اول خطوات للأبتعاث بحسابي الخاص

وعليكم السلام ورحمة الله وبركاته

هلا بيك اخوي ... الدراسة في كندا ممتازة لكنها شديدة ان كان في راسك سلا ووناسة فا كندا ما تصلح ..ان كان في راسك دراسة وجد واجتهاد فا كندا المحل المناسب

بالنسبة لدراسة اللغة في منتريال ... انا ما اقول شي في الجامعة لكن لي وجهة نظر بالنسبة لدراسة اللغة في منتريال ، منتريال اغلب الي فيها يتكلمو فرنسي ... في الي يتكلم انجليزي لكن لوحات شوارعهم اغلبها فرنسي

انت عشان تتعلم انجليزي لازم تمارس للغه في الشارع في الاماكن العامة في كل محل لكن مونتريال الاغلب فرنسي فا انا اشوف الولايات الثانية افضل لتعلم اللغة ..

لا حظ انا اتكلم عن وجهة نظري الشخصية في تعلم اللغة فقط لا الجامعة

بالنسبة للتخصص انت ايش هدفك ... اكيد لك هدف من البداية

بالنسبة للانضمام للبعثة متى ما استوفيت شروطهم ومتطلباتهم ضموك ... ممكن تلاقي الشروط في موقع الملحقية مشروحة بالتفصيل

Saudi Cultural Bureau in Canada-- الملحقية الثقافية السعودية في كندا

بالنسبة ايهما افضل ... وجهة نظري مافي مقارنه ... كندا

اتمنى لك التوفيق والله يسعدك

وعليكم السلام ورحمة الله وبركاته ،، هلا بك يالغلا

ماشاء الله اخونا احمد ماقصر الله يجزاه بالخير .

بخصوص الدراسة في كندا مثل ماقالك الاخ احمد يبيلك تشد حيلك وتتوكل على الله ومتى ماتوفرت هالنقطتين ماعليك خوف ان شاء الله ،، ولازم تعرف ان الطقس في كندا بارد معظم شهور السنه ان كنت ممن يكرهون الشتاء ،،، وبخصوص اللغة في مونتريال كما ذكر لك ايضا ،، اغلب سكان مونتريال يتحدثون الفرنسية فلو تغير لولاية اخرى افضلك .

بخصوص التخصص متى ماوصلت هناك وبلشت بدراسة اللغة شوف التخصص اللي ترتاح له واسال الطلاب اللي يدرسون فيه ،، وثمن اختار التخصص .

وبخصوص الالحاق في البعثة ماحد يقدر يفيدك على هالسؤال ابد ،، ممكن تنضم خلال فترة قصيرة وممكن مايضمونك الا عقب انهاء مرحلة اللغة ،، فلا تاخذ فلوس حق كم شهر مثلا او تعلق املك انهم بيضمونك خلال كم شهر وثمن توهق عمرك ،، لانها اذا مشت لغيرك مو شرط تمشي لك بسرعه .

بخصوص ماليزيا وكندا بحكم اني دارس في هالبلدين راح اقولك شغله :

اذا كانت حالتك المادية جيدة وعندك الامكانية تدفع المبلغ الفلاني شهريا توكل على الله وروح لكندا ،، لان ممارسة اللغة اهم من تعلمها وفي كندا الممارسة راح تكون موجودة لان اللغة الام انجليزية ،، اما ان كانت حالتك المادية ماراح تساعدك انك تطول في كندا مثلا ،، فروح لماليزيا .

في كندا اذا رحت تدرس في معهد تابع للجامعه فدراستهم راح تعتمد على الرايتنق بحكم انك تبي تدخل الجامعه ،، واسعار المعاهد التابعه للجامعات غالية شوي ،، من الـ 1000$ وفوق ،، وغير مصاريف السكن والمصاريف الشخصية.
في ماليزيا فيه معهد معروف اسمه els اللي فروعه منتشرة في جميع انحاء العالم ،، هذا المعهد بيدرسك يوميا حول الخمس او ست ساعات ،، ويوميا ساعتين رايتنق ،، وسعره ان ماخانتني الذاكرة 2200 رنجت شهريا ( 2500 ريال تقريبا ) ،، والسكن ممكن تلاقي بـ 1000 وممكن بأقل ،، والمصاريف الشخصية انت تخبرها ،، لكن المشكلة ماراح يكون فيه ممارسه قوية باللغة ،، لان اللغة الام في ماليزيا مو انجليزية ،، يعني لا رحت محل وجبات سريعه وغيره راح يكلمك انجليزي لكن مو بهذيك اللغة اللي تتمناها ،، يمكن يكلمك مكسر فالممارسة عندك بتكون ضعيفة في ماليزيا ،، على عكس كندا اللي بتكون ساكن ممع عائلة انجليزية والمواصلات وجميع الاماكن بالانجليزي .

