السيارة هل هي ضرورة ام يمكن الاستغناء عنها بكندا؟ ماهي الاجراءات لامتلاكها؟

اخوي شيء بديهي اي شخص يدخل أي مدينه
لابد يجلس فيها فتره علشان يعرف الشوارع يعرف الاماكن
ويعرف القوانين وغيرها من هالامور

ف من وجهة نظري ماراح تستخدم السياره بالبدايه
وان شاء الله احد يفيدك على الاستفسارات
بس حد علمي بخصوص الرخصه لازم تجيب معاك رخصتك السعوديه
وعاد الانظمه والتامين وهالاشياء تعتمد على المقاطعه اللي انت فيها

 المشاركة الأصلية كتبت بواسطة اديب - |

السلام عليكم

اخواني الله يعطيكم العافية ماستغني عن رايكم ومشورتكم

انا جاي باذن الله بعد شهر مع عائلتي لفانكوفر وفي حيرة من ناحية السيارة للعائلة

هل برايكم تكفي الباصات وغيرها من المواصلات العامة ومافيها مشكلة او ازعاج ام احسب حساب السيارة افضل واريح؟

وايش المطلوب والاجراءات لامتلاك سيارة من تامين او ضرائب ؟

شكرا لكم

عليكم السلام .. أخي الكريم .. شبكة المواصلات في فانكوفر تغنيك تماماً عن السيارة بالذات لو بتسكن في الداون تاون، المدينة مغطية بشكل كامل بباصات و قطارات. و لكن ما يمنع انك تشتري سيارة بالذات لو حاب تتمشى و تزور مختلف المدن بولاية برتش كولومبيا او كندا او حتى الذهاب لأمريكا.

اجراء نقل الملكية بسيطة جداً .. فوق ما تتخيل .. حتى ما يحتاج يكون عندك رخصة من الاساس " اشتريت سيارتي بدون ما يكون عندي رخصة سعودية او دولية او كندية ". عملية نقل الملكية ٢٠ دقيقة بالضبط، كل اللي يطلبونه منك انك تجيب اثباتين " جواز سفرك + رخصتك او BC ID " ،، التأمين العادي يكلفك ٤٥٠ دولار كل ٣ أشهر .. و لو تقدر تجيب برنت من المرور موضح فيه عدد السنوات من بداية اصدارك للرخصة و تترجمه، راح يرخص من قيمة التأمين بشكل كبير.

تحياتي

^
هذا الرد الوافي
الله يوفقك وييسر امرك شكرا لك

من وجهة نظري لا تحتاج للسيارة خصوصا إذا بتسكن في المدن الكبيرة
تورنتو - مونتريال - اوتاوا - فانكوفر
المواصلات العامة تكفيك
وتستطيع توفير مبلغ السيارة ومصاريفها (لتر البنزين = 1.25$ = 4.5 ريال)
غير إنك بتدفع رسوم موقف بكل شارع أو مكان وتقريبا في تورنتو متوسط ما يدفعه الفرد على المواقف سنويا 4000$

كل هالمصاريف تستطيع توفيرها
والسفر بما توفره لزيارة مدن أخرى باستخدام الطيران الإقتصادي أو الباصات للمدن القريبة
ومن ترتيب الشوارع والأرصفة وجمال المدن ستجد نفسك أحياناً تفضل المشي على الرصيف

بالتوفيق

الله يوفقك افتدني

شكرا لك

البرنت فايدتة انه يرخص تكاليف التأمين و لو رحت الأن المرور ممكن ما يطلعولك أياه. الان ببساطه تقدر تطلعه من " دله" عند مكان تجديد و اصدار الرخص.

و لو ترجمة البرنت في اي مكتب معتمد للترجمة يكون أفضل. أو انك راح تترجمها في كندا.


و في البداية راح يمديك تعتمد على النقل العام بس راح تتمتع بوجودك في فانكوفر أكثر لو عندك سيارة.

أهم شي يكون موقع السكن مناسق و قريب من النقل العام و 100 100 لو قريب من السكاي ترين ( القطار ) و يمديك تعرف مدى بعد و قرب البيت من المعهد او الجامعة و من منطقة الداون تاون عن طريق استقدام قوقل ماب. من عند get direction و تحط عنوان الانطلاق و عنوان الوجهة و تختار ( النقل العام ) و راح يعطيك حتى الوقت الي راح تحتاجه

يا رجال انا في مدينه صغيرة واروح واجي با الباصات
ومرتاح فما بالك لو انك في تورنتو او فانكوفر
السيارات خساير وتامين شهريا
اذا تبي نص المكافئة او اكثر تروح اشتري سيارة
با التوفيق

 المشاركة الأصلية كتبت بواسطة moo77dy

يا رجال انا في مدينه صغيرة واروح واجي با الباصات
ومرتاح فما بالك لو انك في تورنتو او فانكوفر
السيارات خساير وتامين شهريا
اذا تبي نص المكافئة او اكثر تروح اشتري سيارة
با التوفيق

يعتمد على مشوايرك .. أنا عندي سيارة ٨ سلندر، و أوفر كل شهر ما يفوق الـ ١٠٠٠ دولار .. و السيارة اخليها للجامعة أو اذا في تمشية خارج فانكوفر .. اما بقية مشاويري بالباص .. تحياتي

اشكركم على ردودكم

وصحيح كلامكم انه ممكن اوفر بدون السيارة وماتفرق كثير بس هذا الكلام للعزوبي

اما الي مثل حالتي متزوج ومعه عائله ووممكن احتاج السيارة لان احتمال المعهد بمكان والحضانه بمكان اخر وفيه اوقات محددة للدخول والخروج
ففكرت بالسيارة من هالناحية صحيح ممكن تزيد الصرفيه بس بس اكون مرتاح