استفسار بخصوص الفيزا الكندية ضرووووري

معليش عندي اضافة : علما انا عندي خطاب تعريف بالراتب من الوالد و كشف حساب من الوالد يعني كاني بطلع على حساب الواد.
و اذا ما قلتلهم اني موظف هل يقدرو يشوفو عندهم اني موظف ولا لا ( طبعا انا موظف قطاع خاص ) .
وشكررررررررررا

وعليكم السلام

اذا صار لك اكثر من سنتيين خارج التعليم يجب ان تقدم سيرة ذاتية عن الذي فعلته منذ تخرجك من الثانوية ومدعومة بالوثائق مثل خطاب تعريف بالعمل
لا ماراح يعرفون انك موظف بس اكيد من اورقاط راح يعرفون انك متخرج من 3 سنوات وماكملت الاوراق

اشكرك على التفاعل معي

طيب يعني اذا كنت عاطل 3 سنين ما يعطوني فيزا ، علما انا درست في جامعة عزوز ترم واحد و سحبت ملفي و ختمو على شهادتي الثانوية اني سحبت ملفي ، و بعدها طلعت الهند و درست 3 اشهر بس و ما عندي اثبات الا التاشيرة الي في الجواز ،
يعني اتوكل و اقدم بدون ما اجيب خطاب العمل .

تحياتي

المفروض تكون صريح معهم ولا ماراح يرفضوك لانك عاطل بس راح يرفضوك بسبب الكذب
لان في سؤوال في الاستمارة عن الدول الي زرتها هل كتبت الهند ولا ما كتبت؟؟
تقلهم انك تشتغل او لا هذا شي راجع لك المطلوب منك سيرة ذاتية او توضيح عن نشاطاتك في السنوات الثلاثة
والشي الثاني ان شهادتك مختومة من الجامعة وماجبت سيرة عن الجامعة في الاستمارة

الله يسلمك

انا ما ابغا اكتب موظف لسببين : 1- انو خايف يقولو جيب اجازة حقت الدراسة او ورقة الاستقالة و انا ما ابغا اقدم استقالة الا بعد ما تطلع الفيزا . 2- خطاب العمل يبغاله فترة عشان اجيبه و لو قلتلهم بالانجليزي بيقولو ليش و بيعقدوها ( الشركة خايسة )

بخصوص الدول الي زرتها : انا بقدم عن طريق الفيفا و باقول له يسويها .
بخصوص جامعة عزوز : لازم اجيب لهم خطاب اني سحبت ملفي ؟ هما ختمو على الشهادة و كتب بخط يده اني سحبت ملفي و التاريخ


تحياتي يا اخي العزيز

اول مرة اسمع عن جامعة تختم على الشهادات وتشوهها
الوظيفة مافي شي يثبت انك تشتغل بس الجامعة لازم تجيب كشف درجات لان الجامعة خاتمة على الشهادة الي راح ترسها للسفارة
والسفارة اذا اورقاك معك وفي شخص راح يدعمك ماليا ماههما نوع الشركة الي تشتغل فيها بس اهم شي ماتكذب او تخفي حقائق عنهم خاصة اذا راح ترسل لهم اوراق تثبت اشياء ما ذكرتها في الاستمارة

الله يعطيك العافية و ماقصرت ،
انا بجيب لهم كشف الدرجات من عزوز و بروح اقدم و الله يكتب الي فيه الخير

شكرا لك اخي العزيز

وعليكم السلام ورحمة الله وبركاته ،، هلا بك يالغالي .

شوف وناخوك اذا تبي نصيحتي حاول تثبت لهم أنك كنت موظف أو تعمل باي شكل من الاشكال من لحظة تخرجك من الثانوية لحد يومنا هذا ،، لأنهم لو شافوا عندك شهر او شهرين قاعد فيها فاضي ممكن يعقدون امورك ،، فأنا انصحك تجيب ورقة من الشركة اللي تعمل لديها بأنك موظف لديهم من لحظة تخرجك من الثانوية لحد يومنا هذا وأنت على راس العمل .

بالنسبة لاستفسارك الاول ،، بالعكس لاتقدم استقالتك ابد ،، لانهم يبونك تثبت لهم انك فعلا اذا رحت تدرس في كندا راح ترجع وماراح تقدم لجوء وغيرهـ ،، أكثر شي يخوفهم هو انك تروح هناك وماترجع ،، وكثير طلبات تم رفضها بسبب هالشي ،، فحاول تستغل ورقة الوظيفة زين وأنك مرتاح فيها وأنك ماتفكر تتركها ،، وأنك على رأس العمل لحظة تقديم الطلب .

بالنسبة للاستفسار الثاني عن الخطاب من الشركة ،، مافيه تعقيد يالغالي بأمكانك تجيب الورقة من الشركة بالعربي وتروح اقرب مكتب ترجمة معتمد وتترجمه للانجليزي وثمن ارجع لشركتك عشان يختمون عليه للتأكيد .

وبالنسبة لجامعة عزوز اذا بأمكانك تجيب خطاب من العمل انك موظف لديهم من لحظة تخرجك من الثانوية لحد يومنا هذا فما أشوف له داعي تذكر لهم انك كنت في جامعه اساسا لمدة نصف ترم .

لكن فقط ودي انك تراسل وزارة التعليم العالي أو تروح لمهم اذا كنت بالرياض وتسألهم عن قضية سحبك لملفك ،، هل راح تاثر في طلب الالحاق في البعثة اذا رحت لكندا ان شاء الله ام لاتوجد هناك مشاكل .


بالتوفيق