مفترق الطرق والأخوة في كندا أنتم أدرى

أبو ألياس هلا وغلا فيك

أنا بفانكوفر وما دام أنت مبتعث وزوجتك مبتعثه وضعك سليم لأن المكافأه بتكفيكم

وزووود بأذن الله وبتقول فلان الله يذكره بالخير قالي

أهم شي لا تفوتك فانكوفر وربي أنها ساحره بكل ما تعنيه الكلمه

والسكن

أنا مع هوم ستي عندهم الدور الارضي غرفتين وحمام وانتوا بكرامه ومطبخ

يبعد عن الدوان تاون حوالي 40 دقيقه بس بنورث فانكوفر منطقه جميله للغايه

وتصلح للعوايل جدا جدا

وأذا تبي أكلمهم لك من عيوني بس ترى بتكلفك حوالي 1100 دولار الا اذا تبي تحجز أكثر من شهر

يمكن يراعونك

تقبل تحياتي والله يوفقك

اخوي والله اختي هيبة ملك

يا ريت تكلمهم واعطيني رابط موقع السكن خليني احدده في الجوجل ايرث

لان غير السكن عندنا حوالي 1500 دولار للحضانة

ابو الياس اليوم كلمت المسؤول بالمعهد عنك بالضبط ,,

فقال لي يقدر يسكن بسكن الرزدنت وسكن الرزنت كبير وحلو مرة انا الان فيه

اتخيل انا عزوبي وعندي غرفتين نوم وحمام و مطبخ وفي كل انواع التسلية وكل اواني الطبخ وكل شئ متكامل من الى ..

وكلمت واحد سعودي مثلك ماستر وقاعد يدرس اللغة وعطاني رقم واحد اسمه بدر وقال خله يتصل عليه وهو يدبر له سكن ...

رقم بدر بالخاص برسله لك واللي يبي هالرقم يرسل لي بالخاص .

الغامدي اذا وصلت هناك لك مني عزيمة طبخ بيت يا العزوبي ...

لأنك نشمي وتساهل وما قصرت يا رجال ولد الرجال

يا كثر الغمد الا احبهم والله زادوا واحد

ساتصل عليه ...

تخدمني في شيء

كيف اجيب قبول المعهد

لأني السبت رايح الرياض علشان اخذ الضمان المالي وعلى السفارة الكندية بعدين

تحياتي وانا أخوك

أبو إلياس

عن طريق احد المكاتب مثل اديكون ويجيب لك القبول بيومين http://educon.com.sa/index.asp

او ادخل الموقع وعن طريقه عبي الابلكيشن وسو كل شئ

اخوي ابو الياس ولا يهونون الشباب

انا ادرس الان لغه في معهد جامعه البرتا في ادمنتون لي ما يقارب الشهر فيها

المعهد اشوفه جدا ممتاز ومتطور الي ابعد الدرجات من ناحيت التدريس والتجهيز ( وخاصه اهم توهم ناقلين الي المبني الجديد للمعهد )

طبعات المعهد جدا متفهم ومتجاوب مع الطلبه الي درجه انه الان معي في القاعه طالبه سعوديه متنقبه ( الله يجزاها كل الخير ) ولها كامل حريتها وطالبه انها ما تكون في مجموعات فيها شباب او رجال في الفصل واللي اشوفه ان المدرس جدا متفهم ومقدر طلبها
هذا بالنسبه للمعهد ( واسال عن معهد جامعه البرتا فهو غني عن التعريف )

بالنسبه للسكن والمعيشه في ادمنتون والبرتا عامه تعتبر من ارخص الاماكن في كندا ( لانها منبع البترول في كندا )
بالنسبه للسكن واحد من الشباب ساكن في الداون تاون ويبعد عن المعهد ١٠ دقايق مشي ( المعهد في الداون تاون ومنفصل عن الجامعه ويربطهم قطار تحت الارض) مآجر السكن باثاثه في الشهر ب ١٢٠٠ $

طبعا غالي لانه مع الاثاث وفي الداون تاون
بس لو تطلع من الداون تاون شوي مثلي انا ( بس تراني عزوبي ) ساكن الحين ب ٦٠٠ $ وابعد عن الجامعه بالباص ٣٥ الي ٤٥ دقيقه
والحين في مواقع بالانترنت حصلت سكن علي ٨٠٠ -١٠٠٠ يصلح للعائله

وفيه ميزه للمبتعثين العوائل ان اغلبيه المبتعثين في ادمنتون معهم عوايلهم ( يعني سوق العزابيه طايح هنا )

المشكله الوحيده في ادمنتون هي الشتاء فيها بارد جدا يوصل الي ٣٠ تحت الصفر في فتره من الفترات ( انا الي الحين اعلي شي وصل له ٢١ تحت الصفر بس يوم واحد ولا العاده ١٥ تحت الصفر - ٤ تحت الصفر ) طبعا كل مكان فيه دقايات حتي في الباصات


اسف علي الاطاله بس حبيت اني اوضح كل حاجه مره وحده

واذا في اي استفسار تراني بالخدمه واتشرف

اخوك رحال الديره - ابو عبدالكريم

اشكر اخواني انا تابعت الموضوع من البدايه اشكركم على حرصكم خدمتكم وجزاكم الله الف خير

سنايدي والله وكفيتوا ووفيتوا وخصوصا مع اخونا والله اكثر الطلاب اللي يسافرون برى ينكبون او انهم يتوروطون بشغلات ماتجي على بالهم انا حالياً في جامعه وودي اغيرها

فا ياليت يا اخوي يا رحال الديرة تعطيني معلومات اكثر عن البرتا

لانه انا متزوج وابي اجيب اهلي والمدينه اللي انا فيها قريه صغيره ما تصلح اني اجيب اهلي
وفيها خوف كثير ما تصلح للعوائل فا ياليت يا اخوي لو تتكرم تعطيني شلون اجيب قبول منها

وهل يحتاجون لتوفل او عن طريق المعهد التابع للجامعه مايحتاج
ساعدني يا اخوي رحال الديرة ابو عبدالله

أخ أبو عبد الكريم ...

شاكر لك لطفك وتوضيحك ... واعطيتنا أمل أنه فيه في كنداأماكن ينعاش فيا رغم هالبرد ...

أضم تساؤلاتي للاخ ابو عبد الله عن مدى ارتباط معهد اللغة بالجامعة أن أمكن الاستفسار وأخبارنا

تحياتي

أبو إلياس

للعلم كلية كندا للغات تتيح لك دخول جامعة البرتا بدون اختبار توفل ولا هم يحزنونيعني في بينهم تعاون .
وايضا في فبراير الكلية رح تقنل الى ناطحة سحاب .

اخوي الغامدي انا في كندا ومتورط ياليت ترسل ايميلك على الخاص بليز