شباب ادمنتون حياكم الله اقلطو

اخوي الله لايهينك عطنا معلومات عن المدينه من ناحيه الجو ومن ناحيه المعيشه بشكل عام وش ازين هي ولا فانكوفر

المسافر أشوفك حاط عينك على فانكوفر

تبي نصيحتي لا تغير نظرتك ,, فانكوفر وبس والباقي خس :P

اخوي رحال هلا وااااللله كيف ادمنتون يهو وياليت مثل ماقال لك اخوي المسافر تجيب لنا صور او اي شئ عنها

ومتى رحلتك !!

رحال الديرة احنا في أمس الحاجة نعرف أكثر عن هذي المدينة وجامعة ألبرتا ..
منتظررررررررررررين

هلا والله بالجميع

اقلطو حياكم القهوه والمه

اخوي الله لايهينك عطنا معلومات عن المدينه من ناحيه الجو ومن ناحيه المعيشه بشكل عام وش ازين هي ولا فانكوفر
منذ 5 ساعة/ساعات 23:46

اخوي المسافر ولا يهونون البقيه
بالنسبه للمدينة فانا مالي اسبوعين فيها والجو فيها اقل ما وصل فيها ٢٢ تحت الصفر واعلي شي وصل ٥ تحت الصفر والدنيا ثلج بس خلاص تعودت علي الوضع وصار شي عادي هه
اما بالنسبع للمعيشه فا مثل ما طرح في مواضيع عده ان السكن فيها بادي في الغلاء يعني الشقه ( مطبخ وحمام وغرفه وصاله تحصلها من ٨٠٠ $ وانت صاعد
اما الاكل ففي ادمنتوت مطاعم وقهاوي عربيه والصراحه اني بس شفتها ولا رحت الي الحين لها ، وفيه بعد محلات لبيع اللحم الحلال
كما انه فيها مساجد كثيره منها مسجد الرشيد في الشمال الغربي ويسكن حوله مجموعه من العرب ( من الشام والعراق ) والصراحه مارحت لهم الي الحين بس كلمت امام المسجد بالتلفون بس وهو سوري
اشوف اغلبيه اهلها من الكنديين الاصلين ولا شك من انه لا بد من وجود الصينين واليابانين والهنود والباكستانين ولاكن كل منهم متجمع حول ربعه وقليل ما تشوفهم في الاسواق
المدينه هدأه وبعد الساعه ٨ كلشي يسكر وهذا طابع اهل كندا
ادمنتون معروف عنها ان التاكس او الضريبه فيها اقل من غيرها واللي توصل الحين الي ٥ ٪ بخلاف باقي المدن الكنديه اللي توصل فيها الي ١٤٪
استعمال الباصات فيها بشكل محدود ويستعملون السيارات الخاصه اكثر لرخص البانزين عندهم ( بالنسبه لهم يعني اللتر ٠،٩٧ $ )

بالنسبه لفنكوفر ما اعرف عنها شي ولا قد رحتلها
بس اللي محببني في ادمنتون قله العرب وانا جاي علشان اتعلم لغه واشوف في فرق كبير من اول ماجيت الي الحين لاني ما اقدر اتفاهم معهم الا بالانجلينزي

هلا ولله بالغامدي

لمسافر أشوفك حاط عينك على فانكوفر

تبي نصيحتي لا تغير نظرتك ,, فانكوفر وبس والباقي خس :P

اخوي رحال هلا وااااللله كيف ادمنتون يهو وياليت مثل ماقال لك اخوي المسافر تجيب لنا صور او اي شئ عنها

ومتى رحلتك !!

والله اخوي ادمنتون تمام التمام باهلها و مع الجو البارد الحلو اللي فيها ( تراني من اللي يحب البرد وتجربه كل شي بالحلال ) علشان لا يروح بالكم بعيد
اما بالنسبه للصور والله الي الحين ما صورت شي بس ابشرو بعزكم واجيب لكم احلي الصور عن قريب ان شاء الله

هلا بك اخوي طائر النورس

رحال الديرة احنا في أمس الحاجة نعرف أكثر عن هذي المدينة وجامعة ألبرتا ..
منتظررررررررررررين

انا مثل ما قلت لك انا توني ما صار لي اسبوعين في ادمنتون
بس ابشر وش بغيت من الجامعه انا في الخدمه والمدينه تكلمت فيها بالرد علي اخوي المسافر ٧٧

اما بالنسبه للجامعه فانا الحين ادرس في المعهد اللغه التابع للجامعه والصراحه الكتاب باين من عنوانه
من ناحيت ترتيب فهم مرتبين علي انهم توهم منتقلين للمبني الجديد حقهم في الداون تاون يعني الجامعه صايره شوي بعيده عني
بس المدرسين ممتازين وهذا الكلام يجمع عليه الطلاب اللي قابلتهم في المعهد واللي لهم سنه وحولها في ادمنتون
طريقه التدريس فيها حلوه ومتطوره ما هي مثل بعض المعاهد اللي جربتها في كندا وهي المعاهد التجاريه
والمدرسين جدا متجاوبين مع الطلاب


واي اساله انا مستعد للاجابه عليه

بس غريبه ما في احد في المنتدي من ادمنتون ( ولا انهم مطفين نورهم )

مع تحيات اخوكم ابو عبدالكريم

رحااااااال تعال تعال

اول شئ هل انت بكالوريس

بعدين سمعت ان لك خبرة بالمعاهد التجارية !! واكيد تقصد بالتجارية اللي مش تابعة للجامعة ,,

طيب يخوك انا مثلك حالتك وابي اطلع بدرس في فانكوفر ,, بس المعهد اللي بروحه معهد تجاري موب تابع للجامعة

بس شفته منتشر بالعالم ونسبة العرب والايرانيين قليل جدا بالمعهد والمعهد متعاون مع جامعة البرتا على حسب مهو مكتوب بالموقع ححقهم

يخوي بلييز ( تكفا ) شوف ادخل فر على المعهد وقول لي شكله يجي منه او ماش http://www.canada-english.com/

رحال كيف بالك مرتاح !! ترى سفري قرب بقي له 14 يوم

يعطيك العافيه حبيبي رحال الديره .. محسوبك يبغى يدرس اللغه وطالع للماجستير وحاط عيني على البرتا ...والمعهد التابع لجامعة البرتا
وش نصيحتك على اذا ان صاحبك بيكمل ماستر تسويق هل البرتا ولا كالجاري أفضل
ياريت تفيدنا من حكم تجربت الأشخاص اللي تعاشرهم ..

يعطيك الف عافيه رحال بس بيني وبينك الجو مايساعد بامره
الغامدي اظاهر مالي الى فانكوفر