بعد اسبوع انا في ترينتو ساعدوني

ابشرك الحمام وضعه تمام ويسلم عليك بعد ( وش تبوني اقول )


اما الصرف فا خذ لك 400 دولار

طبعا انا ما ادري سمعت انو ما في الباس باص في تورانتو مثل فانكوفر

يعني خذ 1700 ريال او 2000 بس حق المصاريف مع الباس باص

بنسبه للحمام مابوه قوقس يعني مرحاض تعملها وانتا قاعد

انا اقول لك جب لك كرس وتدرب عليه وبيومين ثلاث تكون خبره

ههههههههههه الله يرجك ياعامر .

هلا بك يالغالي وتوصل بالسلامة ان شاء الله ،، ولا تشيل هم ابد

بخصوص الحمام وانت بكرامه مثل ماقالو لك الاخوان مافيها شفاط وغيره ،، فبعض الناس ياخذله علبه او اي شي يعبيه بموية وينظف نفسه وانت بكرامه ،، وخاصة ان بعض العوائل يحرصون ان الموية ماتجي للمرحاض وانت بكرامه يعني تحرص من هالنقطة ولا تزعل العائلة منك ههههه ،، لكن بيتفهمون وضعك ان شاء الله ،، او عندك طريقة ثانية ،، فيه مساجد كثيرة في تورنتو ولله الحمد والمنه وفيها حمامات عربية يمدحونها وناخوك .

بالنسبة للصرفية اول شهر راح تكون زايدة شوي عن الشهر اللي بعده ،، لانك جديد على البلد وماتعرف شي فيها ابد فلازم تشتري اغراض وغيرها ،، فبخصوص كروت المواصلات ،، اذا وصلت في منتصف الشهر اشترى كرت مواصلات اسبوعي ،، واذا وصلت مع بداية الشهر الانجليزي اشتر كرت مواصلات شهري ،، واذا وصلت والشهر باقي على نهايته كم يوم لا تشتري كروت ادفع كاش .

وعندك وجبة الغداء حط براسك انك ممكن تاكلها خارج البيت ( ع حسابك ) ،، لانك بتكون في المعهد وماظنتي بتدق مشوار للبيت عشان تتغداء وترجع تكمل دراستك مره ثانية ،، الا اذا بتاخذ غداك من البيت او السكن قريب من المعهد فهذا كويس .

فخل نقول مثلا حطيت رجلينك في المطار ،، لقيت العائلة بوجهك ،، ودوك مطعم ع حسابهم او فطروك ع حسابهم كترحيب لك ،، حنيت لاهلك وتبي تدق عليهم ،، وقف على اقرب بقالة واطلب بطاقة اسمها ( فيزا اعتقد ) سعرها ان ماخانتني الذااكرة 2.5 دولار ،، هي مثل بطاقات زجول وسلام وغيرها ،، دق من هاتفهم على اي هاتف ثابت في السعودية وراح يعطيك اقل شي ساعه كاملة ،، سولف مع اهلك وطمنهم عنك ،، في هاليوم ماراح تطلع من البيت بتكون ضايق النفسيه بسبب الغربة وهذا شي طبيعي ،، اذا اليوم الثاني اجازة اطلع وخذلك فره على الحاره عشان تعرف مداخل الحاره ومخارجها وتحفظ معالم الحاره عشان ماتضيع ،، وسجل كل شي تشوفه بورقة خارجية وحطها بمخبااك وماتطلعها ابد ،، حتى رقم العائلة وعنوان السكن سجله بورقة خارجية ،، نمت وقمت اليوم الثاني للمعهد ،، فطرت عند العائلة ،، يمكن يوصلونك للمعهد اول يوم ،، او اشتر بطاقة بالنظام اللي ذكرته لك فوق ،، بعدها بتروح المعهد ،، اذا جعت او شي بتحصل محلات مشهورة اسمها ( تيم هورتن ) اسعارها حليوه تاخذلك كرسون وشاهي بثلاثة دولار اعتقد وخليك ذيب ،، عقب بتروح للمعهد وبيجي وقت البريك بوقت الغداء ،، وهنا بتسوي مثل ماذكرته لك اما تشتري غداء ع حسابك ،، او ترجع للبيت تتغدا ان كان قريب او تاخذ غداك معك ،، وبتدرس بالمعهد لحد قرب العصر ،، اطلع تعرف على الشباب اللي عندك وهذا مهم خاصة اول اسبوع ،، وخذ ارقامهم بعد ،، عشان ترتاح نفسيتك شوي خاصة اول الايام ،، اسالهم باللي تبيه وخذ منهم المفيد واترك القبيح ،، ارجع للبيت مبكر اول اسبوع ،، واحرص على مواعيد الباصات عشان مايفوتك الباص وتركب تاكسي ويسحب ابو الميزانية ،، واذا انت راجع من المعهد ومريت على بقالة تبي بارد او شي توسع صدرك فيه باليل خذلك ،، البارد يمكن بدولار ونص ،، وفي اليل بتتعشاء مع العائلة وبترقد .