فأنت شوف وضعك واستخير الله ،، اذا تبي مثلا تدرس في هالمعهد كم شهر وتتعلم الرايتنق ،، ثمن تروح لكندا ونت مخلص الرايتنق أو تكون فاهم بالرايتنق ويحطونك في مستويات متقدمة بدل ماتبدأ من البداية وتزيد الخسارة عليك .

وأي استفسار عندي اجابته ان شاء الله ما اقصر بالاجابة عنك انا والاخوان .

بالتوفيق

حياك الله يالغلا

دام الحالة المادية جيدة توكل على الله وروح لكندا ،، وحط براسك ترى عدد السعوديين في كندا مو مثل قبل كم سنه ،، يعني في اي معهد تدخل له لو تحت الارض راح تلاقي سعودي ،، وهالكلام مو بس في كندا في جميع انحاء العالم ،، ماشاء الله ربعنا يحبون التعليم ههههه ،، فدام الحالة المادية جيده الله يزيدك ماعندك غير الاهتمام بالدراسة والتركيز فيها والممارسة وامورك بالسليم .

بخصوص المدينه فيه ناس تمدح في تورنتو وفيه ناس تمدح في اوتاو وفي ناس تمدح في فانكوفر فأنت ابحث بنفسك عن هالمدن وشوف اللي راح تناسبك .

بالنسبة لي كنت ادرس في تورنتو ودرست في اكثر من معهد اللي تابع للجامعه والاهلي ،، تبي معهد قوي يؤهلك للجامعه راح يكلفك من الـ 1000$ وفوق ودراستهم تعتمد على الرايتتنق ،، تبي معهد اهلي ممكن يكلفك 700-900 ودراستهم تعتمد على المحادثات والقرامر وغيرهـ ،، فانت دامك رايح ع حسابك هي ميزة ايجابية لك ،، يعني ادخل للمعهد اللي تبيه وادفع لهم حق شهر ،، اذا ما اعجبك روح لمعهد افضل منه وهكذا بس لا تضيع وقتك في التنقل بين المعاهد .

بخصوص تورنتو هي اكثر مدينة في العالم من حيث تنوع الجاليات ،، وهذي الميزة عاجبتني فيها ،، يعني تشوف الهندي والبنغالي والافغاني والعربي والكندي والزنجي وكل الجنسيات فيها ،، فماتحس انك غريب بينهم ،، والمسلمين واجد فيها والمساجد ماشاء الله معقولة والمدينه كبيرة اذا تبي الرخيص فيه واذا تبي الغالي فيه ،، والدراسة متى مارحت مع عائلة مثل الناس وشديت بدراستك في المعهد ومارست اللغة في الشارع راح تتحسن لغتك سوا كنت في تورنتو او غيرها ،،

صحيح ان الجو بارد معظم السنه في كندا وفي تورنتو اوقات توصل درجه الحرارة إلى 20 تحت الصفر ،، لكن المدينه كانت عاجبتني وارتحت فيها ،، ممكن يجيك شخص الان ويخالفني ويقول فانكوفر وبتقعد متردد وبتعقد نفسك ،، لذلك انصحك تقرأ عنهم كلهم وتشوف المدينه المناسبة لك وتوكل على الله وروح لها .

العفو ياسيدي .. هذا واجب

انا ما اعرف شي عن تورنتو .. انا في مدينة اوتاوا .. بصفه عامة كل المدن الكندية حلوة .. اوتاوا يميزها وجود الملحقية الثقافية والسفارة فيها

اوتاوا مدينة تصلح للعوائل مريحة وهادئة

بالنسبة للمعاهد الي انا اعرفها ( معهد جامعة اوتاوا ، معهد كلية القون كوين ، معهد جامعة كارلتن ) هذي معاهد حكومية وغير المعاهد التجارية مثل ( CLLC ) هذي بس الي انا اعرفها .. طبعا اكيد في غيرها معاهد

بالنسبة للاختصاص ما اقدر افيدك .. لكن انت شوف الاختصاص الي بكرة لمى تنتهي منه ان شاء الله وترجع السعودية تلاقي له مجال .. يعني مطلوب في الدوائر الحكوميه او سوق العمل .

والله يكون في عونك ويوفقك

اوكي طيب ممكن موقع للمعاهد التابعه للجامعات لتعليم اللغه ؟

وحاب اسئلك كيف اعرف الجامعه بتكون معترف بيها هنا لقيت جامعه ناسبتني في فانكوفر بس كيف اعرف موجوده ومعترف بيها عند الملحقية والاشياء دي ؟ :/

اسم الجامعه kwantlen

وغلبتك معاي

الله يوفقك...............................