تكفووووووون ضروووري ردوا علي قبل ما اتوهق

انا بفيدك بموضوع الوثيقة ومن تجربتي
انا وثيقتي من النوع القديم .. يعني بالعربي فقط ما في انجليزي
ومتخرج من كلية تابعة لجامعة ام القرى والان الكلية تابعة لجامعة الطائف ... انوااااع اللخبطة
وما كنت عارف وين اروح لأي جامعة اعدل الوثيقة
راجعت جامعة أم القرى وخلال ثلاث ايام اصدروا لي وثيقة وبرنت جديد ومترجم وسحبوا مني الوثيقة القديمة
راجع جامعتك واطلب منهم التعديل وبيعدلونها لك خلال ايام .. خصوصا ان الخطا واضح وقول لهم انا مبتعث وطلبوا مني تعديل الوثيقة

وعليكم السلام ورحمة الله وبركاته
أخي الكريم ناصر
أسأل الله لك التوفيق ، الحقيقة مثل ما تفضلت الجامعات الكندية دقيقة في تفحص أوراق الطالب بالتالي نصيحتي لك أذا كان من الممكن تعديل الوثيقة ليكون اسم الكلية كامل فهذا أفضل خصوصا وانت تبحث عن تخصص علمي والاسم الحالي في الترجمة لا يدل على ذلك ، ولكن المهم كذلك أن يذكر في الوثيقة انك حاصل على البكالوريوس في قسم علوم الحاسب.
بالنسبة لقبول معهد اللغة ما فيه مشكلة ان شاء الله ، تقدر انت تقدم على المعهد اللي يناسبك من خلال الموقع اليكتروني للمعهد وفي بتلاقي الاوراق المطلوبة.

نصيحة من أخوك حاول انك ما تطلع من السعودية إلا وعندك قبول الجامعة بإذن الله.

موفق ان شاء الله.

[MP3][/MP3]


مشكور اخوي بس حبيت اعرف اذا غيرت الوثيقه اخبر الوزاره بالشي ذا ولا لا لان الوزاره عندهم نسخه من الوثيقه اللي قدمنا فيها في بدايه التقديم للبعثات واذا اختلفت القديمه مع الجديده يسببون لي ازمه ومشاكل وانا ابي اخلص قبل الملتقى ؟ والشغله الثانيه حقت القبول في المعهد والجامعة المعهد اللي ان شاء الله راح اقدم عليه فيه جامعه وفيه نفس القسم علوم الحاسب في فانكوفر بس اخاف اقدم الحين على القبول ما يجي الا بعد اسبوعين او ثلاثه وبتكوون الوزاره دبرت لي قبول !

مشكوور اخوي لاكن انا الجامعة تغيرت الحين من جامعة الخرج الى جامعة الامير سلمان بن عبدالعزيز والجامعه ان شاء الله ماراح تقصر معي بتعدلها لي بس المشكله هل اخبر الوزاره بالخطا اللي اكتشفته ولا اعديها واكمل على الوثيقه الاولى لان اول ما قدمت على الابتعاث عندهم صوره من الوثيقه الحاليه قبل ما اعدل!

فائدة الوثيقة الحالية لك بالنسبة للوزارة انتهت
ألا وهي انه تم قبولك في الابتعاث
عدل الوثيقة ولا تخبر الوزارة ولا لك بوجع الراس
وقدم بالوثيقة الجديدة على الجامعات
وبعدين ما فيها ولا خوف ولا شيء الجامعة عدلت الوثيقة مثل اي شخص فقد وثيقته واستخرج بدل فاقد
طيب انا موظف من عشر سنوات وقدمت بالوثيقة القديمة على الوظيفة وبعد عشر سنوات عدلتها ... مو لازم اخبر جهة عملي

مثل ماقال الأخ m&s لا تبلغ الوزارة لان التعديل بسيط وبالاسم فقط.
غالبا قبول معاهد اللغة ما يطول ، يعني ما أعتقد ياخذ اكثر من أسبوع وممكن خلال يومين.

شباب وبنات ابشركم رحت جامعهة الخرج وغيرت الوثيقه ورحت الوزاره الساعه 4 العصر لانهم يداومون الساعه 4 الى 6 وعلمتهم مشكلتي وقالوا لا تخاف ولا شي هذا روتين عادي لان الوثيقه الجديده اذا عدلتها تطلبه الجامعه اللي بتاخذ منها قبول جامعي بعدين بس خذا صور من الوثيقه الجديده وعمل تحديث لبياناتي على حسابي وسالني اذا تعرفون اسم المعهد اللي تبونه علشان اشوف هو مصرح له ولا لا واعطيكم الضمان المالي الحين فقلت لا والله مو معي فقالي ارسل اسم المعهد واسمك ودوله الابتعاث على ايميلنا وحنا على طول اذا المعهد مصرح له بنرسلك الضمان المالي على ايميلك او حسابك وقالي انهم خلصوا للحين حوالي 1200 ضمان مالي فانا جبت اسم المعهد وراح اروح لهم بكره ان شاء الله الساعه 4 اسم المعهد كامبريدج في جامعه ريجينا بولايه فانكوفر احد سمع فيه ولا شي يفيدننا يا اخوان ؟ وبالنسبه لاوراق معهد كامبريدج وين احصلها علشان اعبي نموذج وارسله مع الضمان المالي وصوره من الجواز؟ وقالي اذا جبت القبول على طول نحولك على السفاره وتاخذ التاشيره وتعبي اجراءاتها واذا جبت الفيزه اصدرنا قرار الابتعاث وتذاكر السفر وتقلعون الله يوفق الجميع