هذا تقريبا بيكون نظامك في الويك داي ،، اما الويك اند انت وراحتك تبي تطلع سينما ومقاهي وغيرها بكيفك ،، احس اني طولت بالكتابة وكتبت قصة حياتي هههههه ،، حظك اني رايق اليوم (( يغمز ))

طبعا سعر صرف الدولار الكندي اعتقد واصل الان ( 3.68) .

الله يوفقك و يسهل دربك

نسيت اقول لا تحسب بالريال السعودي ولا تقعد تحول لانك بتحرق اعصابك ههههه .

ماقصر ابو الشباب قوطي فاضي .. اوقول خذ معاك على الاقل ٥٠٠٠ ريال سعودي وان كان عندك متوفر خليهم ١٠٠٠٠ ريال عشان تكون مرتاح ما تنزنق ونصيحة لا تحسب بالريال زي ماقال ابو الشباب قوطي فاضي راح تتعب ولا راح تشتري شي ..

الله يوفقك وتصول بالسلامة.

الله يجزاكم با الخير اجمعين و (قوطي) شكرا لك

بس استفسار انا في الاصل كنت با اشيل معي ٢٥٠٠ ريال للشهر الواحد تعرفون الواحد دافع اللي قدامه و اللي وراه علشان السفره ذي و حبيت اوفر و اشتريت من الحين مربا و جبنا و حلاوه يعني نواشف على اساس يمكن اكل العائله ما يعجبني مسبع نفسي من بدري
بس انا ابي اقولكم نظامي و انت قولوي كم احتاج

انا اوصل ٥ جون با اشتري كوبون ابو شهر للباص الغدا راح يكون برا البيت لأاني في المعهد و راح اشتري باعض المقاضي من التموينات (البقاله) يعني ببسي جلكسي شيئ زي كذا و نهاية كل اسبوع ابي استغل جلوسي في كندا يعني با اروح نياقرا فوللز و ابي اروح حديقة حيوان و ابي اتمشا

في ابي اعرف كم راح تكون التكلفه من كم الى كم اعطيني التكلفه با الدولار او الريال

و يارب الكل يردون و كل وواحد يرد يارب فرج له همومه كمان فرجها عني

ة اللي عنده معلومات اذافيه يحب يطلعني عليها اكون له من الشاكرين

عزيزي انت تبي تحسبها بدون تكاليف المعهد والعائله صح
اذا كذا احسب يوميتك ب٢٠ دولار
وكرت مواصلات شهري ب١٢٦ دولار او ١٠٤ دولار اذا طلعت بطاقه طالب
وخدمه النقال ب٥٠ دولار بالشهر
اول شهر راح تخسر حبتين زياده بس هذا عادة المتوسط
التكاليف بدون المعهد والسكن بمتوسط ١٠٠٠ دولار وع حسب صرفك فيه ناس ماتكلفهم ٦٠٠ وفيه ناس تنزل لهم مكافئه طالب مبتعث وبسبوع يشطبها

المعهد متوسط اسعاره بالشهر ١٢٠٠ دولار
العائله متوسط اسعارها ٧٠٠ دولار فيه ناس تحصل ب٤٠٠ وفيه ناس ماخذه بأكثر من ٩٠٠ تفرق الخدمات والوجبات ونظام السكن والحمام وانت بكرامه
اجمالي تقدر تقول المتوسط الشهري ٢٥٠٠ دولار

اذكر حسبتها مع واحد بدوره لمده ٦ شهور قبل سنه مع تكاليف العائله والطياره رايح جاي طلع الشهر ب١١ الف ريال يعني دوره لمده ٦ شهور ب٦٦ الف كمتوسط والله الموفق

الاخوان ماقصرو ونزيد عليهم شوي .

شوف يالغلا اذا حسبنا الـ 2500 ريال ،، راح تطلع لك تقريبا 660 $ ،، بالنسبة لي اشوف هالمبلغ قليل جدا في اول شهر ،، لانك جديد على المدينه ومهما حاولت راح تصرف غصبن عليك ،، ماتدل المطاعم الرخيصة ولا المحلات الرخيصة ،، وحط براسك ممكن تضيع وتركب تاكسي ،، فانا اشوف انك تاخذ معك اقل شي اقل شي 1000$ في اول شهر ( احتياطا للظروف الطارئة ) ،، اذا وفرت منها خير وبركة واذا ماوفرت تكون حاسبها من قبل ومجهز نفسك .

فلو حسبنا مثلا 660$ مصروفك ،، خل نقول الباص ( 120$) ،، دراستك في الشهر تقريبا 20 يوم ،، فخل نقول غداك في العشرين يوم ( 200$ ) ،، اغراض اخرى مثل بارد او فطور او اي شي خل نقول يوميا 5$ فراح يطلع بالشهر 100$ تقريبا ،، طبعا هالحسبة للغداء وللباص وللاغراض الاخرى في ايام الدراسة فقط بيطلع المجموع تقريبا ( 420$) ،،

بيبقا من مصروفك ( 240$) ،، خل نقول في الويكند راح تصرف في هاليومين ( 50$) تبي تتعشاء بمطعم او بتطلع مع ربعك للسينما او بتطلع مقهى ( مشاوير طويلة مثل نياغرا وغيرها بتكلفك اكثر طبعا ) فراح يصير المجموع ( 200$) شهريا للويكند هذا اذا كانت طلعاتك في الويكند قريبة يعني مقهى او سينما ،،،

فهذي اسعار تقريبية معطيك اياها وبدون اي طوارئ ووصلت حول الـ 600 دولار ،، فما بالك وانت جديد ع البلد واذا حصل طارئ لا سمح الله او اضطريت تزور عيادة او تبي تطلع رحلة مع معهد وغيرها من الشغلات .

