مساعدة ضايع ومادري من وين ابتدي

لاتتعامل مع مكتب.. لان اكثرهم حراميه.. ويدور المعهد اللي يعطيه نسبه اكثر يعني مايهمه الطالب

شوف من افضل المعاهد فيه واحد اسمه قلوبل فلج..
مده دراسه ٣ شهور بتكلفك: 3,360 CADالسكن احسب حسابك من ٧٠٠ الى ٨٠٠ دولار بالشهر

مده الدراسه ٦ شهور بتكلفك 6,096 CAD

فيه معاهد ارخص بس ماهي مثل جوده هالمعهد..

الجامعه قدم اوراقك عادي وبعضهم يقبل الاوراق بالسكانر يعني مايحتاج ترسل اوراق اصليه.. وشوف لك جامعات في شرق كندا لان اكثر اللي في الغرب ( برتش كولومبيا) مقفله من الملحقيه بسبب تكدس السعوديين.

الفيزا قدم ادخل موقع السفاره واطبع الابلكيشن وعبه .. واذا ماعرفت تعبيه تلقى شرح له بالمنتدى .. وصل الله وبارك.

مشكور اخوي الغالي بفضلك راح اخلص اموري بنفسي

بس يرت احد يقولي وش الاوراق المطلوبة عجلو علي يالربع تكفون

اخي الكريم انت مشتت نفسك حبتين
اول شي جيب لك قبول لغه اكثر من 6 شهور من اي معهد بكندا ولا تهتم وين مكانه لانه ماتفرق هالمعهد بس عشان الفيزا لو ني افضل انه يكون بنفس المدينه اللي تبغاها بس اهم شي اكثر من 6 شهور عشان الفيزا تكون دراسيه(فيه اكثر من نوع فيزا ) وبعدها قبول للجامعه مشروط باللغه عشان الانضمام للبعثه (حاول انك تجيبه قبل ماتطلع لكندا اذا المرحله بكالريوس لان الملحقيه تطلبه عشان الآنضمام)
بعدها توكل على الله وقدم ع الفيزا لانها تطول لأكثر من شهرين وشروط التقديم والطريقه موضحه من قبل الاخوان بالمواضيع المثبته
بعد ماتقدم الفيزا ابحث لك عن معهد كويس او معهد جامعي عشان تدخل الجامعه بدون ايلتس وزي كذا

والله يوفقك ويسهل امرك واذا احتجت شي او اشكل عليك شي حنى نعين ونعاون

بعد اذن صاحب الموضوع والله انا مثلك يالغلا مضيع ومحتار ومبلغي مو ذاك الزود تقريبا من 50 ل 60 الف ومحتار

لان ما ادري الانضمام للبعثه في كندا سهل وكم تقريبا يبي له ؟؟

وبعد في واحد من الردود كلام ان الفيزا تاخذ شهرين الله يعين لا ان شاء الله يطلع خبر مو صح .. لان على كذا مشوار على ما تطلع الفيزا

ولو فيه معهد رخيص تكفى اذكروا اسمه لان لغتي كويسه شوي تمشي الحال ومتعود على انقلش يعني اتوقع 3 شهور تكفي ان شاء الله

ووش اللي لازم اوفره عشان انظم بسرعه للبعثه

وهل الضمان المالي بالنسبه لمبلغ 50 الف كافي ؟؟ والا يبون زود

واسف على الاطاله

انصح تشوف لك طالب في كندا يمشي معك خطوة بخطوة ولا تعتمد على الملحقية والله ينهون مستقبلك و طموحك