أجيب السجل الاكاديمي والشهادة في ظرف مختوم ؟؟ لازم

معليش اخ business انت من جامعة عبدالعزيز هل تتوقع بيتعاونو معانا بالظروف والختم
انا ماجستيرمخلصه وعشان اختم التوصيات العاديه وهما 3 جلسوا يتأففوا فما بالك بدا العدد

كيف قسم البنين عندكم متعاونين؟
واش تخصصك؟

الأخ B7R....

قلت: كل ورقة في ظرف و"اتخم" كل ظرف

صح ولا لا

وأنا أقول : إيوا (أتخمها) بالهنا والعافية وممكن تجمع صور التوصيات في ظرف واحد بسالسجل والشهادة كل واحدة في ظرف لحال.


الله يسعدك ويوفقك دنيا وأخرة

وأرحب بأي استفسار أو سؤال من شخصك الكريم أو من باقي الأخوة والأخوات.

الاخ business انا عندي 3 توصيات وطبعا كلام عادي " تعبير يعني "
انا راح اطبع الفورمات تبع الجامعات الكندية اللي ناويه اقدم عليها واخلي
الدكاترة يعبوها ليا وبعدين اختمها وكمان راح اخليهم يكتبوا توصيات على
ورق الجامعة الرسمي بنفس طريقة الجامعات الكندية " هذه للاحتياط لو ماقبلتني
الجامعات اللي بأقدم عليها " كدا تمام ؟
في سؤال تاني لازم كل توصية في فورم ؟ مايسير نخلي كل التوصيات طبعا
الـ 3 مع السجل الاكاديمي والوثيقة في ظرف واحد مختوم ؟
شاكرة لك تجاوبك معنا وسعة صرك وجزاك الله عنا كل خير

الأخت....soso2

قلتي: لاخ business انا عندي 3 توصيات وطبعا كلام عادي " تعبير يعني "
انا راح اطبع الفورمات تبع الجامعات الكندية اللي ناويه اقدم عليها واخلي
الدكاترة يعبوها ليا وبعدين اختمها وكمان راح اخليهم يكتبوا توصيات على
ورق الجامعة الرسمي بنفس طريقة الجامعات الكندية " هذه للاحتياط لو ماقبلتني
الجامعات اللي بأقدم عليها " كدا تمام ؟

تمام 100%

بس مافهمت أيش ورق الجامعة الرسمي ؟

في سؤال تاني لازم كل توصية في فورم ؟ مايسير نخلي كل التوصيات طبعا
الـ 3 مع السجل الاكاديمي والوثيقة في ظرف واحد مختوم ؟
شاكرة لك تجاوبك معنا وسعة صرك وجزاك الله عنا كل خير
ممكن تجمعي مثلاً كل صور التوصيات الثلاثة في ظرف واحد بس خلي السجل والشهادة في ظرفين منفصلين أفضل.

والله ياليت تعطونا الفورم حق التوصيات

لاني تبع كلية إعدام المعلمين

وتوصياتهم إنشائية سطرين مدري ثلاث

لو شافتها جامعات كندا شاتوني بوز على طول بدون تفاهم !!

الدكتورة الفاضلة رهفة الكلام.....
قلتي: معليش اخ business انت من جامعة عبدالعزيز هل تتوقع بيتعاونو معانا بالظروف والختم
انا ماجستيرمخلصه وعشان اختم التوصيات العاديه وهما 3 جلسوا يتأففوا فما بالك بدا العدد

كيف قسم البنين عندكم متعاونين؟
واش تخصصك؟

تمام أنا من جامعة الملك عبدالعزيز وأقولك إنو قسم الطلاب جداً جداً جداً متعاونين الله يعطيهم العافية.

وعندي طريقة إن شاء الله تعجبك وتطلع مفيدة روحي لشطر الطالبات ومعاك التوصيات واطلبي منهم ختمها وزحلقيهم بكلمتين حلوة ع الطاير ووضحي لهم إنو دا حق من حقوقك وإنو الجامعات الكندية طالبة ودا صحيح إللي يراسل الجامعات الكندية يطلبوا منو أشياء محددة ومعروفة( سجل اكاديمي و توصيات وشهادة و توفل وجيمات) وتطلب بعض الجامعات التوصيات والسجل والشهادة في ظروف ومختومة , نرجع لموضوعنا وبعد كدا إن شاء الله يختموها بإذن الله , وفي حالة لاسمح الله ركبو راسهم الله يعين أبو العيال ويعطيه الصحة يروح لعمادة القبول والتسجيل ويحاول عند الاستقبال يختمها ويوضح لهم السبب إن سألوه , وإن برضو........ يطلع للعميد يعني أمشي معاهم لين تاخدي حقك.

وإن شاء الله يساعدوك ويسهلوا أمرك وعليك بالدعاء

أما بالنسبة لتخصصي هو بكالوريوس تسويق .

التوصيات أجمعي كل صورة من التوصيات وحطيهم في ظرف واحد عشان تقللي من عدد الظروف وكمان كدا أحسن أما السجل والشهادة خلي كل واحدة منفصلة زي الضراير.

والله يوفق الجميع لما يحبه ويرضاه ويعطي الجميع أزود من نيتو بالخير.

الله يعين ........والله شلت هم الموظفات الله يهديهم تعاملهم سيء

طيب الختم اي ختم؟

يعني نفس التوصية او الشهادة او السجل يكون عليها ختم طبق الأصل ولا ختم العمادة؟

ومن برى الظرف هل لازم يكون نفس الختم اللي جوى؟

يعني لو كان جواختم طبق الأصل ومن برى ختم العمادة او الكلية مافيها مشكلة؟؟؟؟

والسجل لاكاديمي يكون منفصل عن الشهادة؟ كل واحد في ظرف؟

طيب ليش ما اصور السجل الاكاديمي حق الدرجات عند اي مكتبة ابو 15 صورة بريال ويردلك باقي الريال واروح اختمها طبق الاصل يعني ليش لازم كل نسخة ب 10 ريال ؟؟ على ايامنا كنا نصور ب 10 ريال 847978 نسخة من كشف الدرجات ونروح نختمها

في اسالة مرة عجيبة ف الموضوع دا والمرفورض الناس رايحة تجيب ماسترز هههههههه
طيب نا عندي كم سؤال >> تكملة الاسالة العجيبة :
الختم ايش لازم يكون لونو .. طيب لو ابغاه يختملي بختم بنكي وجبتو معايه يقبلوبو ؟؟
الاوراق اللي اصورها كم مقاسها ؟؟ وايش خلفيتها بيضة ولا فسفورية ؟؟
طيب ادبس الاوراق مع بعض ولا مو لازم؟؟
طيب الظرف اللي اجيبو اقفلو بالشريط ابو لصق حقو ولا اسيبو مفتوح عشان الاوراق لا تنكتم جوتو ويسيح الحبر فيها ويمكن تموت
ههههههههه يهوووووووووووو ماسارت اسالة