مهم للي يفكر بجامعه وندسور

December 23rd, 2007, 12:56 AM

كنت في يوم من الأيام مشروع مبتعث .. والحلم تحقق وصرت مبتعث..
وانا ادرس في جامعه وندسور .. والتي بحول الله سأنتقل منها قريبا جدا ..

جامعه وندسور .. في أقل ترتيب الجامعات الكنديه .. تدريس اللغه من أسوأ مايكون .. لعده أسباب .

1- عدد ساعات الدراسه اليوميه لاتكفي لطالب دارس للغه .. وهي 3 ساعات.
2- توزيع الطلاب بالفصول سئ جدا .. كأنك في مدرسه حكوميه .. فصلي كان فيه 8 سعوديين و11 صيني .. ونادرا ماتجد غير هذي الجنسيتين لدراسه اللغه في هذه الجامعه .
3- عدم كفاءه المدرسيين والذين اغلبهم يدرسون بالمعهد كوظيفه إظافيه .. وهم بالأصل مدرسيين للروضه والإبتدائي.
4- نظام الدراسه غريب حيث ان كل المناهج تأخذها بفصل واحد مدته 3 ساعات وهو عدد الساعات اليوميه للدراسه .. يعني قواعد مع القراءه مع الكتابه مع التحدث في محاظره وحده .. والطالب اللي جاي ولا يعرف شي بالانجليزي يتلخبط .. لانه ماراح يعرف وش يبوون بالضبط ..
5-بما أنك طالب سعودي وخاصه المبتعث .. فهم يستغلون هذا الشي .. لانك شيك مصدق ومضمون الصرف.. على شان كذا يحاولون يرسبونك بكل مايقدرون .. والدليل ان الطالب على حسابه الخاص .. يدفع رسوم 2500 دولار للترم.. والطالب المبتعث يأخذون عليه 4000 دولار للترم .. يعني سرقه عينك عينك ..



وهناك أشياء أخرى أود أن أضيفها وهي ان مكتب معروف واغلب الطلاب بالرياض يأتون عن طريقه والذي يقول ان لهم مكتب بالجامعه .. فهو كاااااذب وقد رأيته واقسم بالله اني رأيته شخصيا وهو يدخل على مكتب الاكاديمي .. ولما قابلناه وكلمناه .. قال انه يأتي لكي يتطمن على احوال الطلاب اللذين اذو القبول من مكتبهم .. وانا بصراحه صدقت .. قلت والله صار عندنا مكاتب يشتغلون بذمه .. ولكن احد الاصدقاء لديه معرفه مع شخص له منصب بالجامعه قال انه استغرب من هذ الشخص اللذي جاء ليأخذ حصته عن كل طالب ابتعث عن طريق المكتب .. وانا ماحط بذمتي شي ..فالدكتور ح كان كلامه زي العسل .. ولكن ارجو من الطلاب اللذين يفكرون ان بأن يأتو الى هذه الجامعه ان يعيدو النظر .. وانا اقول هذا الكلام واللي يبي يضرب به عرض الحائط .. انا متأكد بعد ترم واحد في الجامعه سيبحث عن هذا الموضوع .. ويرد عليه .. بالندم ..

لكم مني كل التحيه ..

مبتعث أكتمل بناءه ..

• نشر عبر تويتر
• نشر عبر فيسبوك
• نشر عبر جوجل