فاشوف انك تاخذ معك اقل شي ( 1000$ ) لاول شهر ،، وبعدين كل شهر راح تقل صرفيتك شوي شوي لحد ماتفهم الديرة عدل وتعرف توفر دراهمك .


نصيحة لك وناخوك لا تضغط ع نفسك بخصوص الدراهم تراها بتسبب لك ضيقة نفسيه مابعدها ،، بتقابل طلاب مبتعثين ع حساب الدولة وبتطلع معاهم وبيوهقونك بالصرفية لانك ع حسابك وهم ع حساب الدولة ،، فبتضيق نفسيتك لان الحالة المادية مزعجة بالفعل خاصة في الغربة ،، والمشكلة الواحد في اول شهر مع الضيقة وده يتمشى ويشوف المدينه ويوسع صدره لكن ان كان ع حسابه راح تقيده الحاله المادية شوي ،، فحاول انك ترفه على نفسك اول شهر لكن بحدددددود المعقول ، وخل العائلة توديك للاسواق الكبيرة التوفيرية عشان تاخذ مقاضي شخصية حق اسبوعين مره وحده ،، بدل ماتضيع دراهمك على البقالات الصغيرة ،، ومثل ماقلت لك انتبه ونت تماشي الطلاب المبتعثين لان الصرفية عندهم مثل السلام عليكم وبتتوهق معاهم وبتحس بحرج فحاول تخفف من الطلعات معاهم ،، يعني اطلع معاهم لكن مو دايم خل نقول في الاسبوع مره مثلا ،، وشريحة التلفون لاتستعجل عليها ،، اشتر البطاقة اللي قلت لك عنها ( فيزا ) بدولارين ونص واي طالب تقابله او تحتاج رقمه سجله عندك ،، وياكثر الكباين في الشارع وبامكانك تستخدم البطاقة من خلالها وخلها تمشيك لاول شهر ،، وعط اهلك رقم العائلة اذا احتاجو يكلمونك ،، وفي الشهر الثاني بتكون عارف اسعار الشرائح وافضل شركة فخذلك الانسب والارخص بالنسبة لك.

فدام العائلة متكفلة بوجباتك حاول تقضي فطورك وعشاك كله مع العائلة ،، ماعدى في الويكند اذا بغيت تغير جو مع ربعك وتتعشى في الخارج .

ماودي اكثر بالكلام ،،، لكن ارجع واقول حاول ماتفكر كثير بالحالة المادية ،، حاسس بوضعك وبوضع كل طالب ع حسابه ،، لكن التفكير فيها والحسبه وتقعد كل يوم تحسب مصاريفك بتجيب لك وجع الرأس والقلق النفسي والضيقه ،، فرفه عن نفسك واطلع مع طلاب فصلك نهاية الدوام اذا فيه وقت ووسع صدرك معاهم وكون لك صداقات ،، وصدقني ماراح يمر شهرين الا وانت فاهم الديرة عدل ان شاء الله ومرتب الميزانية زين وعارف المطاعم الرخيصة والمناسبة وبتستانس اخر وناسة .

وبخصوص المعلبات اللي ماخذها معك احسبها زين عشان ماتاخذ عليك الخطوط على كل كيلو زيادة ،، وبالنسبة لي ما انصحك تاخذ اجبان ،، اذكر مره جبت اجبان وطالبوني بضرائب عن كل علبة المبلغ الفلاني فعطيتها لهم هدية ،، يعني هات لك مكرونة مثلا شاهي ليبتون حلاوة طحينية عسل تونه تمررررررررررررررر ان كنت من عشاق التمر ،، اشياء صلاحيتها كبيرة .

وكل ما انتهت المعلبات اللي عندك كلم اهلك يرسلون لك خاصة واننا قريبين من شهر رمضان ،، واذكر فيه واحد من الشباب كانو اهله يرسلون له كرتون كااااامل مليان اغراض ومعلبات عن طريق شركة شحن والله مذكر شنو اسمها ،، اعتقد المؤيد او حاجه زي كذا ،، فكانو يرسلون حول الـ 30 كيلو او اكثر بـ 400 ريال .
الله يوفقك يالغالي والعذر والسموحة ان كان كلامي غير مرتب ،،

جزاكم الله الف خير و كثر من امثالكم و وفقكم في الدنيه و الاخره

اخي العزيز خد معك ٢٠٠٠ دولار حتي لو انت ساكن في عائله