع الشواطيء ودراسه اللغه حتي منت مكلف وانت مرافق بساعات لغه زياده تاخذ لين اذان الظهر وتضرب الباب
يعني القصد انك تقدر تدور علي قبول جامعه وانت مروق ومعك فلوسك ترمي اوراقك بمكتب بكندا وهو يفر كندا يجيب لك قبول واذا جااب عطه فلوسه وقدم اوراقك واذا تعبان جب هالشخص نفسه يقدم لك وعطه فلوسه .
الشي الخامس اهلك لهم حق عليك طالما وانهم مجتهدين وعندهم طموح وطالما ان الفرصه متاحه وطالما انك ماخذ راتبك ماخذه وانت مرافق وانت مبتعث هذا بالاضافه الي راتب ابتعاث زوجتك هذا بالاضافه الي راتب كل طفل
بالاضافه الي ضمان طبي لك ولاهلك حتي لو تبغي مدرس خاص عطوك حقه .. صار يارجل مافي اي عذر لك انك ترفض الا لو انك علي راس وظيفه تسوى مثلاً وراتبك كويس ومرتاح فيها , فهنا الاستخاره حلك الوحيد.
واذا انت والله شايل هم الغربه او وضعك مع اهلك ترى كندا كنها قصر افراح كل مامشيت بشارع لقيت سعودي ماشي ومعه اهله . والعنصريه ماصادفتني للان مع اني رحت اكثر من مدينه بكندا , وفيه منهم بحجاب كامل وفيه بنص حجاب وفيه منهم بربع حجاب والخ وماحد ضايقهم .
حتي بمعاهد اللغه الاكاديميه التابعه للجامعه تصور انهم ممكن يغيرون طريقه درس او طريقه عرض شرح معين عشان فيه سعوديه معنا بالفصل حتي المدرسين فاهمين وضع السعوديين وخصوصاً السعوديات ويتجنبون احراجهم
حتي لو ماكان احترام منهم فاحيانا لان ملحقيتك تدفع مبالغ خياليه لهم بالملايين فماراح يضيعونها عشان يحرجونك
ناهيك عن ان الشعب مثل ماقلت لك مافيه هاذيك العنصريه لانهم اصلا مختلطين كلاً منهم جاي من بلد الي من اوربا والي من الهند والي من الصين يعني شعب مشكل من اجناس العالم يعني كلنا بالهوا سوا, حتي تعداد العرب والسعوديين بالاخص بالهكي لو تشغل هام السحب بالشارع صفوا معك .. بالاضافه الي مدن مثل فانكوفر وتورنتو خاصه تورنتو فيها تعداد مسلمين عالي تخيل ان فيه اكثر من ميه مسجد .
الشي السادس لاتسوي شي بحياتك بدون استخاره ابد لو تبي تضبط لحيتك رح استخير, خيرة الله دليلك بهالدنيا الي مايخونك .. والامر مايكلفك شي قرر الشي الي بتسويه وامشي في اجراءاتك اذا لك خير فيه مشي واذا مالك خير فيه انت لاشعورياً راح تنصرف عنه وهو بينصرف عنك .

بالتوفيق

الله يجزاك خير ويسهل امورك يالغالي هذي الاجابة الي انتظرها من سنة السبلة مادام فيه ناس من ايام ثلاث ازره واسنان الذهب ابجيب معي التاونكار حقي ايام عقارية الستين هههههههههههاي

الله يطيب خاطرك الفكرة كلها اني بصك على شغلي والحياة مغامرة ياتشطح ياتنطح

بس لو تشرح لي ساعات اللغة كم المطلوب وليش يشترطونها ومستواي الانقليشي مهوب بطال وع حد علمي انهم يقيموني اول ماروح للمعهد مو معقول بيبدون معي من الاي والبي والسي