يامرافقين ويامبتعثين وش استفدتو من الابتعاث غير الدراسه ؟وش ناوي المرافق بعد اللغه

وعليكم السلام ورحمة الله وبركاته ..
أختي اذا انتي مبتعثة فأكيد راح تستفيدي الدراسة وشهادة من الخارج ولو حبيتي دوارات اضافية تدعم تخصصك
الأسااسي الملحقية ماترفض بالعكس..

واذا مرافقة ..نفس الأمر يحق لك الدراسة في أي معهد من المعاهد المعتمدة في أي تخصص ..أو أي درجة من
دبلوم الى أعلى ,,\

بالنسبة لي أنا مبتعثة ..صار لي 8 شهور في تورنتو ..وعن نفسي استفدت الدراسة ولغتي الانجليزية صارات أفضل
بكثير.. كنت مااقدر اتكلم بشكل جيد قبل ,وأحس ماااحد يفهم علي ..
لكن
الآن أتكلم وبطلاقة.. وكتابتي صارت جيدة ..غير الدراسة استفدت الاعتماد على النفس ..مافي مااما تطبخ لي لا باابا أكتب
أغراضي وتجيني لعندي..أطلع واشتري المقاضي بنفسي.. صرت واثقة من نفسي أكثر بسبب الاعتمااد..
صرت أقدر وقتي أكثر.. لاني من الصباح لين 3 ونص في الكلية يوميااا.. أرجع وأطبخ واذاكر واسوي واجباتي غير
الاختبارات اللي ماتنتهي << خااصة الأخت متزوجة وهو مرافقي... يعني مسؤليتين..دراسة وزواج..
طبعااا مع هالزحمة كلهااا .. التحقت بنادي رياضي نسائي ..<< مرتاحة فيه لانه بس نساااء فقط
أخذ راحتي أكثر ..في اللبس واخلع الحجاب...أثناء الريااضة..
في النادي أغير جو.. ريااضة ..بركة سباحة .حمام بخار ..سوناااا
وغرضي من النادي أبي أكون نشيطة ورياضية .. مو للتخسيس لكن فقدت وزن لاني يوميااا أروح..

أدري طولت عليك سواالف بس عشاان الليلة ويكند والأخت فااضية...ههههه

بالنسبه للفائده.. اي احد يجي كندا ب نسبه كبيره يستفيد هذا بوجه نظري..

بالنسبه لي شخصيآ كـ فائده.. استفدت من الناحيه المعنويه والنفسيه بصراحه..

واجواء جميله جدا.

ورأيت ناس كثيرره ومنها العجيب ومنها الغريب.. ومن المواقف اللي فعلا ادهشتني وصارت معي قبل فتره بسيطه.

كنت راجع من الجامعه. وذاك اليوم تاخرت بالرجعه لاني عندي ملخص لازم اخلصه عشان اقدر اقدمه بشكل جميل لليوم الثاني.

ف رجعت متاخر بهذا اليوم.

الا وانا بطريقي انتظر الباص. تصادفت انا وبنت كنديه..

وجيت وسالت عن الباص متى يجي ف اخبرتني بكل سعه صدر وروح حلوه وهذي عاده الكنديين بصراحه ماشاءالله فيهم هالطيبه والابتسامه

ومن ضمن الحوار يوم جا الباص وركبنا..

انو ماشاءالله هي في عمر 19. وتتتدرس معنا بالجامعه. تصرف على نفسها.. (( تشتغل في نفس الوقت وتتدرس)) وهي في هذي العممر.

ووالديها مايصررفون عليها. لانو عندهم خمسه اطفال.. ف يالله يصرفون ع الاطفال اللي عندهم..

ف صراحه شيء عجيب جدا بهذا العمر تعتمد على نفسها بشكل كليآ. وبنت مو ولد.. بصرااحه شيء اذهلني جدا. وصرت افكر بيني وبين نفسي كيف حنا..؟؟ نقول دراسه وتعبانين ومن هالكلام. ومرات نتذمرر..

وهي لا ليلها ليل ولا نهارها نهار.. تخلص دراسه من هنا. على طول للدوام من هنا. وهكذا حياتها. وفوق كذا سبحان الله.. ارى الابتسامه ماليها خدودها..

شوفو كيف نظررتها للحياه.. يعني صراحه استفيد من الغير بشكل كثير سوا من تجاربهم او الحديث عن حياتهم فهذا شيء يهمني بصراحه. وهالامر اللي نلقاه كل يوم..

واتمنى اني نقلت احد تجاربي بشكل بسيط.

ههههههه وماعاد ان هناك الكثير واكثير بس نكتفي ب مثال واحد.

وموضوع جميل..

