ماخاب من استشار

اكيد التحقي بمعهد الجامعه لانه راح يأهلك افضل للايلس، لا توهقين نفسك بالمعاهد التجاريه لانك ما راح تحققي نتيجه بالايلس وتضيعين وقتك دعواتك

معهد الجامعه.. صحيح.. ب يضبطك على الاخرر.. ورايتنج وقرامر ولسنينق وريدينق. .بشكل ممتاز بتاخذينه عندهم.. والسبكينق عاد انتو ياشعبنا الكريم ماشاالله عليكم مايحتااج.

آبعدي عن المعآهد التجآريه

والله يااختي نصيحه لله روحي معهد الجامعه على الاقل تضمنين انج بتتعلمين وتضمنين القبول ومثل ماقالو الشباب ربي يعطيهم العافيه وربي يفتحها عليج

الله يوفقكم جميعًا إخواني
والله ماقصرتوا لكن المشكله انه أنا مبتعثه لي ٧ شهور يعني مده اللغه بتخلص
وخايفه اجيب قبول جامعه ويحطوني في المستويات الاولئ ووقت اللغه الباقي ماراح يكفي
ياريت تكملوا جميلكم معاي وتقولون لي
ايش الافضل حسب وضعي

اختي الله يسلمج مافي هلكلام الي تقولينه

انتي لما تقدمين على اي جامعه اول شي يسووه لج هوة اختبار تحديد المستوى وهم عندهم درجه محدده بهذا الاختبار لو جبتيها سيدا تدخلين الجامعه وتدرسين لو ماجبتيها تدخلين معهد لغه خاص بالجامعه

بما انج مخلصه 7 شهور لغه معناها انج جيده جدا باللغه ماشاء الله وامورج طيبه تعدين الاختبار مال لغه مال جامعه لاتحاتين توكلي على الله وقدمي

والجامعات الكنديه مايمهم اي شي حتى لو ماداخله اي معهد لغه المهم انهم عندهم امتحان تحديد مستوى

وبوضحلج الصورة اكثر عشان تفهمين

كل جامعه عندها امتحان تحديد مستوى والدرجات مال هذا الامتحان بتكون على حسب المستويات مال لغه بمعنى انج لو سويتي الاختبار ووصلتي لين المستوى 4 راح يدخلوج المعهد مال الجامعه عشان تدرسين المستوى الخامس ومعروف اغلب الجامعات الكنديه تدخليها لو عندج 5 مستويات وهكذا

انا حاس انج بتدخلين الاختبار وتعدينه لان 7 شهور بكندا مب قليل وربي يوفقك

اخوي فزعتكم الله يوفقك يارب
سؤال أخير للي يعرفوا اذا فكتوريا فيه جامعه تقبل قبول مشروط اولا

والله يلغاليه بالنسبه لي الي اعرفه ان جامعه فكتوريا من اقوى الجامعات على مستوى كندا يعني هي وبرتش كولومبيا نفس القوة وعلى مااظن نظامها مثل نظام برتش كولومبيا

وياربي الشباب يفيدوج اكثر وربي يوفقج

تسلم اخوي ماقصرت والله كفيت ووفيت
وانتظر من الاخوه الباقيين
الجواب اذا بفكتوريا جامعه تقبل قبول مشروط او لا