استفسار معاهد فانكوفر التجارية

السلام عليكم .. يتكرر هذا السؤال دائماً في المنتدى .. اتوقع انه كل شخص بجاوبك من تجربته او وجهة نظره تحديداً .. مثلاً تطرح سؤال : وش رأيكم بالمعهد الفلاني .. بتحصل آراء متعددة .. منهم من يقول ممتاز، و منهم يذم المعهد .. و البعض الاخر يمدحه و بنفس الوقت يعتب على نقاط معينة. و لكن الشيء اللي الاغلبية متفقين عليه انه اللغة عبارة عن مهارة، يعني تقدر تكتسبها من اي معهد، بمعنى انه المعهد في الاخير راح يعطيك ٢٥٪ من اللغة و الباقي على مجهودك الشخصي .. ممكن تلقى اشخاص يقولون لك ان فترة ٦ أسابيع ما تكفي للغة، و لكن بأجتهادك راح تحصل نفسك تطورت بشكل كبير جداً. بالنسبة لي صراحة ما عندي خلفية قوية عن المعاهد التجارية، لان من جيت كندا و انا في الجامعة و لله الحمد، و بأذن راح يفيدونك الاخوان اكثر مني.
تنويه بسيط: بعد ما يتم ترشيح معهد معين اسأل الشخص على اي اساس اختار المعهد، و كيف طريقة التدريس فيه .. بالتوفيق .. تحياتي

زي ماقال الاخ عبدالله كل واحد يعطي من عنده وهم طلاب مبتعثين وماجربوا المعاهد كلها ( كل المعاهد اللي المكاتب تسوي عليها عروض كلها سعودين يعني اكثر الكلاسات سعودين) وبما انك جاي تدرس لغه علي حسابك شوف لك معهد مافيه طلاب سعودين ( ولو تخلي موضوع المعهد لحد ماتجي فانكوفر وتشوف المدرسه بعينك يعني تطلع قبول اي لاستخراج الفيزه( طبعا الفيزه اللي راح تقدم عليها فيزه زاير يعني القبول مساعد لك لاستخراج الفيزه فقط غير مجبور انك تدرس )بعدها مر علي المعاهد ) طبعا المعاهد كثيرر ولكن بعض منها متعمد من الملحقيه لطلاب المبتعثين ( انت الحين خلي موضوع لحد ماتوصل فانكوفر ) لو تجلس اسبوع تدور علي معهد عادي جدا وفيه معاهد تسوي تخفضيات في الصيف لانوا موسم اللغه ...بالتوفيق

اخوي محب الدراسه

الحين شلون اجي بفيزا زائر وادرس هل مسموح وهل اقدر ابدلها من كندا الى طالب
وفيزا الزائر كم مسموح لي اقعد هناك

اتوقع ٦ شهور مو متاكد من هالمعلومه بس فيزه الزاير ماتجي اكثر من ٦ شهور ....بالتوفيق

اشكرك اخوي محب والله يجزاك بالخير

اذا دراستك يا غالي اقل من ٦ أشهر فأن اللي يلزمك فيزا سياحية .. الله يوفقك و يسهل دربك .. تحياتي

الف شكر اخوي ريحتني من الحوسه والقبول

و عليكم السلام و رحمة الله و بركاته..

اول شي يعطيك العافية اخوي على تفاعلك مع كثيير من المواضيع و الاعضاء .. الله يجزاك خير

انا اتفق معاك ان اللغة مهارة و انت اللي تطور تفسك فيها .. لأني انا شخصيا لمن دخلت الجامعة ما كانت عندي لغة انقليزية جيدة لكن الحين افضل بكثير الحمدلله ..

طيب اذا ممكن ترشح لي معاهد في فانكوفر و اكون شاكر لك

الله يوفقك ..

والله يا غالي .. اشوف انها صعبة انا ادور معهد في مدينة ما اعرف عنها الا اسمها بس ..
و ثاني نقطة كيف ممكن اجيب قبول من معهد عشان اطلع فيزا .. و هل القبول يستلزم اني ادرس في المعهد نفسه ؟؟
لاني افكر اجيب قبول و ابدأ اجراءات الفيزا ..

طيب ممكن ترشح لي معاهد من اللي تقصدها .. اذا ما عليك امر

شكرا لك و بالتوفيق ..