وثانكس بسمه الم للمشاركه وثانكس حنان على الموضوع.. وثانكس للمشاركين الجديد ^_^

انا وش ابدا فيه اتكلم عن حياتي قبل ( مو مصدق اني ادرس بري ) انسان معروف عنه الفشل قبل البعثه( يتيم لا آب ولا ام ..يعني وين ماروح مافيه احد يسآل عني او ايش المستقبل او احد ينتظرني او يهاوشني)كان التفكير كله احصل وظيفه واجمع فلوس واتزوج بس وفي الوقت اللي كنت ادور فيه علي وظيفه (اصلا ماحصلت وظيفه ) كنت كداد يعني ( راعي مشاوير علي سيارتي اشيل ركاب ) كل يوم في مدينه في السعوديه وين ماحصلت رزقي سافرت ولا شريطي في المعارض اشتري وابيع في السيارات اي شي اشتغل فيه .....في يوم من الايام كان معي راكاب قال لي انوا يدرس بكندا وسوالف وانوا راح يساعدني وفعلا ماقصر ساعدني وسوا كل شي واللي كنت مجمعه في البنك دفعته من شان ادرس فيه ) وصلت كندا ماعرفت وش عندي جاي كنداا هههه ... شكلي بكتب قصه حياتي هنا بس طوليه وحزينه واكشن ومغامرات...لو اسوي فلم ياخذ المركز الاول .. وصلت كندا ولا ادري وش السالفه اتذكر اني نزلت من الطياره وانا نايم .......نزلت مطار فانكوفر اللي ماعرفت اقول فانكوفر ولا عرفت اكتبها ودي احفظ كلمه فانكوفر من شان اتفلسف علي الكداده بس كانت صعبه مرره علي هذيك الايام كنت اقول كندا وبس واجلس اكذب عليهم .......نازل من الطياره مدري وش عندي جاي كندا خلصت الجوازات وكل شي واطلع من المطار واشوف بنت رافعه اسمي بالانجليزي وتوصلني الي العايله وادخل انام ( لحد الحين مدري وش عندي في كندا وفي المدينه اللي ماعرف اسمها ) ولا فيه احد في السعوديه اتصل فيه واقول له انا مسافر ماآحد يدري انا موجود ولا مسافر مافرقت ( مريح الدماغ علي الاخير ) وبعد ماخلصت اللغه عرفت اني جاي ادرس جامعه وهذا انا تغير تفكيري و باقي لي انشا الله سنتين او سنتين وصيفي واتخرج ....... اللي استفدته ( تفكيررررررري صار غير وبس ) اما من سالفه اعمتاد علي النفس من ايام الابتداي وانا لوحدي مكافح ..بالتوفيق

هلا والله وغلا فيك يااختي حلوماشاء الله عليك قدرتي تستفيدين وحلوه فكره النادي دخلت مزاجي الصراحه بس
عطينا معلومات اكثر عن النادي هل هو علي حسابك ولا علي الملحقيه وكيف سجلتي انا اسال عشان زوجي هو المبتعث ودي يدخل نادي حتي انا
ودي بس عندي طفلين ما اتوقع اقدر ادخل ياليت حبيبتي تجاوبي وتكملي معروفك لان الموضوع للافاده وليس مجرد سوالف بس مايمنع ان الواحد
يعطينا تجاربه موفقه اختي لك احترامي ومودتي العميقه

اعجبني كلامك الصراحه هذا معناته انه احنا بنعمه كبيره يجينا راتب من الحكومه وعايشين بنعمه يعني تخيل زوجي جا كندا علي حسابه يوم التحق وضبطت الامور وبدا دارسه الجامعه وانا سجلت بالمعهد ولدي دخلته ديكير بعد هذا كله حاس بطفش وملل وزهق ويبي يرجع السعوديه يقول مليت والدراسه مره صعبه وحاس بضغط نفسي عجيب لانه اول مره يتغرب اصلا كلنا اول مره نتغرب بس ابن ادم
مايملا عينه شي ومايرضي باللي الله كاتبه والله ناس غريبه الله يصبرنا موفق اخوي احترامي لك

الصراحه انت انسان جدا طموح بس اقولك علي شغله ترى الاعتماد علي
النفس من يومك صغير والله من صالحك راح تحس في هذ ا شي بكره اذا تزوجت بس عندي ملاحضه انت تقول تفكيري صار غيررررررررر طيب
اتمني يكون للافضل انتبه يتغير تفكيرك للاسوء لان الانسان في بعض الاوقات مايدري يفكر صح او غلط واللي جالس يسويه صح ولا غلط والله
بعض الاحيان يحس انه بحاجه لاحد يوجهه بس عشان يرتاح الكلام والله ماينتهي موفق اخوي اتمني لك التوفيق وياليت الباقين يشاركونا ونسمع تجاربهم

والله انك اعجبتني .... ربي يوفقك وانا اخوك

الله يوفقك يا محب لدراسة ويوفق الجميع

هلا أختي..
بالنسبة للناادي التي تكلمت عنه في مشاركتي اسمه YMCA
اكتبي في قوقل كذا Ymca canada
عشان تشوفي أقرب فرع لك لانه عندهم فروع منتشرة في كل مكان ..
وكلهم رااقية ..أنا مداومة في فرع اللي على شارع ينق أقرب لي ..
بس تدخلي عالرابط شوفي أقرب حطي عنوان شقتك ويطلع لك اقرب فرع ..

بالنسبة للسعر 150 شهريا يوجد خصم للطلبة ..وخصم للعائلة ..
انتي تدفعيها مو الملحقية..
لكن اذا حابة وعجبك المكان تراها مو كثير المبلغ ..4 أدوار تستخدميهاا
مثل ماتحبين .. من الساعة 5 ص الى 11 الليل .اي وقت تروحي على راحتك..
في صالات رياضة مختلطة.. وقسم خاص نسائي .. واخر خاص رجالي..
عندنا في القسم النسائي.. حما بخار وسونااا وصالة رياضة ..وصالة راحة
وصالة للتلفاز والشاي والقهوة وبركة سبااحة..
مووفقة ...مع السلامة