مساعدة بخصوص فتح ملف دارس على حسابه

اول شي اخوي التعهدات تطبعها وتعبيها بيدك بعدين اذا خلصت تسوي لها سكان وترسلها لهم بسيطه جدا ولا يبيلها شي انت لا تشيل هم ولا شي بتتسهل اهم شي اطبعها وعبيها من الحين وكل اوراقك سو لها سكنر وضبط امورك من الحين واول ما توصل افتح الملف وبالتوفيق

طيب أخوي بس بعضها لازم أعبيها إذا وصلت لأنها تتعلق بالفيزا وموعد الوصل ورقم التواصل الكندي إلخ ..

وعليكم السلام ورحمة اله وبركاته ،، هلا بك

يالغالي عين من الله خير ولا تشيل هم ابد ،، بتلقاء طلاب سعوديين بالهبل هناك وبتعبيها وبترسلها بأسهل مما تتوقع ،، لان الدعوة بسيطة اساسا ،، والاوراق اللي تحتاج انك تطبعها ثمن تعبيها بيدك ثمن تسوي لها سكان امرها بسيط ايضا ،، ياكثر محلات الانترنت هناك ،، تدخل عنده وتطبع الورقة او التعهد اللي تبيه ،، وتعبيه وتخلص امورك ، ثمن تطلب منه يسوي لها سكان على صيغة PDF ،، وانتهت السالفة .

وهذا الرابط راح يساعدك أن شاء الله :
Saudi Cultural Bureau in Canada-- الملحقية الثقافية السعودية في كندا


فلا تشيل هم ابد وامورك سهالة ،، وبالتوفيق

الله يعطيك العافية وماقصرت بس ممكن تقولي وش أسوي في بعض الخانات مثلا يطلب مني الجامعة والساعات اللي انهيتها إلخ ... وأنا مادخلت الجامعة أساسا وبدخل المعهد في البداية
ومشكور

أنا سويت سكان للأشياء المطلوبة مثل قبول المعهد والجواز وغيرها وبروح هناك وبعبي الاوراق إذا وصلت عشان إذا فيه أحد يساعدني وعشان بعض الطلبات مثل رقم كندي

يعطيك العافية

يا جماعة أيش هو تصريح الدراسة ؟

هلا بك يالغالي .

دامك مادخلت الجامعه ليه تعبي الخانة ؟؟؟ خلاص اتركها فاضية يالغالي .

أنت سوي سكان لجميع الاوراق اللي معك ،، الجواز وقبول المعهد وقبول الجامعه والبطاقة وكل شي ،، سوي سكان لاي شي تشوف انك ممكن تحتاجه وحطه في فلاش خارجي ،، واذا وصلت هناك صدقني الامور سهالة ،، الرقم راح تطلعه خلال يوم والاوراق راح ترسلها خلال ساعات ،، اهم شي لاتربش نفسك ولا تستعجل ،، والتأني من الرحمن ،، واذا بغيت ترفع اوراقك للملحقية مو شرط ترفعها كلها كاملة مره وحدة ،، بامكانك ترفع المتوفر لديك ،، ومتى ماتوفرت النواقص ارفعها لو عقب اسبوع .

بالنسبة للاستدي بيرمت لو فريت المنتدى راح تلاقي اجابات عليه ،، هو تصريح دراسة يعطونك اياه في المطار الكندي ان كانت فيزتك دراسية .

بالتوفيق

الف شكر بصراحة ماطمني مثلك
أتمنى لك التوفيق والله يعطيك العافية

ليت نتواصل -
----------------