استفسار انا تزوجت كنديه لكن ؟

اول شئ الله يوفقك ويرزقك الذريه الصالحه يارب
ثانياً انت اطلعت على الشروط المدونه في قرار ابتعاثك في حال مخالفتك اي شرط منها بعثتك لاغيه ويوقف الصرف عنك

وانت خالفت اهم الشروط تزوجت بدون اذن وزاره الخارجيه والداخليه

و اذا انت تقول مالهم دخل ماحد يختلف عليها لكن عند الحكومه ٢٦ الف سعودي تصرف عليهم متشتتين ببلدان خارج السعوديه وبزواجات مثل حالة ولدك الله يحفظه لكن بدون اذن
العمليه مو خذني جيتك لها اجراءات والنظام بالسعودية اذا بتتزوج من الخارج لازم تجيب اذن من وزارة الداخليه وتصدقه من وزاره الخارجيه ممثله بسفاراتها بالخارج
لو اخذنا الامور بالبساطه اللي انت تقولها كان ليش نطلع بطاقه عائله ونصدق زواجاتنا بالمحكمه خلاص شاهدين والسلام لكن هالكلام مايمشي هالوقت زواجك صحيح شرعاً لكن مايمشي عند الحكومة ولو كل من بغى يتزوج من الخارج زين مثلك كان صارت الدعوى فوضى

نصيحه لك لا تعطي الملحقيه خبر بزواجك وخله سكاتي واذا تبي تجيب ولدك السعوديه اشر له هو وامه بجوازهم الكندي وان شاء الله بعد ماتخلص دراستك ويوفقك الله ويفتحها عليك ارجع للسعوديه وابحث الموضوع مع الداخليه وبتحصل هناك ناس طيبين يقدرون ظروفك ويساعدونك واهل ديرتنا طيبيين بس انت خالفت النظام وتحمل عواقبه حبتين

على فكره رسوم الجامعه للطلاب الدوليين تقارب ٢٠ الف دولار للترم الدراسي الواحد تخيل تدفعها كل ٣ شهور بما يقارب ٦٠ الف دولار بالسنه غير مصاريفك الثانيه (شقه ومصاربف طفل ) فخليها سكاتي احسن لك الا اذا انت واصل بالحيل وضامن ان الصرف مايوقف ولا يآثر عليك

انا اقترح عليك انك تشوف لك محامي و تستفسر منه وش تسوي وهو يضبطك باذن الله

ما يحتاج محامى ومصاريف يقدر يسوى كل شئ بنفسه كل شئ واضح ماراح بسوى له المحامى ولاشئ

والله انا متعاطف معه ومع ابنه بس المشكله انه خالف النظام الله يهديه ونقول الله يجمع بينهم بخير ويوفقهم

عزيزي حاول تتكتم ع الموضوع لين تخلص دراستك وترجع السعوديه وراح تحصل ان شاء الله من يضبط امورك

طبعاً انت مو اول واحد ولا آخر واحد يتزوج بدون اذن لكن الحكومة صارمه بهالموضوع وتنظيم عمليه الزواج بكل الدول مو بس بالسعوديه وبعض الدول لها انظمه صارمه من الطلاق واقربها لنا مصر اذا طلق الرجل زوجته بمصر بدون سبب مقنع لها الشقه والاثاث وعليك ان تدفع اجارها اذا عندها اولاد

انا ماعرف النظام بكندا
لكن اكيد فيه نظام والمفروض انك تكون مطلع عليهواكيد فيه نقاط تحمي حقوقك وفيه نقاط تحمي حقوقها

الرجال حاط الموضوع يستفسر اتوقع انه مو داري وش يسوي

امور بالقانون و سياسه بلد

وواضح انه مايبي لا يطلق ولا يترك عياله و زوجته يتمرمطون يمكن الزوجه تتحمل اول 5 سنين بس بعدها بتتعب من المشورة و كل شوي فيزا ..

انا اشوف يا انك تتجنس كندي بعد قول 10 سنوات او انك تستشير محامي يضبط لك وضعك او تطلق و تاخذ الموافقه و ترجعها مره ثانيه ..

وضعك متعب الله يعينك

لا ان شاء الله الله لا يقوله
مهما كان هو اخونا ومتزوج مسلمه ومانتمنى لهم الا الخير وهم سعداء مع بعض الله يلم شملهم بطاعته

الحصول على الموافقه اجراءاتها مو سهله ابداً وفيها صعوبه
لي جار له ابن له حاله خاصه ولم يجد من ترضى الزواج به بالداخل ورفع اوراقه لنايف بن عبدالعزيز الله يرحمه قبل خمس سنوات ولم تتم الموافقه الا بعد ثلاث سنوات وفي كل مره يآجلون الموافقه ويقولون ابحثوا عن زوجه في الداخل
وفيه شخص آخر اراد ان يتزوج زوجه ثانيه من الخارج ورفض طلبه بعذر ان زوجته لازالت قائمه بشؤونه مع العلم ان زوجته عمرها قد تجاوز ال٤٠

اعتقد بأن الزواج من الخارج ليست لها اجراءات واضحه وانما تعتمد على سياسه دوروا من بنات البلد واذا ماحصلتوا يمكن نسمح لكم تتزوجون من الخارج

السلام عليكم .. قريت بعض الردود .. و لكن من واقع خبرة " أخوي تزوج وقت ما كان مبتعث " و حالياً زوجته و أولاده معه في السعودية و لله الحمد ، و لكن كان الموضوع معقد جداً فوق ما تتصور ، بالذات عند اصدار إقامة لزوجته ، لان تزوج و ما أخذ موافقة من الوزارة .. عالعموم ألف مبروك و الله يجمع بينكم على خير و يسهل أمورك

عقبالي يارب في ميونخ ههههههه

طبعا لو علمت الملجقيه بتلغي بعثتك
وما تقدر تجيبهم السعوديه نهائيا اللي اذا اخذت
موافقه من الحكومه السعوديه
الله يوفقك ويحفظ لك ابنك لكن مالها داعي
استحقار اطفال السعوديه ترا انت منهم
ويكفي انهم عيال اصل وفصل من اب وام
بعض الكلام عيب ينقال يالطيب

- - - مشاركة محدثة - - -

طبعا لو علمت الملجقيه بتلغي بعثتك
وما تقدر تجيبهم السعوديه نهائيا اللي اذا اخذت
موافقه من الحكومه السعوديه
الله يوفقك ويحفظ لك ابنك لكن مالها داعي
استحقار اطفال السعوديه ترا انت منهم
ويكفي انهم عيال اصل وفصل من اب وام
بعض الكلام عيب ينقال يالطيب

الله يوفقك ويسعدك ويبارلكم بولدك
بس لازم موافقة الداخلية عشان تقدر تمشي في كل مكان وتاخد حقوقك وحقوقها وحق ولدك كمان

حاول سوي اجراءات تصحيح وضع عشان تعرف تمشي امورك والله ييسرلك ويسهل كل امورك