دراسة الهندسة المعمارية في كندا

امممممممممم

انا الموضوع شدني من العنوان ( و اكيد عرفت السبب )

و اعذرني ما عندي اي خبر عن التحويل للبعثة !!

بس ليش اخترت الهندسة المعمارية بالذات ؟

و بالنسبة للجامعات المفروض انك تدخل على موقع الوزاره اول و تشوف الجامعات الموصى بها و على اساس القسم و البلد تشوف الجامعات كلها و تختار احسن الجامعات !!

اما على المصاريف كمان المفروض تشوفها من الجامعه الي راح تختارها من قائمة الجامعات من الوزارة و تقرا في فقرة المصاريف

لكن عندي سؤال لك مدام انك مهتم لدراسة الهندسة المعمارية !!.. ان شاءالله من بعد ما تتخرج و تكون ناوي تكمل الماجستير .. ايش راح تختار ؟ ( طبعا ما سالت هذا السؤال الا لاني محتار في تخصص الماجستير )

و احب اعطيك معلومة بسيطة لانك قايل لمن ترجع راح تشتغل في السعودية !!.. صدقني راح تتعب الين ما تحصل عمل في هذا المجال و ممكن لو اقولك مستحيلة !!.. لكن برضو الامل في ربنا كبير ..

و في الاخير ان شاءالله تتيسر امورك في التحويل للبعثة و يوفقك ..

بالفعل هذا الكلام ,,

الهندسة المعمارية مالها أي مستقبل مع الاسف

مستقبلها الوحيد انك تعمل معيد في الجامعة للحصول ع الماستر ,, وبعدها مدري هل في وضيفة أو لا

الأخوان الأعزاء (ميني مان - دوندي - الغامدي)،،،
أنا مهندس معماري .. متخرج من جامعة الملك سعود ...
كنت أملء وقت فراغي في إجازة الصيف بالتدريب
تدربت لدى شركة بن لادن في جدة في قسم المشاريع المستعجلة R.B.D وحسب ما أذكر لم يكن لديهم سوى مهندس سعودي واحد فقط كما أن أحد أقاربي تخرج منذ 3 سنوات من قسم تصاميم البيئة من جامعة الملك عبدالعزيز وهو الآن يعمل في شركة بن لادن في المقر الرئيسي.
كما تدربت لدى شركة زهير فايز ومشاركوه في جدة ولم يكن لديهم أيضاً سوى مهندس سعودي واحد في قسم التصاميم وهو متخرج من جامعة الملك سعود أما بعد استقالة مدير قسم التصاميم فتم احضار مهندس سعودي آخر.
كما تدربت في اللجنة التنفيذية لتطوير المنطقة المركزية في المدينة المنورة والتي كانت تتبع لإمانة المدينة المنورة وأصبحت تتبع اللجنة التنفيذية لتطوير الحرمين (مكة المكرمة والمدينة المنورة) وكانت تعج بالمهندسين السعوديين
هذا بالاضافة إلى العمل في أمانة الرياض وعملي في مكتب هندسي وأخيرا العمل في إدارة المشاريع بجامعة طيبة بالمدينة.

العمل موجود بكل مكان من الأمانات والبلديات المختلفة ...
إلى ادارة المشاريع أو الكليات بالجامعات أو حتى بالأقسام الهندسية بالدوائر الحكومية
بالاضافة لى المكاتب الهندسية والمقاولات أو الشركات الخاصة الموجودة والمشهورة ...
كما يمكنك أن تبدأ مشروعك الخاص بافتتاح مكتب هندسي...
العمل موجود ولكن لمن يبحث عنه ... يعتمد عليك وعلى مهارتك وقدراتك

AMR14

اخوي AMR14

مشكور جدا على ردك الجوهري و الي راح يخلينا ندخل في اساسيات موضوع العمل لمجال الهندسة المعمارية ...

لكن خليني ابدا معاك خطوة خطوة في تصريحك لاغلب الشركات ...

اول ما اتخرجت اشتغلت في شركة بن لادن للمشاريع المستعجلة بجدة في قسم التصميم الداخلي .. و بصراحة كان عمل ممتع لاني احب الديكور و الالوان .. لكن المشكلة في الراتب مع تاخير موعد نزول الراتب ( 4 الاف اساسي .. 5300 المجموع مع البدلات ) و تاخير من شهرين الى 3 شهور !!..

زهير فايز قدمت عليهم لكن اشترطو بخبرة 5 سنين على الاقل !!..

المكاتب الهندسية صعب انك تبدا مشروعك من غير ما يكون عندك خبرة عملية تؤهل الشخص باستيعاب كل شيء !!..

البلديات الكل ما ينصحني فيها لانو مافي اي مجال لاكتساب الخبرة العملية و هي عباره عن رشاوي فقط !!!!

الكليات او الجامعات بصراحة ما جربتها و ان شاءالله من بعد الماجستير ...

حاليا باشتغل في شركة بعيدة عن مجالي و تصلح للهندسة المدنية و الهندسة الميكانيكية !!..

لكن برضو باقول ارزاق الناس مو زي بعضها ..

المهم .. خليني استغل وجودك و خاصة ما شاءالله عليك عندك دراية كافية و اسالك باحسن تخصص ماجستير ..

المطروح في الوزارة هادي الاقسام


Architecture
Architecture and town planning
Environmental design
Landscape architecture
Regional planning
Town and community planning

ايش احسن تخصص من ناحية السهولة و ايجاد فرصة عمل مناسبة من بعد التخرج ان شاءالله ..

و مشكور مقدما ...

يا شباب كأن الموضوع تغير جذرياً ؟

أنا أسأل عن كندا و الهندسة المعمارية موجود لها وظايف ليش مو موجود ؟

اخوي ميني مان .. معليش استغليت موضوعك !!..

بس صدقني محد يقدر يفيدك في سؤالك الا اذا رحت بنفسك على الوزارة و تسالهم !!.. و انا افتكر بانو اول ما تدخل مبنى الوزاره فيه لائحه طويله عريضه بشروط تحويل الطلاب من الحساب الخاص الى البعثة !!.. فيه درجات معينة و اترام معينة و تخصصات معينة !!..

و انا متاكد بان الهندسة المعمارية ليس مسموح لطلابها الالتحاق بالبعثة !!.. ( هذا الكلام قبل سنتين اما دحين ما ادري يمكن اتغيرت الشروط ) عشان كدا المفروض تروح بنفسك !!..

اما على الجامعات فبرضو محد راح يفيدك الا انك تدور بنفسك من النت عن افضل الجامعات من الاحصائيات لكن اهم شي تكون معترفة من الوزارة !!...

و لا يسمح لاي طالب الالتحاق بالبعثة الا اذا كان يعطوك موافقة اولا بالالتحاق بالجامعة ( برقم معين ) و بعدها على حسب درجاتك تلتحق بالبعثة !!!

يعني بالمختصر المفيد بانها شغله طويلة و ماهي مضمونة و يبغالها يمكن واسطات !!

و ربنا يوفق الجميع ان شاءالله